ບັນດາເຈົ້າໜ້າທີ່ຍີ່ປຸ່ນໄດ້ນໍາພາພວກນັກຂ່າວຈຸນຶ່ງເຂົ້າໄປໃນບໍລິເວນໂຮງໄຟຟ້ານີວເຄລຍ
Fukushima ທີ່ຍັງໃນສະພາບເປ້ຍລ່ອຍນັ້ນ ເປັນເທື່ອທໍາອິດໃນວັນເສົາມື້ນີ້ ເພື່ອສະແດງ
ໃຫ້ເຂົາເຈົ້າເຫັນວ່າ ສະຖານະການໃນໂຮງໄຟຟ້າມີສະຖຽນລະພາບແລ້ວ ນັບແຕ່ໄດ້ຖືກ
ທໍາລາຍແລະເສຍຫາຍ ຍ້ອນໄພແຜ່ນດິນໄຫວແລະຄື້ນຟອງຍັກສຸນະມິ ໃນວັນທີ 11 ມີນາ
ຜ່ານມານັ້ນ.
ພວກນັກຂ່າວໄດ້ເຫັນພວກລົດບັນທຸກປີ້ນຂວ້າມ ຍ້ອນຄື້ນຟອງສຸນະມີ ພວກຕຶກອາຄານ
ຂອງພວກເຕົາແຍກຫລືປະຕິກອນນີວເຄລຍແລະກອງຊາກຫັກພັງທີ່ຍັງບໍ່ມີຫຍັງໄປແຕະ
ຕ້ອງເທື່ອ ນັບແຕ່ຄື້ນຟອງຍັກສຸນະມິປະທະມາເມື່ອ 8 ເດືອນປາຍຜ່ານມາ.
