ລິ້ງ ສຳຫລັບເຂົ້າຫາ

ຍີ່ປຸ່ນ ຈະເປີດ ການເຈລະຈາ ລະດັບ ລັດຖະບານ ກັບ ເກົາຫລີເໜືອ


ຍີ່ປຸ່ນ ແລະ ເກົາຫລີເໜືອ ຈະເຈລະຈາກັນທີ່ ກຸງປັກກິ່ງ

ຍີ່ປຸ່ນກ່າວ​ວ່າ ຕົນ​ຈະເປີດ​ການ​ເຈລະຈາລະ​ດັບ​ລັດຖະບານກັບ​ເກົາ​ຫລີ​ເໜືອ ​ໃນ​ເດືອນ​ນີ້
ຊຶ່ງເປັນ​ຄັ້ງ​ທໍ​າອິດ ​ໃນຮອບ​ສີ່​ປີ.

ລັດຖະບານຍີ່​ປຸ່ນ ກ່າວ​ວ່າ ການເຈລະຈາ​ທີ່​ວ່ານີ້ ຈະ​ກວມ​ເອົາຫລາຍໆ​ບັນຫາ ລະຫວ່າງ​
ສອງ​ປະ​ເທດ ​ແລະ​ຈະ​ມີ​ຂື້ນ​ທີ່ກຸງ​ປັກ​ກິ່ງ ​ໃນ​ວັນ​ທີ່ 29 ສິງຫານີ້​.

ການ​ປະກາດ​ໃນ​ວັນ​ອັງ​ຄານມື້ນີ້ ​ໄດ້​ມີ​ຂື້ນ​ເກືອບແປດ​ເດືອນຫລັງ​ຈາກຜູ້​ນໍາເກົາ ຫລີ​ເໜືອ
ທ່ານ Kim Jong Un ​ໄດ້ເຂົ້າກໍາ​ອໍານາດ ຫຼັງຈາກ​ການ​ເຖິງ​ແກ່​ອະ ສັນ​ຍະ​ກຳ​ຂອງມື້ລາງ
ບິດາທ່ານ ຄື ທ່ານ Kim Jong II.

ການເຈ​ລະ​ຈາລະຫວ່າງ​ລັດຖະບານຂອງ​ປະ​ເທດ​ທັງ​ສອງ ອາດ​ເປັນ​ສັນຍານ​ ​ສະ​ແດງ​ໃຫ້​ເຫັນ
​ເຖິງຄວາມ​ຄືບ​ໜ້າ ​ ​ໃນການ​ພະຍາຍາມທີ່​ຈະ​ສ້າງຕັ້ງສາຍ​ພົວພັນ​ຢ່າງ​ເປັນປົກ​ກະຕິ ​ລະຫວ່າງ
ປະ​ເທດ​ເພື່ອນ​ບ້ານເອ​ເຊຍທັງ​ສອງ.

ຄວາມ​ສໍາພັນ​ລະຫວ່າງ​ປະ​ເທດ​ທັງສອງ​ ​ໄດ້​ຊຸດ​ໂຊມ​ມາ​ເປັນ​ເວລາ​ດົນ​ນານ​ແລ້ວ ​ໂດຍ​ທີ່
ໂຕ​ກຽວກ່າວ​ອ້າງວ່າ ພຽງ​ຢາງ​ໄດ້​ລັກພາ​ໂຕຊາວຍີ່ປຸ່ນ ຊຶ່ງ​ສ່ວນ​ໃຫຍ່​ຢູ່​ໃນ​ສະໄໝສົງ​
ຄາມ​ເຢັນ.

​ເກົາຫລີ​ເໜືອ​ຍອມຮັບ​ວ່າ​ ໄດ້​ລັກພາ​ໂຕຄົນສັນຊາດ​ຍີ່​ປຸ່ນ 13 ຄົນ​ ໃນຊຸມ​ປີ 1970 ​ແລະ
1980 ແຕ່​ກໍກ່າວ​ວ່າ ບັນ​ຫາ​ໄດ້​ຖືກ​ແກ້​ໄຂໄປ​ແລ້ວ ນັບ​ຕັ້ງ​ແຕ່ຕົນ​ໄດ້​ອະນຸ​ຍາດ​ໃຫ້​ພວກຖືກ
​ລັກພາ​ໂຕ​ຫ້າ​ຄົນ ​ກັບໄປ​ຍັງ​ຍີ່ປຸ່ນ.

ຍີ່ປຸ່ນສົງໄສ​ວ່າ ​ເກົາຫລີ​ເໜືອຍັງ​ເຊື່ອ​ງພວກ​ທີ່​ລອດຊີວິດ​ໄວ້ຈຳນວນ​ນຶ່ງ ​ແລະ​ໄດ້​ລັກພາ​ໂຕ​
ຜູ້​ຄົນຫລາຍ​ກວ່າ​ທີ່ໄດ້​ຍອມຮັບ​ໄປ​ນັ້ນ.

XS
SM
MD
LG