ລົດໄຟທີ່ໃຊ້ເທັກໂນໂລຈີກ້າວໜ້າທັນສະໄໝ ທີ່ແລ່ນລອຍຢູ່
ເທິງລາງດ້ວຍແຮງ ແມ່ເຫຼັກດຶງດູດຫລື levitating train ໃນ
ປະເທດຍີ່ປຸ່ນ ໄດ້ທຳລາຍສະຖິຕິໃໝ່ ຂອງໂລກດ້ວຍຄວາມ
ໄວເຖິງ 603 ກິໂລແມັດ ຕໍ່ຊົ່ວໂມງ.
ອົງການສູນກາງລາງລົດໄຟຍີ່ປຸ່ນກ່າວວ່າ ອັນທີ່ຮ້ອງວ່າ ລົດ
ໄຟ maglev ເດີນທາງດ້ວຍຄວາມໄວກາຍ 600 ກິໂລແມັດ
ຕໍ່ຊົວໂມງເກືອບ 11 ວິນາທີໃນລະຫວ່າງການທົດລອງແລ່ນ
ໃນວັນອັງຄານວານນີ້.
ລົດໄຟສາມາດບັນລຸຄວາມໄວດັ່ງກ່າວທັງນີ້ກໍຍ້ອນພະລັງຂອງເຫລັກກ້າຂະໜາດ ແຮງ
ທີ່ເຮັດໃຫ້ມັນຍົກຂື້ນຫລາຍຊັງຕີແມັດຢູ່ເທິງລາງລົດໄຟ ທີ່ເປັນການກຳຈັດ ແຮງສຽດສີ
ນັ້ນ. ການສາກໄຟຂອງເຫລັກກ້າຍັງຊ່ວຍເປັນແຮງຂັບດັນໃຫ້ລົດໄຟແລ່ນດ້ວຍ.
ອົງການສູນກາງລາງລົດໄຟຍີ່ປຸ່ນຫວັງວ່າ ເທັກໂນໂລຈີ maglev ຈະສາມາດນຳໃຊ້ໃນ
ປີ 2045 ຊຶ່ງໃນທີ່ສຸດຈະຕັດເວລາໃນການເດີນທາງລົງເຄິ່ງນຶ່ງ ເຫຼືອພຽງແຕ່ນຶ່ງຊົ່ວໂມງ
ກວ່າໆເທົ່ານັ້ນ ລະຫວ່າງນະຄອນ Tokyo ແລະນະຄອນ Osaka. ເສັ້ນທາງທີ່ສັ້ນກວ່າ
ລະຫວ່າງນະຄອນ Tokyo ແລະເມືອງ Nagoya ຄາດວ່າຈະເປີດໃນທ້າຍປີ 2020.
ບັນດາເຈົ້າໜ້າທີ່ກ່າວໃນວັນອັງຄານວານນີ້ວ່າ ການທົດລອງນີ້ແມ່ນໝາຍຄວາມ ວ່າ
ເພື່ອຈະພິຈາລະນາເຖິງຂອບເຂດຈຳກັດ ຂອງເທັກໂນໂລຈີ ແຕ່ໄດ້ເນັ້ນໜັກວ່າ ເຂົາ
ເຈົ້າມີຄວາມຫວັງວ່າ ເວລາແລ່ນແທ້ໆແລ້ວຄວາມໄວຈະຕົກຢູ່ປະມານ 500 ກິໂລແມັດ
ຕໍ່ຊົ່ວໂມງ.
ຈີນແລະຍີ່ປຸ່ນ ແຂ່ງກັນຍາດເອົາ ໂຄງການທາງລົດໄຟຄວາມໄວສູງ ຢູ່ເອເຊຍ:
