ລິ້ງ ສຳຫລັບເຂົ້າຫາ

ຄະນະລັດຖະບານຍີ່ປຸ່ນ ໄດ້ໃຫ້ການອະນຸມັດ ຕໍ່ແຜນການ ໃຊ້ຈ່າຍມູນຄ່າ 61 ພັນລ້ານໂດລາ ທີ່ແນໃສ່ເພື່ອເສີມຂະ ຫຍາຍເສດຖະກິດ ທີ່ອ່ອນແອຂອງປະເທດ.

ແຜນການໃຊ້ຈ່າຍທີ່ວ່ານີ້ແມ່ນຮວມທັງການໃຫ້ຄວາມຊ່ອຍ ເຫຼືອ ແກ່ເສດຖະກິດພູມີພາກ ແລະທຸລະກິດຂະໜາດນ້ອຍ ພ້ອມກັບໃຫ້ເງິນທຶນສຳລັບຊອກຄົ້ນຫາແຫຼ່ງແຮ່ທາດທີ່ຫາ ຍາກແຫ່ງໃໝ່.

ກະຊວງການເງິນຂອງຍີ່ປຸ່ນກ່າວວ່າ ແຜນການກະຕຸກຊຸກຍູ້ ເສດຖະກິດນີ້ ຄາດວ່າຈະເພີ້ມຜົນຜະລິດ ທາງດ້ານເສດຖະ ກິດພາຍໃນປະເທດ 0.6% ແລະສ້າງ ຫຼືຮັກສາວຽກເຮັດ ງານທຳໄວ້ 450,000 ໜ້າວຽກ.

ເສດຖະກິດຂອງຍີ່ປຸ່ນພວມດີ້ນຮົນຕໍ່ສູ້ ຍ້ອນຄ່າເງິນເຢນ ທີ່ແຂງຂຶ້ນ ເຮັດໃຫ້ສິນຄ້າສົ່ງອອກມີລາຄາແພງຂຶ້ນ ຢູ່ໃນ ຕະຫຼາດຕ່າງປະເທດ. ນອກນັ້ນແລ້ວ ເສດຖະກິດຂອງຍີ່ປຸ່ນ ຍັງໄດ້ຖືກແກ່ດຶງໃຫ້ຕົກຕໍ່າ ໂດຍຮອບຂອງເງິນຝືດ ຄືລາຄາສິນຄ້າຖືກ ເຮັດໃຫ້ກຳໄລຂອງ ບໍລິສັດ ຫຼຸດນ້ອຍລົງ.

ແຜນການກະຕຸກຊຸກຍູ້ ທີ່ໄດ້ມີການສະເໜີໄປນີ້ ແມ່ນເປັນແຜນການໃຊ້ຈ່າຍເພີ້ມຕື່ມຂອງງົບ ປະມານ ແລະຈຳເປັນຈະຕ້ອງໄດ້ຮັບການອະນຸມັດ ຈາກສະພາແຫ່ງຊາດຂອງຍີ່ປຸ່ນກ່ອນ.

XS
SM
MD
LG