ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ຍີປຸ່ນ ປະສົບກັບ ການຂາດດຸນການຄ້າ ເທື່ອທໍາອິດ


ອະທິບໍດີ ຝ່າຍຜູ້ບໍລິໂພກໃໝ່ ຂອງຍີ່ປູ່ນ Jin Matsubara (ຄົນກາງ) ກໍາລັງເດີນເຂົ້າໄປສູ່ບ້ານພັກຂອງ ນາຍຍົກລັດຖະມົນຕີ ທີ ໂຕກຽວ, ວັນສຸກ, ມັງກອນ. 13, 2012.
ອະທິບໍດີ ຝ່າຍຜູ້ບໍລິໂພກໃໝ່ ຂອງຍີ່ປູ່ນ Jin Matsubara (ຄົນກາງ) ກໍາລັງເດີນເຂົ້າໄປສູ່ບ້ານພັກຂອງ ນາຍຍົກລັດຖະມົນຕີ ທີ ໂຕກຽວ, ວັນສຸກ, ມັງກອນ. 13, 2012.

ຍີ່​ປູ່​ນປະສົບ​ກັບ​ການ​ຂາດ​ດຸນການ​ຄ້າປະ​ຈໍາປີ​ເປັນ​ເທື່ອ​ທໍາ​ອິດໃນຮອບ 30 ປີ​ ​ຍ້ອນ​ວ່າ
ການ​ສູນ​ເສຍ​ພະ​ລັງ​ນີວ​ເຄລຍທີ່​ສືບ​ເນື່ອງ​ມາ​ຈາກ​ໄພພິບັດ​ແຜ່ນ​ດິນ​ໄຫວ​ແລະ​ຄື້ນຟອງ​ສຸ​
ນາ​ມິ​ນັ້ນໄດ້ເຮັດ​ໃຫ້​ຍີ່ປຸ່ນຕ້ອງ​ໄດ້ນໍາ​ເຂົ້າພະລັງງານຫລາຍ​ຂື້ນ ພ້ອມ​ດຽວ​ກັນນັ້ນຄ່າເງິນ
ເຢັນທີ່​ແພງ​ຂື້ນ ​ກໍ​ໄດ້ເຮັດ​ໃຫ້​ສີນ​ຄ້າ​ສົ່ງອອກຊ້າ​ລົງ.

ລັດຖະມົນຕີ​ການ​ເງິນຍີ່​ປຸ່​ນກ່າວ​ໃນ​ວັນ​ພຸດມື້​ນີ້​ວ່າ ເສດຖະກິດຍິ່ປຸ່ນທີ່​ຂັບ​ດັນ​ໂດຍ​ສີນ​ຄ້າ
ສົ່ງ​ອອກເປັນ​ສ່ວນ​ໃຫຍ່​ນັ້ນ ​ໄດ້​ມີ​ການ​ຂາດ​ທຶນ​ເຖິງ 32​ ພັນລ້ານໂດ​ລາ ​ໃນ​ປີ 2011.

ສີນ​ຄ້າສົ່ງອອກ​ທັງ​ໝົດ​ລຸດລົງ 2.7 ​ເປີ​ເຊັ່ນ ​ໃນ​ຂະນະ​ທີ່​ລາຄາເງິນ​ເຢັນທີ່​ສູງ​ຂື້ນ​ເຮັດ​ໃຫ້​
ສີນ​ຄ້າ​ອອກ​ຂອງຍີ່​ປູ່​ນ ​ແພງ​ຂື້ນສໍາລັບ​ຜູ້​ຊື້​ໃນຕ່າງປະ​ເທດ.

ໃນເວລາ​ດຽວ​ກັນ​ນັ້ນ ສີນ​ຄ້າ​ນໍາເຂົ້າ​ໄດ້​ເພີ້​ມ​ຂື້ນ​ເຖິງ 12 ​ເປີ​ເຊັນ ​ເນື່ອງ​ຈາກໄພແຜ່ນ​ດິນ
ໄຫວ​ແລະ​ຄື້ນຟອງ​ສຸ​ນາ​ມິ​ໃນ​ເດືອນມີນາປີ 2011 ນັ້ນ ໄດ້​ເຮັດ​ໃຫ້​ໂຮງງານໄຟຟ້າພະລັງ
ນີວ​ເຄລຍຈໍາ​ນວນ​ນຶ່ງຕ້ອງ​ໄດ້ຖືກປິດ​ລົງ ສົ່ງ​ຜົນ​ໃຫ້​ຍິ່ປຸ່ນທີ່​ຂາດ​ແຄນຊັບພະ​ຍາ​ກອນ​ນັ້ນ ​
ຕ້ອງ​ໄດ້​ອີງ​ອາ​ໄສການ​ນໍາ​ເຂົ້ານໍ້າ​ມັນ​ທີ່​ມີ​ລາຄາ​ແພງ.

ໃນ​ປີ 2011 ລາຄາ​ເງິນ​ເຢັນສູງ​ຂື້ນ ເປັນ​ປະວັດ​ການ ​ໃນ​ການ​ແລກປ່ຽນ ​ກັບເງິນໂດ​ລາ
ເນື່ອງ​ຈາກພວກນັກ​ລົງ​ທຶນ​ພາກັນ​ຫັນ​ໄປ​ຫາ​ເງິ​ນ​ເຢັນ​ຂອງຍີ່​ປູ່​ນ​ ທີ່​ມີ​ຄວາມ​ທຸ່ນ​ທ່ຽງ​ກ່ວາ
ເງິນ​ໂດ​ລານັ້ນໃນຂະນະ​ທີ່ຢູ​ໂຣບ​ແລະສະຫະລັດປະສົບ​ກັບ​ສະພາວະເສດຖະກິດປັ່ນ​ປ່ວນ.

XS
SM
MD
LG