ການສົ່ງອອກສິນຄ້າຂອງຍີ່ປຸ່ນຂະຫຍາຍໂຕຊ້າລົງ ໃນ
ເດືອນສິງຫາຜ່ານມາ ເປັນເດືອນທີ່ຫົກລຽນຕິດ ໃນຂະນະ
ທີ່ຄ່າຂອງເງິນເຢນສູງຂຶ້ນ ແລະຄວາມຕ້ອງການສິນຄ້າຍີ່ປຸ່ນ
ຢູ່ໃນຕ່າງປະເທດໄດ້ລຸດລົງ ຊຶ່ງໄດ້ເພີ່ມຄວາມກົດດັນໃສ່
ເສດຖະກິດຂອງຍີ່ປຸ່ນ.
ລັດຖະບານຍີ່ປຸ່ນຖະແຫລງວ່າ ການສົ່ງອອກໄດ້ເພີ່ມຂຶ້ນ
15.8% ໃນເດືອນສິງຫາ ສົມທຽບກັບປີກາຍນີ້ ໂດຍມີມູນ
ຄ່າເຖິງ 62 ພັນລ້ານໂດລາ ຊຶ່ງແມ່ນໜ້ອຍກ່ວາທີ່ໄດ້ຄາດ
ໝາຍໄວ້.
ໃນຂະນະດຽວກັນ ການນຳເຂົ້າສິນຄ້າໄດ້ເພີ່ມຂຶ້ນ 17.9% ເປັນປະມານ 61 ພັນລ້ານໂດລາ.
ກຳໄລການຄ້າ ຈຳນວນ 1,200 ລ້ານໂດລາໃນເດືອນສິງ ຫານັ້ນ ແມ່ນລຸດລົງຈາກປີ 2009 38% ຊຶ່ງເປັນການລຸດລົງ ເປັນເທື່ອທຳອິດໃນຮອບ 15 ເດືອນ.
ເງິນເຢນຂອງຍີ່ປຸ່ນໄດ້ແຂງຄ່າຂຶ້ນ ສູ່ອັດຕາສູງສຸດໃນຮອບ 15 ປີໃນການແລກປ່ຽນ
ກັບເງິນໂດລາສະຫະລັດ ຊຶ່ງໄດ້ສົ່ງຜົນກະທົບແລະສ້າງຄວາມເສຍຫາຍໃຫ້ແກ່ພວກ
ບໍລິສັດສົ່ງອອກແລະຄວາມພະຍາຍາມທີ່ບໍ່ແຂງແຮງຂອງຍີ່ປຸ່ນໃນການຟື້ນຟູເສດຖະກິດ
ກັບຄືນມານັ້ນ.
