ລາຍງານຂ່າວຈາກຍີ່ປຸ່ນແຈ້ງວ່າ ຕຳຫຼວດໄດ້ຈັບຜູ້ຫລົບລີ້ໜີກົດໝາຍຄົນສຸດທ້າຍຂອງກຸ່ມ
ສາສະໜາ Aum Shin Rikyo ທີ່ໄດ້ໃຊ້ແກັສພິດທຳລາຍເສັ້ນປະສາດໂຈມຕີລະບົບລົດໄຟ
ໃຕ້ດິນໃນກຸງໂຕກຽວ ເມື່ອປີ 1995.
ອົງການໂທລະພາບສາທາລະນະ NHK ຂອງຍີ່ປຸ່ນ ລາຍງານວ່າ ນາຍ Katsuya Taka-
hashi ອາຍຸ 54 ປີ ອະດີດສະມາຊິກຂອງກຸ່ມສາສະໜາ Aum Shin Rikyo ໄດ້ຖືກຈັບ
ໃນວັນສຸກມື້ນີ້ ທີ່ຮ້ານກາເຟຂາຍປື້ມຕະລົກແຫ່ງນຶ່ງໃນເຂດໃຈກາງນະຄອນຫຼວງໂຕກຽວ.
ພະນັກງານທີ່ເຮັດວຽກຢູ່ຮ້ານດັ່ງກ່າວຈື່ລາວໄດ້ແລະໄດ້ໂທລະສັບໄປເອີ້ນຕຳຫຼວດ.
ການຕາມລ່າຫາໂຕນາຍ Takahashi ໄດ້ເລີ່ມຂຶ້ນໃນເຂດກຸງໂຕກຽວນັບຕັ້ງແຕ່ໄດ້ມີການ
ຈັບກຸມ ນາງ Naoko Kikuchi ອາຍຸ 40 ປີ ສະມາຊິກອີກຄົນນຶ່ງ ຂອງກຸ່ມສາສະໜາດັ່ງ
ກ່າວທີ່ໄດ້ໃຊ້ແກັສພິດ Sarin ໂຈມຕີລະບົບລົດໄຟໃຕ້ດິນທີ່ເປັນເຫດໃຫ້ 13 ຄົນເສຍຊີວິດ
ແລະອີກ 6,000 ຄົນໄດ້ຮັບບາດ ເຈັບ. ມີການສົງໄສວ່ານາງເປັນຜູ້ຜະລິດແກັສພິດທີ່ວ່ານີ້.
ນອກນັ້ນແລ້ວກຸ່ມສາສະໜາ Aum Shin Rikyo ຍັງເປັນຜູ້ຮັບຜິດຊອບໃນການໃຊ້ແກັສ
ພິດ Sarin ໂຈມຕີທີ່ເມືອງ Matsumoto ໃນເຂດພາກກາງຂອງຍີ່ປຸ່ນທີ່ເຮັດໃຫ້ມີຜູ້ເສຍຊີ
ວິດ 8 ຄົນນັ້ນ.
ຜູ້ນຳຂອງກຸ່ມສາສະໜາ Aum Shin Rikyo ທ່ານ Shoko Asahara ພວມ ລໍຖ້າການ
ປະຫານຊີວິດ ພ້ອມກັບສະມາຊິກຄົນອື່ນໆຂອງກຸ່ມດັ່ງກ່າວຢ່າງໜ້ອຍ 11 ຄົນ.