ນາຍົກລັດຖະມົນຕີຍີ່ປຸ່ນ ທ່ານ Yoshihiko Noda ໄດ້ຍຸບ
ສະພາຕໍ່າ ເພື່ອຈັດການເລືອກຕັ້ງທົ່ວໄປ ຊຶ່ງຄາດຄະເນວ່າຈະ
ນຳເອົາການປາໄຊມາສູ່ພັກປະຊາທິປະໄຕຍີ່ປຸ່ນຊຶ່ງເປັນພັກລັດ
ຖະບານທີ່ປົກຄອງປະເທດ ຢູ່ໃນເວລານີ້.
ການເຄື່ອນໄຫວຂອງທ່ານ Noda ເພື່ອຍຸບສະພາຕໍ່າ ຊຶ່ງເປັນ
ສະຖາ ບັນນິຕິບັນຢັດທີ່ມີອຳນາດຂອງປະເທດນັ້ນ ມີຂຶ້ນຫລັງ
ຈາກພັກຝ່າຍຄ້ານ ຄືພັກເສຣີປະຊາທິປັດ ໄດ້ຕົກລົງຮັບເອົາ
ການປະຕິຮູບຈຳນວນ ນຶ່ງ ຮວມທັງການຕັດການຂາດດຸນງົບ
ປະມານແລະມາດຕະການປະຕິ ຮູບການເລືອກຕັ້ງ.
ອະດີດນາຍົກລັດຖະມົນຕີແລະຜູ້ນຳພັກເສຣີປະຊາທິປັດທ່ານ Shinzo Abe ອາດຈະກັບຄືນມາເປັນນໍາພາລັດຖະບານອີກ ຖ້າຫາກວ່າ ພັກຝ່າຍຄ້ານໄດ້ຮັບໄຊຊະນະ ໃນການເລືອກຕັ້ງສະພາຕໍ່າ ດັ່ງທີ່ການຢັ່ງຫາງສຽງແນະໃຫ້ເຫັນນັ້ນ. ແຕ່ບັນດາຜູ້ສັງເກດການ
ກ່າວວ່າເກືອບເປັນທີ່ແນ່ນອນວ່າ ຈະມີລັດຖະບານປະສົມທີ່ອ່ອນແອໂຜ່ໂຕຂຶ້ນມາຈາກ
ການເລືອກຕັ້ງດັ່ງກ່າວ ຊຶ່ງກໍານົດໃສ່ວັນທີ່ 16 ເດືອນທັນວາຈະມາເຖິງນີ້.
