ລິ້ງ ສຳຫລັບເຂົ້າຫາ

ນັກການທູດຍີ່ປຸ່ນຄົນນຶ່ງ ຖືກໂຈມຕີ ຢູ່ເຢເມັນ


ຕໍາຫຼວດກວດເບິ່ງລົດຄັນນຶ່ງ ຢູ່ທາງເຂົ້າໂຮງໝໍ ບ່ອນທີ່ ນັກການທູດຍີ່ປຸ່ນ ພັກຮັກສາໂຕຢູ່ ໃນເມືອງຫຼວງ Sana'a ຂອງເຢເມັນ, ວັນທີ 15 ທັນວາ 2013.
ເຈົ້າ​ໜ້າ​ທີ່​ຮັກສາ​ຄວາມ​ປອດໄພທ່ານ​ນຶ່ງ​ໃນ​ປະ​ເທດ​ເຢ​ເມັນ
ກ່າວ​ວ່າ ຄົນ​ຮ້າຍ​ກຸ່ມ​ນຶ່ງ​ໄດ້​ໂຈມ​ຕີ​ ​ໂດຍເອົາ​ມີດ​ແທງນັກ​ການ
​ທູດ​ຍີ່ປຸ່ນ​ຄົນ​ນຶ່ງ ຊໍ້າ​ແລ້ວ​ຊໍ້າ​ອີກ ຢູ່​ໃນ​ເມືອງ​ຫຼວງ Sanaa ​ໃນ
​ຄວາມ​ພະຍາຍາມທີ່​ຈະ​ລັກ​ຈັບໂຕ​ຜູ້ກ່ຽວ​ໄປ ​ແຕ່​ບໍ່ສໍ​າ​ເລັດ​ຜົນ.

​ເຈົ້າ​ໜ້າ​ທີ່​ເວົ້າ​ວ່າ ຄົນ​ຮ້າຍ​ໄດ້​ໂຈມ​ຕີນັກ​ການ​ທູດ​ຄົນ​ນັ້ນ​ ໃນ​ວັນ​
ອາທິດ​ມື້​ນີ້ ​ຢູ່​ບໍ່​ໄກ​ຈາກ​ສະຖານທູດ​ຍີ່ປຸ່ນ​ເທົ່າ​ໃດ ​ແລະໄດ້​ແທງ​
ຜູ້ກ່ຽວຫຼາຍໆ​ຄັ້ງ ຫຼັງຈາກ​ທີ່​ລາວຂັດ​ຂືນ ບໍ່​ຍອມ​ໄປ​ກັບ​ພວກ​ເຂົາ.

​ເຈົ້າ​ໜ້າ​ທີ່​ບໍ່​ໄດ້​ບອກ​ຊື່​ນັກ​ການ​ທູດຍີ່​ປຸນ​ ​ແຕ່​ກ່າວ​ວ່າ ​ເວລາ​ນີ້​ຜູ້ກ່ຽວ​ຢູ່​ໂຮງ​ພະຍາບານ ​
ແລະ​ຄາດ​ວ່າ ຈະ​ຫາຍ​ດີ​ຈາກ​ບາດ​ແຜ​ທີ່​ໄດ້​ຮັບ.

ການ​ລັກພາ​ໂຕ​ແມ່ນ​ເປັນ​ເລື້ອງ​ທໍາ​ມະ​ດາ ​ໃນ​ປະ​ເທດ​ເຢ​ເມັນ ບ່ອນ​ທີ່​ພວກ​ຊົນ​ເຜົ່າ​ທີ່​ຖື​ອາວຸດ ​ແລະ​ພວກ​ມຸສລິ​ມຫົວ​ຮຸນ​ແຮງ ມັກ​ຈັບ​ຄົນ​ໄປ ​ເປັນ​ໂຕ​ປະກັນ ​ເພື່ອ​ແລກເອົາເງິນ
​ຄ່າ​ໄຖ່ ຫລື​ແລກປ່ຽນ​ກັບ​ຄົນ​ຂອງ​ພວກ​ເຂົາ ທີ່​ຖືກ​ຈັບ​ເປັນ​ນັກ​ໂທດ.
XS
SM
MD
LG