ຊີວະປະຫວັດ ທີ່ປະກອບດ້ວຍ 61 ເຫລັ້ມຂອງມື້ລາງພະເຈົ້າ
ຈັກກະພັດ Hirohito ຂອງຍີ່ປຸ່ນ ໄດ້ບັນລະຍາຍໃຫ້ເຫັນວ່າ
ພະອົງໄດ້ຊົງຕຳໜິຕິຕຽນ ຕໍ່ແຜນການໂຈມຕີສະຫະລັດ ໃນປີ
1941 ແລະກ່າວເຖິງພະອົງ ວ່າ ມີຄວາມໝັ້ນໃຈວ່າຈັກກະພັດ
ຍີ່ປຸ່ນບໍ່ມີໂອກາດຈະໄດ້ຮັບໄຊຊະນະ.
ຂໍ້ຄວາມບາງຕອນລ່ວງໜ້າຂອງຊີວະປະຫວັດທີ່ຍາວ 12,000
ໜ້າ ແມ່ນໄດ້ໃຫ້ລາຍລະອຽດຕ່າງໆຂອງເຈົ້າຈັກກະພັດ Hiro-
hito ໃນລະ ຫວ່າງສົງຄາມໂລກຄັ້ງທີ 2 ໄດ້ນຳອອກເຜີຍແຜ່
ໂດຍສື່ມວນຊົນຍີ່ປຸ່ນ ໃນວັນອັງຄານວານນີ້. ຂໍ້ຄວາມເຫຼົ່ານີ້
ໄດ້ສະແດງໃຫ້ເຫັນວ່າ ຈັກກະພັດ Hirohito ໄດ້ຊົງຕຳໜິແຕ່
ຕົ້ນປີ 1939 ກ່ຽວກັບ “ການມີໃຈໂນ້ມ ອຽງ” ຢາກເຮັດສົງຄາມ ຂອງກອງທັບຍີ່ປຸ່ນ
ໃນຂະນະທີ່ບັນດາຜູ້ນຳຂອງກອງທັບ ໄດ້ເຂົ້າຮ່ວມເປັນພັນທະມິດ ກັບນາຊີເຢຍຣະມັນ.
ອົງການຂ່າວ Kyodo ຍັງໄດ້ອ້າງອິງເຖິງຄຳເຕືອນ ຂອງຈັກກະພັດ Hirohito ໃນເດືອນ
ກໍລະກົດ ປີ 1941 ຕໍ່ການປະກາດສົງຄາມກັບສະຫະລັດຂອງກອງທັບເຮືອຍີ່ປຸ່ນ. ມີລາຍ
ງານວ່າ ພະອົງຊົງໄດ້ທຳ ນາຍລ່ວງໜ້າ ກ່ຽວກັບການເຄື່ອນໄຫວນີ້ວ່າ “ບໍ່ມີຫຍັງໜ້ອຍ
ໄປກວ່າ ການເຮັດສົງຄາມທຳລາຍຕົວເອງ.”
5 ເດືອນຫຼັງຈາກນັ້ນ ກອງທັບເຮືອຂອງຈັກກະພັດຍີ່ປຸ່ນ ໄດ້ໂຈມຕີຖານທັບເຮືອຂອງສະ
ຫະລັດ ຢູ່ອ່າວ Pearl Harbor ລັດ Hawaii ຊຶ່ງໄດ້ແກ່ດຶງເອົາສະຫະລັດ ເຂົ້າສູ່ສົງຄາມ
ໂລກ ທີ່ຍັງຄົງມີຜົນກະທົບ ໄປທົ່ວໂລກ 7 ທົດສະວັດຕໍ່ມາ.