ທ່ານ Yoshihiko Noda ນາຍົກລັດຖະມົນຕີຍີ່ປຸ່ນເດີນທາງໄປເຖິງປັກກິ່ງເມື່ອວັນອາທິດ
ມື້ນີ້ ເພື່ອເຈລະຈາກັບພວກຜູ້ນໍາຈີນ ທີ່ຄາດວ່າຈະເພັ່ງ ເລັງໃສ່ຄວາມໝັ້ນຄົງຂອງຂົງເຂດ
ຫລັງຈາກການມໍລະນະກໍາຂອງຜູ້ນໍາຜະເດັດການ ກິມ ຈົງອິລ ຂອງເກົາຫລີເໜືອ.
ກ່ອນຈະອອກຈາກຍີ່ປຸ່ນນັ້ນ ທ່ານ ໂນດະ ໄດ້ບອກພວກນັກຂ່າວວ່າ ທ່ານຢາກປະຕິບັດ
ງານຢ່າງໃກ້ຊິດກັບຈີນ ເພື່ອຄໍ້າປະກັນວ່າສັນຕິພາບ ແລະສະຖຽນລະພາບໃນແຫຼມເກົາ
ຫລີຈະບໍ່ໄດ້ຮັບຜົນກະທົບໄປໃນທາງລົບ.
ເບິ່ງຄືວ່າການເຈລະກັນຄັ້ງນີ້ ຈະໂຮມທັງເລື່ອງການເຈລະຈາຫົກຝ່າຍ ກ່ຽວກັບການຍຸຕິ
ໂຄງການນີວເຄລຍຂອງເກົາຫລີເໜືອ.
ທ່ານໂນດະ ພົບປະກັບນາຍົກລັດຖະມົນຕີຈີນທ່ານ ເຫວິນ ເຈ້ຍບາວ ເມື່ອວັນອາທິດມື້ນີ້
ແລະຫລັງຈາກນັ້ນກໍຈະເຂົ້າພົບປະທານຫູ ຈິນເຖົາ ກ່ອນຈະກັບຕ່າວຄືນຍີ່ປຸ່ນ.
