ຍີ່ປຸ່ນ ໄດ້ຍື່ນຟ້ອງກັບຕັນເຮືອປະມົງຈີນ ທີ່ໄດ້ກໍ່ໃຫ້ເກີດເຫດການລະຫວ່າງຊາດຂຶ້ນ ໃນປີ
2010 ເວລາລາວເອົາເຮືອຂອງລາວແລ່ນເຂົ້າຕຳກຳປັ່ນ 2 ລຳຂອງໜ່ວຍຍາມຝັ່ງຍີ່ປຸ່ນໃກ້
ກັບໝູ່ເກາະແຫ່ງນຶ່ງທີ່ມີການຂັດແຍ້ງກັນ ໃນທະເລຈີນຕາເວັນອອກ.
ການຍື່ນຟ້ອງຢ່າງເປັນທາງການຊຶ່ງໄດ້ມີການປະກາດໃນວັນພະຫັດວານນີ້ ມີຂຶ້ນຫຼັງຈາກ
ຄະນະກຳມະການສືບສວນທີ່ເປັນອິດສະຫຼະໄດ້ຕ່າວປີ້ນການຕັດສິນໃຈຂອງຄະນະໄອຍະ
ການເພື່ອຍົກເລີກຂໍ້ຫາຕໍ່ກັບຕັນ Zhang Qixiong.
ການເຄື່ອນໄຫວ ກ່ຽວກັບການຍົກເລີກຂໍ້ຫາ ໄດ້ມີການຫຼາຍໆອາທິດຫຼັງຈາກອຸບັດຕິເຫດ
ກຳປັ່ນຕຳກັນໃນເດືອນກັນຍາປີ 2010 ທີ່ຊາວຍີ່ປຸ່ນບາງຄົນເວົ້າວ່າ ໂຕກຽວໄດ້ຍອມກົ້ມ
ຫົວຕໍ່ການກົດດັນຂອງຈີນກ່ຽວກັບບັນຫາຂັດແຍ້ງທີ່ມີມາເປັນເວລາດົນນານເລື່ອງໝູ່ເກາະ
ທີ່ບໍ່ມີຄົນອາໄສຢູ່ທີ່ຍີ່ປຸ່ນເອີ້ນວ່າ Senkaku ແລະຈີນເອີ້ນວ່າ Diaoyou ນັ້ນ.
ພວກນັກວິເຄາະໄດ້ສະແດງຄວາມສົງໄສບໍ່ແນ່ໃຈວ່າກັບຕັນ Zhang Qixiong ທີ່ໄດ້ເດີນ
ທາງກັບຄືນໄປຈີນແລ້ວ ສອງສາມອາທິດລຸນຫຼັງທີ່ໄດ້ເກີດອຸບັດຕິເຫດນັ້ນ ຈະຖືກນຳໂຕກັບ
ຄືນມາຂຶ້ນສານທີ່ປະເທດຍີ່ປຸ່ນ.