ລິ້ງ ສຳຫລັບເຂົ້າຫາ

ເຈົ້າໜ້າທີ່ຍີ່ປຸ່ນກ່າວວ່ານາຍົກລັດຖະມົນຕີ Naoto Kan
ຈະນຳເອົານັກປະຫຍັດງົບປະມານ ເຂົ້າມາຮ່ວມໃນຄະນະ
ລັດຖະບານຂອງທ່ານ ເພື່ອສະແດງໃຫ້ເຫັນວ່າ ທ່ານມີ
ຄວາມຈິງຈັງກ່ຽວກັບແກ້ໄຂບັນຫາໜີ້ີສິນທີ່ພວມເພີ່ມທະ
ວີຂຶ້ນຂອງປະເທດ.

ທ່ານ Kaoru Yosano ອະດີດລັດຖະມົນຕີການເງິນຂອງ
ພັກເສລີປະຊາທິປັດຊຶ່ງເປັນພັກຝ່າຍຄ້ານນັ້ນ ກ່າວຕໍ່ພວກ
ນັກຂ່າວໃນວັນພະຫັດມື້ນີ້ວ່າທ່ານໄດ້ລາອອກຈາກພັກການ
ເມືອງນ້ອຍໆຂອງທ່ານທີ່ມີຊື່ວ່າ ພັກພະອາທິດຂຶ້ນນັ້ນແລະ
ພ້ອມແລ້ວທີ່ຈະຊ່ອຍລັດຖະບານ. ຍັງບໍ່ທັນເປັນທີ່ຈະແຈ້ງເທື່ອວ່າທ່ານຈະໄດ້ຮັບຕຳແໜ່ງ
ໃດເວລາທ່ານ Kan ປະກາດກ່ຽວກັບການຊັບຊ້ອນລັດຖະບານໃໝ່ ໃນວັນສຸກ ມື້ອື່ນນີ້.
ວົງການຂ່າວຂອງຍີ່ປຸ່ນລາຍງານວ່າ ທ່ານ Yoshito Sengoku ລັດຖະມົນຮັບຜິດຊອບ
ກ່ຽວກັບຄະນະລັດຖະບານທີ່ມີໜ້າທີ່ເປັນຮອງນາຍົກລັດຖະມົນຕີນັ້ນມີທ່າທາງວ່າຈະຖືກ
ປົດ ແລະທ່ານ Yukio Edano ອະດີດລັດຖະມົນຕີປະຕິຮູບການປົກຄອງ ຈະເຂົ້າຮັບຕຳ
ແໜ່ງດັ່ງກ່າວແທນ. ເປັນທີ່ຄາດກັນວ່າທ່ານ Sengoku ຈະໄປເປັນຜູ້ຮັກສາການປະທານ
ພັກປະຊາທິປະໄຕຍີ່ ປຸ່ນຊຶ່ງເປັນພັກລັດຖະບານໃນເວລານີ້.

ນອກນັ້ນແລ້ວ ຍັງເປັນທີ່ຄາດກັນວ່າ ລັດຖະມົນຕີຂົນສົ່ງ ທ່ານ Sumio Mabuchi ທີ່ມີ
ຄວາມຮັບຜິດຊອບຮວມທັງກຳກັບນຳໜ່ວຍຍາມຝັ່ງຂອງຍີ່ປຸ່ນນັ້ນກໍຈະຖືກປົດຄືກັນ. ທ່ານ
Sengoku ແລະທ່ານ Mabuchi ຕ່າງກໍໄດ້ຖືກຕຳໜິຕິຕຽນຈາກສະພາແຫ່ງຊາດຍີ່ປຸ່ນໃນ ປີກາຍນີ້ກ່ຽວກັບການຮັບມືໃນບັນຫາຂັດແຍ້ງທີ່ເກີດຈາກການຈັບກຸມກັບຕັນເຮືອປະມົງຈີນ ໂດຍໜ່ວຍຍາມຝັ່ງຂອງຍີ່ປຸ່ນນັ້ນ.

XS
SM
MD
LG