ຍີ່ປຸ່ນ ໄດ້ປະກາດງົບປະມານດ້ານປ້ອງກັນປະເທດ ທີ່ໃຫຍ່ທີ່ສຸດ
ເທົ່າທີ່ເຄີຍມີມາ ໃນຂະນະທີ່ປະເທດດັ່ງກ່າວ ພະຍາຍາມຫາທາງ
ຕອບໂຕ້ຕໍ່ອິດທິພົນທາງ ດ້ານທະຫານຂອງຈີນທີ່ພວມເພີ້ມທະວີ
ຂຶ້ນຢູ່ໃນຂົງເຂດ ໂດຍສະເພາະ ຢູ່ໃນເຂດທະເລຈີນຕາເວັນອອກ.
ຄະນະລັດຖະບານຂອງນາຍົກລັດຖະມົນຕີ Shinzo Abe ໃນວັນ
ພຸດມື້ນີ້ໄດ້ໃຫ້ການອະນຸມັດຕໍ່ງົບປະມານ ມູນຄ່າ 42 ພັນລ້ານໂດ
ລາ ຊຶ່ງເປັນປີທີ່ສາມຕິດຕໍ່ກັນຂອງການເພີ້ມງົບປະມານ ໂດຍທີ່
ສ່ວນເງິນດັ່ງກ່າວຈະນຳໄປໃຊ້ຈ່າຍ ໃນການຊື້ເຮືອບິນສັງເກດ
ການ ເຮືອບິນບໍ່ມີຄົນຂັບ ເຮືອບິນລົບອາຍພົ່ນ F-35 ແລະລົດ
ສະເທີນນ້ຳສະເທີນບົກ.
ງົບປະມານດັ່ງກ່າວຕ້ອງໄດ້ຮັບການອະນຸມັດຈາກບັນດາຜູ້ແທນໃນສະພາຍີ່ປຸ່ນ ແຕ່ທ່ານ
Abe ມີສຽງສ່ວນຫຼາຍສະໜັບສະໜູນຢູ່ໃນທັງສອງສະພາຂອງຍີ່ປຸ່ນ.
ທ່ານ Abe ເຫັນດີໃຫ້ມີການໃຊ້ຈ່າຍໃນດ້ານປ້ອງກັນປະເທດຢ່າງເຂັ້ມແຂງສຳ ຫລັບ
ຍີ່ປຸ່ນ.
ໂຕກຽວພວມມີບັນຫາຂັດແຍ້ງໃນເລື້ອງເຂດນໍ້າແດນດິນກັບຈີນ ກ່ຽວກັບໝູ່ເກາະທີ່ບໍ່ມີຄົນ
ຢູ່ ທີ່ຈີນຮ້ອງວ່າ Diaoyus ແລະຍີ່ປຸ່ນເອີ້ນວ່າ Senkakus.
ການໃຊ້ຈ່າຍທາງທະຫານຂອງຍີ່ປຸ່ນ ແມ່ນຍັງໜ້ອຍກວ່າຈີນ ຊຶ່ງການໃຊ້ຈ່າຍ ທາງ
ທະຫານຂອງຈີນແມ່ນ 132 ພັນລ້ານໂດລາໃນປີກາຍນີ້ ແລະກໍຢູ່ອັນດັບສອງ ລອງລົງ
ມາຈາກສະຫະລັດ.
