ເຈົ້າໜ້າທີ່ຕຳຫລວດຍີ່ປຸ່ນ ກ່າວໃນວັນສຸກມື້ນີ້ ວ່າ ບັນດາຕຳ
ຫລວດໄດ້ທຳການຈັບກຸມຊາຍຄົນນຶ່ງ ທີ່ໄດ້ຂົ່ມຂູ່ຈະລະເບີດ
ສະຖານທູດສະຫະລັດ ຢູ່ນະຄອນຫລວງໂຕກຽວ.
ເຈົ້າໜ້າທີ່ຕຳຫລວດກ່າວວ່າ ພົນລະເມືອງຂອງເກາະ Okinawa
ຄົນນຶ່ງຄື ທ້າວ Mitsuyoshi Kamiya ໄດ້ໂທເຂົ້າໄປຫາສະຖານ
ທູດສະຫະລັດ ແລ້ວຂົ່ມຂູ່ວ່າຈະລະເບີດສະຖານທູດ ພ້ອມກັນກັບ
Camp Schwab ຊຶ່ງເປັນຖານທັບທະຫານສະຫະລັດ ທີ່ຕັ້ງຢູ່
ເກາະໂອກີນາວາ ທາງພາກໃຕ້ຂອງຍີ່ປຸ່ນ.
ສື່ມວນຊົນໃນທ້ອງຖິ່ນ ລາຍງານວ່າ ທ້າວ Kamiya ອາຍຸ 52 ປີ
ແມ່ນຍັງເຊື່ອກັນວ່າ ເປັນຜູ້ຢູ່ເບື້ອງຫຼັງຂອງການຂົ່ມຂູ່ທີ່ຈະເອົາຊີວິດເອກອັກຄະລັດຖະທູດ ສະຫະລັດປະຈຳຍີ່ປຸ່ນ ທ່ານນາງ Caroline Kennedy ເມື່ອບໍ່ນານມານີ້ ແລະ ຍັງໄດ້ຂົ່ມຂູ່ນັກການທູດອາເມຣິກັນ ຄົນອື່ນໆອີກດ້ວຍ.
ໃນວັນພະຫັດວານນີ້ ໂຄສົກກະຊວງການຕ່າງປະເທດສະຫະລັດ ທ່ານນາງ Jen Psaki
ກ່າວວ່າ ເຈົ້າໜ້າທີ່ຕຳຫລວດຍີ່ປຸ່ນ ໄດ້ທຳການຈັບກຸມຊາຍຄົນນຶ່ງທີ່ພົວພັນກັບການຂົ່ມຂູ່
ຫຼາຍຄັ້ງ ຕໍ່ທັງສະຖານທູດ ແລະ ເອກອັກຄະລັດຖະທູດສະຫະລັດ.
ທ່ານນາງ Jen Psaki ເວົ້າວ່າ “ພວກເຮົາຖືວ່າການຂົ່ມຂູ່ໃດໆກໍຕາມ ຕໍ່ບັນດານັກ
ການທູດສະຫະລັດ ແລະ ສະຖານທີ່ທາງການທູດຕ່າງໆຂອງສະຫະລັດ ແມ່ນ
ເປັນເລື້ອງຈິງຈັງຮ້າຍແຮງຫຼາຍ. ພວກເຮົາໄດ້ປະສານງານ ກັບລັດຖະບານ
ຍີ່ປຸ່ນ ເປັນເວລາຫລາຍໆອາທິດ ຜ່ານມາ.”
