ຍີ່ປຸ່ນກ່າວວ່າເສດຖະກິດຂອງຕົນເຕີບໂຕຂຶ້ນໄວກວ່າທີ່ຕົນໄດ້ເຊື່ອມາກ່ອນ ໃນຊ່ວງໄຕມາດລະຫວ່າງເດືອນກໍລະກົດຫາເດືອນກັນຍານັ້ນ ຊຶ່ງອໍານວຍໃຫ້ ຍີປຸ່ນສາມາດຮັກສາຖານະການເປັນເສດຖະກິດ ທີ່ໃຫຍ່ອັນດັບສອງຂອງໂລກ ຕໍ່ໄປໄດ້ດົນອີກນ້ອຍນຶ່ງ.
ລັດຖະບານກ່າວວ່າໃນວັນພະຫັດມື້ນີ້ ເສດຖະກິດຂອງຕົນໄດ້ເຕີບໂຕຂຶ້ນ 1.1 ເປີເຊັນໃນໄລຍະ 3 ເດືອນດັ່ງກ່າວ ຊຶ່ງເພີ່ມຂຶ້ນຈາກອັດຕາ 0.9 ເປີເຊັນທີ່ຕົນໄດ້ກະປະມານໄວ້ກ່ອນໜ້ານັ້ນ ຊຶ່ງຖ້າໄລ່ລວມເປັນເວລານຶ່ງປີເຕັມ ກໍຈະເທົ່າກັບ ອັດຕາເພີ່ມຂຶ້ນເຖິງ 4.5 ເປີເຊັນ ເມື່ອສົມທຽບໃສ່ກັບການຄາດຄະເນໄວ້ກ່ອນ 3.9 ເປີເຊັນນັ້ນ.
ສໍານັກງານລັດຖະບານຍີ່ປຸ່ນ ກ່າວວ່າ ຜົນຜະລິດຮວມພາຍໃນປະເທດສໍາລັບ
ຊ່ວງ 9 ເດືອນທໍາອິດຂອງປີນີ້ ມີມູນຄ່າຕໍ່າກວ່າ 4 ພັນຕື້ນ້ອຍດຽວ ແຕ່ກໍຍັງ ນໍາໜ້າຈີນຢູ່ນ້ອຍນຶ່ງ ຊຶ່ງຄາດກັນວ່າ ການເສດຖະກິດຂອງຈີນຈະຂຶ້ນແທນທີ່ ຍີ່ປຸ່ນໃນປີນີ້ ໂດຍຈະຍາດເອົາຖານະການເປັນເສດຖະກິດທີ່ໃຫຍ່ ອັນດັບສອງຂອງໂລກ ຮອງລົງມາຈາກສະຫະລັດນັ້ນ.
