ພວກຄະນະກູ້ໄພຂອງນານາຊາດກໍາລັງທໍາການຊອກຄົ້ນຢູ່
ຕາມຊາກຫັກພັງຂອງເມືອງແຄມຝັ່ງທະເລແຫ່ງນຶ່ງ ໃນພາກ
ຕາເວັນອອກສຽງເໜືອຂອງຍີ່ປຸ່ນ ຂະນະທີ່ເວລາຍັງເຫລືອ
ໜ້ອຍເຕັມທີ ໃນການທີ່ຈະຊອກຄົ້ນຫາພວກທີ່ອາດຍັງ
ລອດຊີວິດຢູ່ຈາກເຫດແຜ່ນດິນໄຫວ ແລະຄື້ນຟອງສຸນາມິ
ທີ່ຮ້າຍແຮງເປັນປະວັດການເມື່ອອາທິດຜ່ານມານັ້ນ.
ພວກກູ້ໄພຈາກສະຫະລັດ ອັງກິດ ແລະຈີນ ແມ່ນຮວມ
ຢູ່ໃນຄະນະ ຜູ້ຊ່ຽວຊານຕ່າງປະເທດ ຈໍານວນປະມານ
200 ຄົນ ທີ່ກໍາລັງຊ່ວຍເຫລືອໃນຄວາມພະຍາຍາມກູ້ໄພ
ໃນວັນພຸດມື້ນີ້ ຢູ່ເມືອງ Ofunato ທີ່ຖືກຄື້ນຟອງສຸນາມິ
ທີ່ມີຄວາມສູງຂະໜາດຕຶກສາມຊັ້ນ ພັດເຂົ້າທໍາລາຍເກືອບ
ວ່າຢ່າງຮາບຄາບເມື່ອວັນສຸກຜ່ານມານັ້ນ. ແຕ່ຍັງບໍ່ມີລາຍ
ງານໃດໆກ່ຽວກັບວ່າ ໄດ້ມີການຊ່ວຍກູ້ເອົາຜູ້ໃດອອກມາໄດ້
ຫລືບໍ່. ພ້ອມກັບສະພາບອຸນຫະພູມທີ່ໜາວເຢັນປານນໍ້າ
ກ້ອນ ແລະຫິມະທີ່ຈະຕົກລົງມາຮອດ 30 ຊັງຕີແມັດ ຕາມ
ການພະຍາກອນອາກາດນັ້ນ ພວກຄົນງານກູ້ໄພກ່າວວ່າ ເວລາແມ່ນຍັງເຫລືອໜ້ອຍ
ເຕັມທີ ທີ່ຈະຊອກຫາຜູ້ລອດຊີວິດໄດ້.
ສະຖານະການໃນບາງປະຊາຄົມທີ່ຢູ່ຕາມແຄມຝັ່ງທະເລໃນເຂດແຂວງ Iwate ແລະ
Miyagi ນັ້ນ ຍັງບໍ່ຮູ້ໄດ້ຫລາຍປານໃດ ຍ້ອນວ່າຫລາຍໆພື້ນທີ່ ຍັງບໍ່ສາມາດເຂົ້າຫາ
ເຂົ້າເຖິງໄດ້ ເນຶ່ອງຈາກຖະໜົນຫົນທາງແລະໂຄງລ່າງພື້ນຖານຕ່າງໆຖືກທໍາລາຍເພພັງໄປ ຍ້ອນເຫດແຜ່ນດິນໄຫວໃນຄວາມແຮງ 9 ຈຸດຣິກເຕີ ເມື່ອວັນສຸກຜ່ານມານັ້ນ ຊຶ່ງນັບວ່າ
ເປັນເຫດແຜ່ນດິນໄຫວທີ່ ຮຸນແຮງທີ່ສຸດໃນປະຫວັດສາດຂອງຍີ່ປຸ່ນ.
ແຫ່ງຊາດຂອງຍີ່ປຸ່ນໃນວັນພຸດນີ້ ທີ່ເວົ້າວ່າ ຈໍານວນຜູ້
ເສຍຊີວິດທີ່ຢືນຢັນໄດ້ນັ້ນ ມີຫລາຍກວ່າ 3,600 ຄົນ
ແລ້ວເທົ່າເຖິງປັດຈຸບັນນີ້ ແລະຍັງມີອີກຫລາຍກວ່າ
7,500 ຄົນ ທີ່ຫາຍສາບສູນ. ກ່ອນໜ້ານີ້ ກໍມີການ
ອ້າງຄໍາເວົ້າຂອງເຈົ້າແຂວງໆ Miyagi ທີ່ເວົ້າວ່າ ທ່ານ
ເຊື່ອ ວ່າມີປະຊາຊົນເສຍຊີວິດຢ່າງໜ້ອຍ 10,000 ຄົນ
ໃນແຂວງຂອງທ່ານພຽງແຂວງດຽວນັ້ນ.
ອີກຫລາຍໆພັນຄົນໄດ້ຮັບບາດເຈັບ ແລະປະເມີນວ່າບ້ານ
ເຮືອນແລະຕຶກອາຄານຕ່າງໆ ຈໍານວນ 60,000 ຫລັງຖືກທໍາລາຍເສຍຫາຍ. ປະຊາຊົນ ຫລາຍກວ່າເຄິ່ງລ້ານຄົນກໍາລັງພັກພາອາໃສຢູ່ບ່ອນພັກຊົ່ວຄາວ ບ່ອນທີ່ພວກເຈົ້າໜ້າທີ່ໃຫ້
ຄວາມຊ່ວຍເຫລືອ ຍັງດິ້ນຮົນຈັດຫາອາຫານ ນໍ້າ ແລະເຄື່ອງທໍາຄວາມອຸ່ນໃຫ້ໄດ້ ຢ່າງພຽງ ພໍນັ້ນ.
ໃນການອອກມາຖະແຫລງທາງ
ວິທະຍຸແລະໂທລະພາບ ທີ່ບໍ່
ຄ່ອຍມີນັ້ນ ອົງຈັກກະພັດ
Akihito ທີ່ປະຊາຊົນໃຫ້ຄວາ
ເຄົາລົບນັບຖືຢ່າງສູງນັ້ນ ໄດ້ຊົງ
ຮຽກຮ້ອງໃຫ້ຊາວຍີ່ປຸ່ນທັງມວນ
ຈົ່ງຊ່ວຍເບິ່ງແຍງດູແລກັນແລະ
ກັນ ຂະນະທີ່ເຂົາເຈົ້າດິ້ນຮົນ
ເພື່ອເອົາຊະນະໂສກນາດຕະ
ກໍາອັນໃຫຍ່ຫລວງຄັ້ງນີ້. ພ້ອມ
ດຽວກັນ ພະອົງຊົງສະແດງ
ຄວາມຫວັງວ່າທາງການຍີ່ປຸ່ນ
ຈະສາມາດຄວບຄຸມສະຖານ
ນະການໄວ້ໄດ້ ຢູ່ທີ່ໂຮງໄຟຟ້າ
ນິວເຄລຍ Fukushima ທີ່ກໍາ ລັງມີບັນຫາຢ່າງໜັກນັ້ນ.
ຢູ່ນອກເຂດທີ່ຖືກທໍາລາຍໜັກໜ່ວງທີ່ສຸດນັ້ນ ຊາວຍີ່ປຸ່ນກໍກໍາລັງປະເຊີນກັບບັນຫາກະແສໄຟ
ຟ້າຖືກຕັດລົງ ເນຶ່ອງຈາກການຂາດເຂີນກະແສໄຟຟ້າ ຍ້ອນວິກິດການທີ່ໂຮງໄຟຟ້ານີວເຄລຍ
Fukushima ນັ້ນ. ຫົວໜ້າໂຄສົກລັດຖະບານໄດ້ຂໍຮ້ອງໄປຍັງປະຊາຊົນ ບໍ່ໃຫ້ກັກຕຸນນໍ້າ
ມັນແອັສຊັງ ເພື່ອຮັບປະກັນໃຫ້ມີນໍ້າມັນພຽງພໍ ສໍາລັບໃຊ້ໃນຄວາມພະຍາຍາມຊ່ວຍເຫລືອ ບັນເທົາໄພພິບັດນັ້ນ.
ຫລາຍໆປະເທດໄດ້ຕັກເຕືອນພວກປະຊາຊົນຂອງຕົນ ໃຫ້ພາກັນຍົກຍ້າຍໜີອອກຈາກເມືອງ
ຫລວງໂຕກຽວໄປ ຍ້ອນຄວາມສ່ຽງຕໍ່ກໍາມັນຕະພາບລັງສີ ທີ່ມີລະດັບສູງຂຶ້ນນັບມື້ນັ້ນ. ຈີນ
ລາຍງານວ່າ ຕົນໄດ້ຍົກຍ້າຍປະຊາຊົນ ຂອງຕົນຈໍານວນ 1,200 ຄົນອອກຈາກເຂດບັນດາ
ແຂວງທີ່ຖືກກະທົບນັ້ນ ສ່ວນປະເທດອອສເຕຣຍກໍໄດ້ຍົກຍ້າຍສະຖານທູດຂອງຕົນ ໄປຢູ່ທີ່
ເມືອງໂອຊາກ້າ 400 ຫລັກກິໂລເມດ ຫ່າງຈາກນະຄອນຫລວງໂຕກຽວ.
