ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

ທນ. ແຈັກສັນ ແມ່ຍິງຜິວດຳຄົນທຳອິດ ທີ່ໄດ້ຖືກເລືອກ ໃຫ້ເປັນຜູ້ພິພາກສາ ສານສູງສຸດ ຈະ​ໃຫ້​ການ​ຕໍ່ສະພາສູງ ສຫລ


ແຟມພາບ- ຜູ້ພິພາກສາ ເຄທານຈີ ບຣາວ ແຈັກສັນ (Ketanji Brown Jackson), ເປັນຜູ້ພິພາກສາ ປະຈຳສານອຸທອນ ສຳລັບເຂດນະຄອນຫຼວງ ວໍຊິງຕັນ ດີຊີ, ກຳລັງຕັ້ງທ່າຖ່າຍຮູບ ໃັນວັນທີ 18 ກຸມພາ 2022, ຢູ່ທີ່ຫ້ອງການຂອງທ່ານນາງ ໃນນະຄອນຫຼວງວໍຊິງຕັນ.

ຄະນະກຳມະການຕຸລາການຂອງສະຫະພາສູງ ພວມເລີ້ມຕົ້ນການພິຈາລະນາ​ເພື່ອຮັບ​ຮອງທີ່​ມີ​ຄວາມ​ສຳ​ຄັນປະຫວັດສາດ ໃນວັນຈັນມື້ນີ້ ​ເອົາບຜູ້ພິພາກສາ ເຄທານຈີ ບຣາວ ແຈັກສັນ ຜູ້ທີ່ຈະໄດ້ເປັນຜູ້ພິພາກສາສານສູງສຸດ ແມ່ຍິງຜິວດຳຄົນທຳອິດ ອີງຕາມລາຍງານຂອງອົງການຂ່າວເອພີ.

ເວັ້ນເສຍຈາກການພິຈາລະນາຄະດີຜິດພາດຄັ້ງສຳຄັນໃດໆ ໂດຍທ່ານນາງແຈັກສັນ ອາຍຸ 51 ປີ ທີ່ເປັນຜູ້ພິພາກສາສານລັດຖະບານກາງ ມາໄດ້ 9 ປີແລ້ວນັ້ນ ຊຶ່ງພັກເດໂມແຄຣັດ ຂະນະນີ້ຄວບຄຸມສະພາສູງດ້ວຍຄະແນນສຽງລື່ນກັນພຽງໜ້ອຍດຽວ ເພື່ອທີ່ຈະໄດ້ຮັບການຢືນຢັນໃຫ້ເປັນຜູ້ພິພາສາສານສູດຂອງທ່ານນາງໄດ້ ກ່ອນໜ້າວັນບຸນອີສເຕີ ໃກ້ຈະມາເຖິງນີ້.

ທ່ານນາງແຈັກສັນ ຄາດວ່າ ຈະນຳສະເໜີຄຳຖະແຫລງການເປີດໂຕ ໃນຕອນບ່າຍວັນຈັນມື້ນີ້ ຕໍ່ຈາກນັ້ນ ເປັນການຕອບຄຳຖາມຈາກຄະນະກຳມະການ ທີ່ມີສະມາຊິກ 11 ຄົນ ຈາກພັກເດໂມແຄຣັດ ແລະ 11 ຄົນຈາກພັກຣີພັບບລີກັນ ຕະຫຼອດໄລຍະສອງວັນຂ້າງໜ້າ. ທ່ານນາງຈະໄດ້ຖືກແນະນຳໂຕ ໂດຍທ່ານທອມມັສ ບີ ກຣິຟຟິຕ ຜູ້ພິພາກສາສານອຸທອນ ເຂດນະຄອນຫຼວງວໍຊິງຕັນ ດີຊີ ຂອງສະຫະລັດ ທີ່ໄດ້ບຳນານແລ້ວ ແລະທ່ານນາງລີຊາ ເອັມ ແຟຣແຟັກສ໌ ອາຈານສອນຢູ່ມະຫາວິທະຍາໄລລັດເພັນຊີລເວເນຍພະແນກໂຮງຮຽນກົດໝາຍແຄຣີ.

ຜູ້ພິພາກສາ ເຄທານຈີ ບຣາວ ແຈັກສັນ ກ່າວຖະແຫລງ ຫຼັງຈາກປະທານາທິບໍດີ ໂຈ ໄບເດັນ ໄດ້ປະກາດ ຊື່ທ່ານນາງແຈັກສັນ ໃຫ້ເປັນຜູ້ພິພາກສາສານສູງສຸດ ຢູ່ທີ່ຫໍກົງກັນຂ້າມກັບທຳນຽບຂາວ ໃນວັນສຸກ ທີ 25 ກຸມພາ 2022, ໃນນະຄອນຫຼວງວໍຊິງຕັນ, ຮອງປະທານາທິບໍດີ ຄາມາລາ ແຮຣິສ ຢືນຟັງຢູ່ດ້ານຂວາ. (AP Photo/Carolyn Kaster)
ຜູ້ພິພາກສາ ເຄທານຈີ ບຣາວ ແຈັກສັນ ກ່າວຖະແຫລງ ຫຼັງຈາກປະທານາທິບໍດີ ໂຈ ໄບເດັນ ໄດ້ປະກາດ ຊື່ທ່ານນາງແຈັກສັນ ໃຫ້ເປັນຜູ້ພິພາກສາສານສູງສຸດ ຢູ່ທີ່ຫໍກົງກັນຂ້າມກັບທຳນຽບຂາວ ໃນວັນສຸກ ທີ 25 ກຸມພາ 2022, ໃນນະຄອນຫຼວງວໍຊິງຕັນ, ຮອງປະທານາທິບໍດີ ຄາມາລາ ແຮຣິສ ຢືນຟັງຢູ່ດ້ານຂວາ. (AP Photo/Carolyn Kaster)

ທ່ານນາງແຈັກສັນ ໄດ້ປາກົດໂຕຕໍ່ໜ້າຄະນະກຳມະການດຽວກັນ ໃນເມື່ອກ່ອນ ປີກາຍນີ້ ຫຼັງຈາກທີ່ປະທານາທິບໍດີ ໂຈ ໄບເດັນ ໄດ້ເລືອກເອົາທ່ານນາງ ໃຫ້ເຂົ້າຮັບຕຳແໜ່ງທີ່ເປົ່າຫວ່າງ ໃນສານອຸທອນຂອງລັດຖະບານກາງປະຈຳນະຄອນຫຼວງວໍຊິງຕັນ ຊຶ່ງສານສູງສຸດນັ້ນ ຢູ່ບໍ່ໄກ ພຽງລົງຄ້ອຍໄປຈາກລັດຖະສະພາເທົ່ານັ້ນ.

ຄຳໃຫ້ການຂອງທ່ານນາງ ຈະໃຫ້ຊາວອາເມຣິກັນສ່ວນຫຼາຍ ຮູ້ຈັກທ່ານນາງ ພ້ອມດ້ວຍສະມາຊິກສະພາສູງ ແລະຈະໄດ້ເຫັນປະຫວັດຫຍໍ້ໃນການໄດ້ຮັບການຝຶກຫັດເປັນທະນາຍຄວາມໂດຍມະຫາວິທະຍາໄລຮາເວີດ (Harvard) ຂອງທ່ານນາງຢ່າງກວ້າງຂວ້າງທີ່ສຸດ ທີ່ປະກອບດ້ວຍ ການເປັນທະນາຍຄວາມຜູ້ພິທັກມະຫາຊົນຂອງລັດຖະບານກາງ ໄລຍະສອງປີ. ອັນນັ້ນ ເຮັດໃຫ້ທ່ານນາງເປັນຜູ້ຖືກສະເໜີຊື່ຄົນທຳອິດ ທີ່ມີປະສົບການຢ່າງຫຼວງຫຼາຍໃນດ້ານຄະດີອາ​ຍາ ນັບຕັ້ງແຕ່ທ່ານເຕີຣກູດ ມາຣໂຊລ (Thurgood Marshall) ຊຶ່ງເປັນຊາວອາເມຣິກັນຜິວດຳຄົນທຳອິດທີ່ໄດ້ຮັບຕຳແໜ່ງຢູ່ໃນສານສູງສູດຂອງປະເທດ.

ນອກຈາກ ຈະເປັນແມ່ຍິງຜິວດຳຄົນທຳອິດປະຈຳສານສູງສຸດແລ້ວ ທ່ານນາງແຈັກສັນ ຈະເປັນຜູ້ພິພາກສາຄົນຜິວດຳຜູ້ທີສາມ ຫຼັງ​ຈາກທ່ານມາຣໂຊລ ແລະຜູ້ທີ່ສືບທອດຕຳແໜ່ງຂອງທ່ານ ກໍຄື ທ່ານແຄລເຣັສ ທອມມັສ (Clarence Thomas).

ສະມາຄົມສະພາທະນາຍຄວາມຂອງອາເມຣິກາ ຊຶ່ງຕີລາຄາຜູ້ທີ່ຖືກສະເໜີຊື່ສຳລັບຕຳແໜ່ງດ້ານຕຸລາການ ແລະໃນວັນສຸກຜ່ານມານີ້ ໄດ້ຈັດອັນດັບ ໃຫ້ແກ່ທ່ານນາງແຈັກສັນ ທີ່ສູງສຸດຂອງຕົນ ຢ່າງເປັນເອກກະສັນ ໂດຍກ່າວວ່າ “ມີຄຸນສົມບັດຄົບຖ້ວນ.”

ທ່ານນາງເຈນເນັຕ ເມັກຄາຣທີ ວອລເລັສ ປະທານທີ່ປຶກສາຂອງອົງການ NAACP ໄດ້ກ່າວວ່າ ທ່ານນາງ ຮູ້ສຶກຕື່ນເຕັ້ນ ທີ່ຈະເຫັນແມ່ຍິງຜິວດຳ ໃກ້ຈະໄດ້ເຂົ້າໄປນັ່ງຢູ່ໃນສານສູງສຸດ.

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG