ລິ້ງ ສຳຫລັບເຂົ້າຫາ

ສານອາຍາສາກົນ ກ່າວຫາ ທ່ານບັກໂບ ໃນຄວາມຜິດ 4 ກະທົງ

  • ບົວສະຫວັນ

ອະດີດປະທານາທິບໍດີຂອງປະເທດໄອວໍຣີໂຄສ ທ່ານລໍແຣນ ບັກໂບ (Laurent Gbagbo) ທີ່ຖືກກ່າວຫາວ່າ ມີຄວາມຜິດຢູ່ 4 ກະທົງ ໃນການກໍ່ອາດຊະຍາກໍາຕ້ານມະນຸດຊາດ (file photo)

ສານ​ອາຍາສາກົນ ຫລື International Criminal Court ​ໄດ້​ກ່າວ​ຫາ ອະດີດ​ປະທານາ
ທິບໍດີຂອງ​ປະ​ເທດ​ໄອ​ວໍຣີ​ໂຄສ ທ່ານລໍ​ແຣນ ບັກໂບວ່າ ມີ​ຄວາມ​ຜິດ​ຢູ່ 4 ກະ​ທົງ ໃນ​ການ
ກໍ່ອາດ​ຊະຍາ​ກໍາ​ຕ້ານມະນຸດຊາດ ຊຶ່ງ​ກ່ຽວຂ້ອງກັບການກໍ່ຄວາມຮຸນ​ແຮງ ລຸນ​ຫລັງ​ການ
ເລືອກ​ຕັ້ງ​ເອົາ​ປະທານາທິບໍດີ ​ໃນ​ປີ​ກາຍ​ນີ້ສິ້ນສຸດ​ລົງ.

ສານ​ທີ່ຕັ້ງຢູ່​ນະຄອນ ເຮັກ (Hague) ກ່າວ​ໃນ​ວັນ​ພຸດ​ມື້ນີ້ວ່າ ທ່ານບັກ​ໂບ ຖືກ​ກ່າວ​ຫາ​ວ່າ
ມີ​ຄວາມຮັບຜິດ​ຊອບໃນ​ຖານ​ເປັນ​ຜູ້​ໃຫ້​ຄວາມຮ່ວມມື​ໂດຍ​ທາງ​ອ້ອມ ຕໍ່​ການ​ຄາດ​ຕະກໍາ,
ຂົ່ມຂືນ, ​ແລະ​ການລະ​ເມີດ​ທາງ​ເພດ​ແບບ​ອື່ນໆ ຕະຫຼອດທັງການສັງຫານ ແລະ​ການ​ກະ
ທໍາ​ທີ່​ໄຮ້ມະນຸດສະ​ທໍາແບບ​ອື່ນ​ອີກ​ດ້ວຍ.

ສານ​ດັ່ງກ່າວ​ຍັງກ່າວອີກ​ວ່າ ​ມີ “​ຫລັກ​ຖານທີ່​ມີ​ເຫດຜົນ​ດີ” ທີ່​ພາ​ໃຫ້​ເຊື່ອ​ໄດ້​ວ່າ ກໍາລັງ​ທະ
ຫານ ​ທີ່​ສະໜັບສະໜູນທ່ານບັກ​ໂບ ​ໂຈມ​ຕີ​ພວກ​ພົນລະ​ເຮືອນຢູ່​ໃນ​ນະຄອນຫລວງ ອະ​ບິດ​
ຈັນ (Abidjan) ​ແລະ​ຢູ່​ໃນ​ເຂດ​ຕາ​ເວັນ​ຕົກ​ຂອງໄອ​ວໍຣີ ໂຄສ ທີ່​ໄດ້​ແນ​ເປົ້າໝາຍ​ໃສ່​ຜູ້​ຄົນ​
ທີ່​ເຂົາ​ເຈົ້າ​ຄິດ​ວ່າ ໃຫ້ການ​ສະໜັບສະໜູນ​ແກ່​ຜູ້ຕໍ່ຕ້ານ​ທ່ານບັກໂບ.

ການກໍ່ຄວາມຮຸນ​ແຮງ​ໄດ້​ເລີ້ມຕົ້ນຂຶ້ນ ລຸນ​ຫລັງ​ທີ່​ທ່ານບັກ​ໂບ ​ໄດ້​ປະຕິ​ເສດ​ບໍ່ຍອມໂອນ​ອໍາ
ນາດໃຫ້ລັດຖະບານຊຸດໃໝ່​ ພາຍຫລັງ​ທີ່​ໄດ້​ເສຍ​ໄຊ​ໃນ​ການ​ເລືອກ​ຕັ້ງ ​ໃຫ້​ແກ່​ປະທານາທິບໍດີ​
ຄົນ​ປັດຈຸບັນ ທ່ານ ອາ​ລາສສັນ ອຸດ​ຕາຣາ (Alassan Outtara)

ຫົວໜ້າ​ໄອ​ຍະ​ການຂອງສານອາຍາສາກົນ ທ່ານ Luis Moreno-Ocampo ​ກ່າວ​ໃນ​ຖ້ອຍ​
ຖະ​ແຫລ​ງວ່າ ການ​ສືບສວນສອບ​ສວນຍັງດໍາ​ເນີນ​ຕໍ່​ໄປ ​ແລະ ທ່ານບັກ​ໂບ​ເປັນ​ພຽງຄົນ​ທໍາ​ອິດ
ທີ່​ຈະ​ຖືກ​ນໍາ​ມາ​ຂຶ້ນສານ ​ເພື່ອ​ດໍາ​ເນີນ​ຄະດີ. ໄອ​ຍະ​ການ​ສານ​ຍັງເຕືອນ​ພວກ​ຜູ້​ນໍາ​ທັງ​ຫລາຍອີກ​
ວ່າ ການ​ໃຊ້ຄວາມຮຸນ​ແຮງ ບໍ່​ແມ່ນ​ “ວິທີທາງ​ເລືອກ” ​ໃນ​ການທີ່​ຈະຮັກສາ ຫລື ຍາດເອົາ​ອໍາ
ນາດ​ໄດ້​ອີກ​ຕໍ່​ໄປ​ແລ້ວ.

XS
SM
MD
LG