ລິ້ງ ສຳຫລັບເຂົ້າຫາ

ວັນພະຫັດ, ໒໕ ເມສາ ໒໐໒໔

Ivory Coast ເລືອກຕັ້ງ ປະທານາທິບໍດີຮອບຊີ້ຂາດ


ປະທານາທິບໍດີ Laurent Gbagbo ສະແດງສັນຍານ ສັນຕິພາບຕໍ່ປະຊາຊົນ ໃນນະຄອນຫລວງ Abidjan ວັນທີ 26 ພະຈິກ 2010.
ປະທານາທິບໍດີ Laurent Gbagbo ສະແດງສັນຍານ ສັນຕິພາບຕໍ່ປະຊາຊົນ ໃນນະຄອນຫລວງ Abidjan ວັນທີ 26 ພະຈິກ 2010.








ບ່ອນ​ປ່ອນ​ບັດ​ເລືອກ​ຕັ້ງ​ໄຂ​ຂຶ້ນ​ໃນ
ວັນ​ອາທິດ​ມື້​ນີ້ ສໍາລັບ​ການ​ເລືອກ​
ຕັ້ງປະທານາທິບໍດີ​ຮອບຕັດສິນ
ຊີ້ ຂາດ​ຂອງ Ivory Coast.

ການ​ແຂ່ງຂັນ​ລະຫວ່າງ​ປະທາ
ນາທິບໍດີ Laurent Gbagbo
ແລະ​ຄູ່ແຂ່ງ​ທ່ານ Alassane
Ouattara ຖື​ວ່າ​ສູ​ສີ​ກັນ​ທີ່​ສຸດ
ເກີນ​ກ່ວາ​ຈະບອກ​ໄດ້​ວ່າ​ຜູ້​ໃດ
ຈະ​ຊະນະການ​ເລືອກ​ຕັ້ງ ​ແລະ​
ການ​ໂຄສະນາ​ຫາ​ສຽງ​ເລືອກ​ຕັ້ງ​
ໃນ​ໄລຍະ​ບໍ່ເທົ່າ​ໃດ​ມື້​ສຸດທ້າຍນີ້ ກໍໄດ້​ເຕັມ​ໄປ​ດ້ວຍ​ການ​ກໍ່ຄວາມ​ຮຸນ​ແຮງ​ຕາມ​ຖະໜົນ ​ຊຶ່ງ​
ເຮັດໃຫ້​ມີ​ຜູ້​ຄົນ​ເສຍ​ຊີວິດ​ແລະ​ບັນຫາ​ຂັດ​ແຍ້​ງກັນ​ກ່ຽວ​ກັບການ​ຫ້າມ​ຜູ້​ຄົນ​ສັນຈອນໄປມາ
ໃນ​ຍາມ​ ກາງຄືນ​ນັ້ນ.

ພວກ​ທີ່​ເຫັນ​ເຫ​ດການກ່າວ​ວ່າ ປະຊາຊົນ 3 ຄົນ​ເສຍ​ຊີວິດ​ແລະ​ອີກຫລາຍ​ຄົນ​ໄດ້ຮັບ​ບາດ​
ເຈັບ​ໃນ​ວັນ​ເສົາ​ວານ​ນີ້ ​ເວລາ​ຕໍາຫລວດ​ທໍາ​ການ​ຕໍ່ສູ້​ກັບ​ພວກ​ສະໜັບສະໜຸນ​ທ່ານ Ouat-
tara ​ໃນ​ເຂດ Abobo ຂອງນະຄອນຫລວງ Abidjan ນັ້ນ.

ທ່ານ Ouattara ​ໄດ້ຮຽກຮ້ອງ​ໃຫ້​ພວກ​ສະໜັບສະໜຸນ​ທ່ານ​ ບໍ່​ໃຫ້​ເອົາ​ຫົວຊານໍາ​ການ
ຫ້າມອອກ​ນອກ​ບ້ານໃນ​ຍາມ​ກາງຄືນ​ ທີ່​ປະທານາທິບໍດີ Gbagbo ໄດ້​ ປະກາດ​ໃຊ້​ນັ້ນ
ໂດຍກ່າວ​ວ່າ ມັນ​ມີ​ແຕ່ຈະ​ອໍາ​ນວຍ​ໃຫ້​ພວກ​ເຈົ້າ​ໜ້າ​ທີ່​ລັດຖະບານ​ທໍາ​ການ​ສໍ້​ໂກງການ
ເລືອກ​ຕັ້ງ​.

ທ່ານ Gbagbo ກ່າວ​ວ່າ ການ​ຫ້າມ​ຜູ້​ຄົນ​ສັນຈອນ​ໄປມາ​ໃນ​ຍາມ​ກາງຄືນແມ່ນ​ມີ​ວັດຖຸ​ປະ
ສົງ​ເພື່ອ​ຮັກສາ​ຄວາມ​ເປັນ​ລະບຽບ​ຮຽບຮ້ອບແລະ​ມັນ​ຈະ​ບໍ່ມີ​ຜົນ​ກະທົບ​ໃດໆ​ຕໍ່​ຄວາມ​ໂປ່​ງ
ໃສ​ຂອງ​ການ​ເລືອກ​ຕັ້ງ​ນັ້ນ.

XS
SM
MD
LG