ພວກກໍາລັງຂອງຝ່າຍທີ່ຕໍ່ຕ້ານ ທ່ານ Laurent Gbagbo ຜູ້ນໍາ Ivory Coast ທີ່ບໍ່ຍອມລົງຈາກຕໍາແໜ່ງນັ້ນ ກ່າວວ່າ ພວກເຂົາເຈົ້າໄດ້ເຂົ້າຄວບຄຸມເມືອງນຶ່ງ ໃນພາກຕາເວັນຕົກຂອງປະເທດ ບ່ອນທີ່ມີການສູ້ລົບກັນຢ່າງໜັກໃນວັນອາທິດວານນີ້.
ພວກສະໜັບສະໜຸນທ່ານ Alassane Ouattara ຜູ້ນໍາຝ່າຍຕໍ່ຕ້ານ ກ່າວວ່າ ພວກເຂົາເຈົ້າໄດ້ຍຶດເອົາເມືອງ Toulepleu ໃກ້ໆກັບຊາຍແດນຂອງ Ivory Coast ຕິດກັບ Liberia ນັ້ນ.
ພວກກໍາລັງທີ່ເປັນພັນທະມິດກັບທ່ານ Gbagbo ໄດ້ຢືນຢັນວ່າ ມີການສູ້ລົບກັນແທ້ ແຕ່ບໍ່ໄດ້ເວົ້າວ່າເມືອງດັ່ງກ່າວໄດ້ຖືກພວກຝ່າຍຕໍ່ຕ້ານຍຶດເອົາ.
ທ່ານ Gbagbo ໄດ້ປະຕິເສດຕໍ່ຄວາມກົດດັນຂອງນາໆຊາດເພື່ອໃຫ້ທ່ານສະລະອໍານາດໃນ Ivory Coast ຫລັງ
ຈາກມີບັນຫາຂັດແຍ່ງກັນເລື້ອງການເລືອກຕັ້ງປະທານາທິບໍດີໃນເດືອນພະຈິກປີແລ້ວນີ້.
ສະຫະປະຊາຊາດ ແລະປະຊາຄົມນາໆຊາດ ສ່ວນໃຫຍ່ແລ້ວ ແມ່ນຮັບຮູ້ວ່າທ່ານ Ouattara ເປັນຜູ້ຊະນະການເລືອກຕັ້ງ.
ສະຫະປະຊາຊາດກ່າວວ່າ ການກໍ່ຄວາມຮຸນແຮງຂຶ້ນພາຍຫລັງການເລືອກຕັ້ງ ໄດ້ເຮັດໃຫ້ປະຊາຊົນເສຍຊີວິດໄປແລ້ວຢ່າງນ້ອຍ 365 ຄົນ.
