ລິ້ງ ສຳຫລັບເຂົ້າຫາ

ກໍາລັງທ່ານ Ouattara ບຸກເຂົ້າໄປ ໃນບ້ານພັກທ່ານ Gbagbo ໃນ Ivory Coast

  • ສິງ ບູຣົມມະວົງ

ພວກທະຫານທີ່ສະໜັບສະໜຸນທ່ານAlassane Ouattara ຊີ້ມືໃສ່ພວກຜູ້ຊາຍຈຸນຶ່ງທີ່ເຂົາເຈົ້າຈື່ຈໍາໜ້າໄດ້ວ່າ ເປັນພວກຊະເລີຍ ເສິກທ່ີຖືກຈັບກຸມໄປໃນລະຫວ່າງການສູ້ລົບກັນ ວັນທີ 6 ເມສາ 2011

ພວກ​ກໍາລັງ​ທີ່ສະໜັບສະໜຸນປະທານາທິບໍດີ Alassane
Ouattara ທີ່​ໄດ້​ຮັບ​ການ​ຮັບ​ຮູ້​ຈາກ​ນາໆ​ຊາດ ​ໄດ້​ທໍາ​ການ
ບຸກເຂົ້າ​ໄປ​ໃນ​ບ້ານ​ພັກ​ຂອງ​ທ່ານ Laurent Gbagbo ປະ
ທານາທິບໍດີບໍ່ຍອມລົງຈາກອຳນາດທີ່ປົກຄອງ​ປະ​ເທດ​ໃນ​
ປັດຈຸບັນ ​ໃນ​ຄວາມ​ພະຍາຍາມ​ເພື່ອ​ບັງຄັບ​ໃຫ້​ທ່ານ​ຍອມ​
ຈໍານົນ​ນັ້ນ.

ໂຄສົກ​ປະ​ຈໍາ​ທ່ານ Gbagbo ກ່າວ​ວ່າ ພວກ​ກໍາລັງ​ຂອງ​
ຝຣັ່ງ​ໄດ້​ທໍາ​ການ​ໂຈມ​ຕີ​ພວກ​ຊາວ​ເມືອງ​ໃນ​ນະຄອນ
Abidjan ຫົວເມືອງໃຫຍ່ສຸດ ຂອງປະເທດນັ້ນ ​ແຕ່​ບັນດາ
ເຈົ້າ​ໜ້າ​ທີ​ຝຣັ່ງປະຕິ​ເສດ​ວ່າ​ພວກ​ຕົນ​ບໍ່​ໄດ້​ມີ​ສ່ວນ​ພົວພັນ
ນໍາ​ການບຸກ​ໂຈມ​ຕີໃດໆ.

ທ່ານ Gbagbo ​ໄດ້​ລີ້​ຊ່ອນ​ຢູ່​ໃນ​ຫລຸມ​ຫລົບ​ໄພ​ມາ ທີ່ພວກ​
ກໍາລັງ​ນິຍົມທ່ານ Ouattara ອ້ອມ​ໄວ້​ໃນ​ຂະນະ​ທີ່​ພວກ
ນັກ​ເຈ​ລະ​ຈາ​ພວມຫາ​ທາງ​ເຮັດໃຫ້ວິ​ກິດ​ການ​ດ້ານ​ການ​ເມືອງ
ຢຸດ​ຕິລົງ. ທ່ານ Gbagbo ​ໄດ້​ກ່າວ​ມາ​ວ່າ ທ່ານ​ຍັງ​ບໍ່​ທັນ​ຕຽມ​ພ້ອມ​ທີ່​ຈະ​ຍອມຈໍານົນ.

ກ່ອນ​ໜ້າ​ນີ້ ລັດຖະມົນຕີ​ການ​ຕ່າງປະ​ເທດ​ຝຣັ່ງ ທ່ານ Alain Juppe ກ່າວ​ວ່າ ສະຫະ​ປະຊາ​ຊາດ​ຈະ​ສືບ​ຕໍ່​ທໍາ​ຄວາມ​ກົດ​ດັນ​ຕໍ່​ທ່ານ Gbagbo ແລະ​ວ່າ​ສິ່ງ​ດຽວ​ທີ່​ຍັງ​ເຫລືອ​ນັ້ນ​ ກໍ​ແມ່ນ​ໃຫ້​ທ່ານ​ລົງ​ຈາກ​ຕໍາ​ແໜ່​ງ.

ທ່ານ Edouard Guillaud ຫົວໜ້າ​ກອງທັບ​ຝຣັ່ງ ກ່າວ​ວ່າ ທ່ານ​ເຊື່ອ​ວ່າການ​ລາ​ອອກ​ຈາກ​ຕໍາ​ແໜ່​ງຂອງ​ທ່ານ Gbagbo ສາມາດ​ມີຂຶ້ນ​ໄດ້​ພາຍ​ໃນ​ບໍ່​ເທົ່າ​ໃດ​ຊົ່ວ​ໂມງ​ຂ້າງ​ໜ້າ​ນີ້.

ທ່ານ Gbagbo ບໍ່​ຍອມຮັບ​ຮູ້​ທ່ານ Ouattara ເປັນ​ຜູ້​ຊະນະ​ການ​ເລືອກຕັ້ງ​ປະທານາທິບໍດີ​ຂອງ​ປະ​ເທດ​ໃນ​ເດືອນ​ພະຈິກຜ່ານມາ​ນີ້ຊຶ່ງ​ພວກ​ປະ​ເທດ​ສ່ວນ​ຫລາຍ​ໃນ​ໂລກ​ກ່າວ​ວ່າ ທ່ານ Ouattara ​ເປັນຜູ້​ຊະນະ​ການ​ເລືອກ​ຕັ້ງ​ນັ້ນ.

XS
SM
MD
LG