ການສູ້ລົບກັນໄດ້ດໍາເນີນຢູ່ຕໍ່ໄປໃນວັນອັງຄານມື້ນີ້ ໃນ
ຂະນະທີ່ການຕໍ່ສູ້ກັນຢ່າງໜັກໄດ້ບະເລີດຂຶ້ນຢູ່ໃກ້ໆກັບ
ທໍານຽບປະທານາທິບໍດີໃນນະຄອນ Abidjan ຫົວເມືອງ
ໃຫຍ່ສຸດຂອງປະເທດນັ້ນ.
ພວກກໍາລັງທີ່ສະໜັບສະໜຸນປະທານາທິບໍດີ Alassane
Ouattara ທີ່ໄດ້ຮັບການຮັບຮູ້ຈາກນາໆຊາດນັ້ນໄດ້ບຸກ
ຄືບໜ້າເຂົ້າໄປຍັງທີ່ໝັ້ນທີ່ຍັງເຫລືອບໍ່ເທົ່າໃດແຫ່ງຂອງ
ທ່ານLaurent Gbagb ປະທານາທິບໍດີທີ່ບໍ່ຍອມລົງຈາກ
ອຳນາດ ທີ່ປົກຄອງປະເທດຢູ່ໃນປັດຈຸບັນໃນຂະນະທີ່
ພວກເຂົາເຈົ້າພວມຫາທາງຂັບໄລ່ທ່ານອອກຈາກຕໍາ
ແໜ່ງໄປນັ້ນ.
ໜ່ວຍປະຕິບັດງານຂອງສະຫະປະຊາຊາດທີ່ Ivory Coast
ກ່າວໃນວັນຈັນວານນີ້ວ່າ ພວກເຮືອບິນເຮລີຄອບເຕີຂອງສະຫະປະຊາຊາດໄດ້ຍິງປືນໃສ່ຄ້າຍທະຫານ 2 ແຫ່ງຂອງ
ທ່ານ Gbagbo ພ້ອມທັງຍິງໃສ່່ທໍານຽບປະທານາທິບໍດີແລະບ້ານພັກຂອງທ່ານ Gbagbo ນໍາ.
ຝຣັ່ງກ່າວວ່າ ກໍາລັງຂອງຕົນໄດ້ເຂົ້າຮ່ວມໃນການໂຈມຕີພາຍໃຕ້ຄໍາຂໍຮ້ອງຈາກສະຫະປະຊາຊາດ. ທ່ານ Nicolas Sarkozy ປະທານາທິບໍດີຝຣັ່ງໄດ້ສັ່ງໃຫ້ທະຫານປົກປັກຮັກສາພວກ
ພົນລະເຮືອນແລະກໍາຈັດພວກປຶນໃຫຍ່ຂະໜາດໜັກຂອງທ່ານ Gbaເbo ນັ້ນ.
ພວກສະໜັບສະໜຸນທ່ານ Gbagbo ກ່າວວ່າ ການໂຈມຕີຂອງສະຫະປະຊາຊາດແລະຂອງ
ຝຣັ່ງແມ່ນຜິດກົດໝາຍແລະວ່າການໂຈມຕີເຫລົ່ານີ້ເທົ່າກັບເປັນຄວາມພະຍາຍາຍາມລອບສັງ
ຫານຜູ້ນໍາປະເທດໃນປັດຈຸບັນ.
ທ່ານພັນກິມູນ ເລຂາທິການໃຫຍ່ສະຫະປະຊາຊາດກ່າວວ່າ ການໂຈມຕີເຫລົ່ານີ້ ແມ່ນເພື່ອ
ປ້ອງກັນບໍ່ໃຫ້ໃຊ້ພວກປືນຄົກແລະພວກອາວຸດໜັກຊະນິດອື່ນໆຕໍ່ພວກພົນລະເຮືອນແລະ
ກໍາລັງຮັກສາສັນຕິພາບຂອງສະຫະປະຊາຊາດນັ້ນ ແລະທ່ານກ່າວຕໍ່ໄປວ່າ ການປະຕິບັດ
ງານທາງທະຫານນີ້ບໍ່ໝາຍຄວາມວ່າ ສະຫະປະຊາຊາດໃຊ້ອາວຸດຕໍ່ຕ້ານທ່ານ Gbagbo ແຕ່ປະການໃດ.
