ລິ້ງ ສຳຫລັບເຂົ້າຫາ

ວັນພຸດ, 30 ພະຈິກ 2022

ທະຫານຝຣັ່ງເຂົ້າຄວບຄຸມ ສະໜາມບິນນະຄອນ Abidjan


Policemen are deployed to provide security amid riots in Meikhtila, Burma. Unrest between Buddhists and Muslims has reduced neighborhoods to ashes and stoked fears that last year's sectarian bloodshed is spreading into the country's heartland in a test of Asia's newest democracy.

ກໍາລັງ​ຂອງຝຣັ່ງ​ໄດ້​ເຂົ້າ​ຄວບ​ຄຸມ​ສະໜາມ​ບິນ​ໃນ​ນະຄອນ Abidjan ​ໃນ​ຂະນະ​ທີ່​ພວກ​ກໍາລັງ​ສອງ​ຝ່າຍ​ທີ່​ເປັນ​ຄູ່​ປໍ​ລະ​ປັກ​ກັນ​ໃນ Ivory Coast ສືບ​ຕໍ່​ທໍາ​ການ​ຕໍ່ສູ້ຊ່ວງ​ຊີງ​ກັນ​ເພື່ອ​ເຂົ້າຄວບຄຸມ​ສະໜາມ​ບິນ​ ນະຄອນ​ຫລວງ​ການ​ຄ້າ​ຂອງ​ປະ​ເທດ​ນັ້ນ.

ພວກ​ທະຫານ​ຝຣັ່ງພວມ​ໃຊ້​ສະໜາມ​ບິນສຳລັບຍົກຍ້າຍ​ພວກ​ຊາວ​ຕ່າງ​ດ້າວ​ທີ່​ຢາກ​ອົບ​ພະຍົບໜີ​ອອກຈາກ Ivory Coast ​ແລະ​ເພື່ອ​ນໍາ​ທະຫານ​ຝຣັ່ງມາຕື່ມ​ອີກ 300 ຄົນ​ສຳລັບ​ເສີມ​ກໍາລັງ​ຮັກສາ​ສັນຕິພາບ​ສະຫະປະຊາ​ຊາດ​ຢູ່​ໃນ​ປະ​ເທດ​ດັ່ງກ່າວ.

ພວກ​ກໍາລັງ​ທີ່ຈົງ​ຮັກ​ພັກດີຕໍ່​ປະທານາທິບໍດີ Alassane Ouattara ທີ່ໄດ້​ຮັບ​ຮູ້​ຈາກ​ນາໆ​ຊາດ​ນັ້ນ ​ໄດ້​ຍຶດຄອງ​ພື້ນ​ທີ່​ສ່ວນ​ຫລາຍ​ໃນ​ປະ​ເທດ​ໃນສັບປະດາ​ຜ່ານ​ມາ​ນີ້ ​ແລະ​ປັດຈຸ
ບັນ​ນີ້ປາກົດ​ວ່າ​ຈະ​ທໍາ​ການ​ບຸກໂຈມ ຕີເປັນ​ຄັ້ງສຸດ​ທ້າຍ​ເພື່ອຂັບ​ໄລ່​ປະທານາທິບໍດີ Laurent Gbagbo ທີ່​ທີ່ບໍ່ຍອມລົງຈາກອຳນາດ ​ໃຫ້​ອອກ​ຈາກ​ທໍານຽບປະທານາທິບໍດີ​ໃນ​ນະ ຄອນ Abidjan ນັ້ນ. ​ມີ​ການ​ປະກາດ​ວ່າ ທ່ານ Ouattara ​ໄດ້ເປັນ​ຜູ້​ຊະນະ​ການ​ເລືອກ​ຕັ້ງ​ປະທານາທິບໍດີ​ໃນ​ເດືອນ​ພະຈິກ​ຜ່ານ​ມາ​ນັ້ນ ​ແຕ່​ທ່ານ Gbagbo ບໍ່​ຍອມ​ສະລະ​ອໍານາດ.

ພວກ​ກໍາລັງ​ທີ່​ນິຍົມ​ທ່ານ Ouattara ​ໄດ້​ບຸກຄືບ​ໜ້າ​ໄປ​ຮອດ​ກໍ້າ​ເໜືອ​ຂອງນະຄອນ Abidjan ​ແລ້ວ ​ແລະ​ເວລາ​ນີ້​ກໍາລັງ​ກະກຽມ​ຈະ​ທໍາ​ການໂຈມ​ຕີເຂົ້າ​ໄປ​ໃນ​ເມືອງ​ນັ້ນ.

ກ່ອນ​ໜ້າ​ນີ້ ພວກ​ກໍາລັງບາງ​ຄົນ​ທີ່​ຈົງ​ຮັກ​ພັກດີ​ຕໍ່​ທ່ານ Gbagbo ​ໄດ້​ຍອມ​ຈໍານົນ​ຕໍ່​ສະຫະ​ປະຊາ​ຊາດ ​ແລະ​ມີ​ລາຍ​ງານ​ຂ່າວ​ວ່າ ພວກທະຫານບາງ​ຄົນ​ໄດ້​ພາກັນ​ຂ້າມ​ຊາຍ​ແດນ​ເຂົ້າ​ໄປ​ໃນ​ປະ​ເທດ Ghana

ປະຊາ​ຄົມນາໆ​ຊາດ​ຮຽກຮ້ອງ​ໃຫ້​ທັງ​ສອງ​ຝ່າຍ​ຫລີກລ້ຽງ​ການ​ໂຈມ​ຕີຕໍ່​ພວກ​ພົນລະ​ເຮືອນ.

XS
SM
MD
LG