ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ຜົນການເລືອກຕັ້ງຂອງ Ivory Coast


ພວກທະຫານຂອງ IvoIvory Coast ໄດ້ຢືນຍາມຢູ່ທາງເຂົ້າຂອງສຳນັກງານໃຫຍ່ຂອງຄະນະກຳມະການ ເລືອກຕັ້ງຂອງ Ivory Coast ໃນນະຄອນ Abidjan ໃນວັນທີ 01 ທັນວາ 2010
ພວກທະຫານຂອງ IvoIvory Coast ໄດ້ຢືນຍາມຢູ່ທາງເຂົ້າຂອງສຳນັກງານໃຫຍ່ຂອງຄະນະກຳມະການ ເລືອກຕັ້ງຂອງ Ivory Coast ໃນນະຄອນ Abidjan ໃນວັນທີ 01 ທັນວາ 2010

ຄະນະ​ກຳມະການ​ເລືອກ​ຕັ້ງຂອງ Ivory Coast ໄດ້
ປະກາດໃຫ້ຜູ້ນຳ​ພັກ​ຝ່າຍ​ຄ້ານ​ ທ່ານ Alassane
Ouattara ​ເປັນ​ຜູ້​ຊະນະ​ການ​ເລືອກຕັ້ງຮອບຕັດສິນ​ຊີ້
ຂາດ ​ແຕ່​ວ່າທາງ​ອົງການທີ່ຢັ້ງຢືນ ຫລືຮັບຮອງ​ຜົນ​ການ
ເລືອກຕັ້ງເວົ້າວ່າ ການ​ຕັດສິນ​ດັ່ງກ່າວ​ບໍ່ຖືກຕ້ອງ​ຕາມ​ກົດ ໝາຍ.

ປະທານຄະນະ​ກຳມະການ​ເລືອກ​ຕັ້ງກ່າວ ​ໃນ​ວັນ​ພະຫັດ​ວານ​ນີ້ວ່າ ທ່ານ Ouattara ​ໄດ້​ຊະນະ​ທ່ານ​ປະທາ​ນາ​ທິບໍດີ Lauren Gbagbo ຢູ່​ໃນ​ການ​ເລືອກ​ຕັ້ງ​ ເມື່ອວັນ​ອາທິດ​ແລ້ວນີ້ ​ໂດຍ​ໄດ້ຮັບ​ຄະ​ແນນ 54% ຕໍ່ 46%.

ຫາກ​ແຕ່​ວ່າ ຫົວໜ້າສະພາ​ລັດຖະທຳ​ມະນູນ ທີ່​ຕ້ອງ​ໄດ້​ຢັ້ງ​ຢືນ​ຜົນ​ການ​ເລືອກ​ຕັ້ງ​ ໄດ້​ປະກາດ​ອອກ​ທາງໂທລະພາບວ່າ ຜົນ​ການ​ເລືອກ​ຕັ້ງດັ່ງກ່າວ​ເປັນໂມຄະ ເພາະວ່າຄະນະ​ກຳມະການ​ເລືອກ​ຕັ້ງ​ ບໍ່ໄດ້ປະກາດ​ຜົນການນັບ​ຄະ​ແນນ​ທັນ​ກໍາ ນົດ​ເສັ້ນຕາຍ ຊຶ່ງ​ແມ່ນ​ທ່ຽງຄືນ​ຂອງ​ວັນ​ພຸດທີ່ຜ່ານ​ມານີ້. ຫົວໜ້າສະພາ​ລັດຖະທຳ​ມະນູນ ທ່ານ Paul Yao N’Dre ​ເປັນ​ພັນທະ​ມິດກັບທ່ານ​ປະທາ​ນາ​ທິບໍດີ Gbagbo.

ໃນ​ເວລາ​ບໍ່ພໍ​ເທົ່າ​ໃດ​ລຸນ​ຫລັງ​ການ​ປະກາດອອກ​ອາກາດດັ່ງກ່າວ ທາງກອງທັບ ຂອງ Ivory Coast ກໍ​ໄດ້​ປະກາດອອກໂທລະພາບ​ເຊັ່ນ​ກັນວ່າ ພວກ​ທະຫານ ​ໄດ້​ອັດຊາຍ​ແດນ​ທາງ​ອາກາດ, ທາງບົກ ​ແລະ ທາງ​ທະ​ເລ​ໄວ້​ໝົດແລ້ວ ​ແລະ ອົງການຄວບຄຸມສື່​ຂອງ​ປະ​ເທດ​
ກໍຖະແຫລງວ່າ ຕົນໄດ້ງົດ​ການ​ອອກ​ອາກາດຂອງ​ອົງການຂ່າວສານຕ່າງປ​ະ​ເທດ​ໄວ້​ ໃນ​ປັດ ຈຸບັນ​ນີ້.

XS
SM
MD
LG