ພວກຜູ້ນຳຂົງເຂດອາຟຣິກາຄະນະນຶ່ງ ມີກໍານົດເດີນທາງໄປ Ivory Coast ໃນວັນຈັນ
ມື້ນີ້ໃນການດໍາເນີນຄວາມພະຍາຍາມເປັນຄັ້ງທີ່ 2 ທີ່ຈະໄກ່ເກ່ຍໃຫ້ ປະທານາທິບໍດີ
LaurentGbagbo ທີ່ບໍ່ຍອມລົງຈາກຕໍາແໜ່ງນັ້ນລາອອກແລະມອບອໍານາດໃຫ້ຄູ່ແຂ່ງ
ຄືທ່ານ Alassane Ouattara ຖ້າບໍ່ດັ່ງນັ້ນ ກໍຈະຖືກບັງຄັບດ້ວຍກໍາລັງທະຫານໃຫ້
ອອກຈາກອໍານາດ.
ນາຍົກລັດຖະມົນຕີ ເຄນຍາ ທ່ານ Raila Odinga ຈະຮ່ວມກັບພວກຜູ້ນໍາຂອງ Benin,
Sierra Leone ແລະ Cape Verde ໃນການເຈລະຈາຮອບທີ 2 ກັບທ່ານ Gbagbo
ທີ່ Abidjan. ທັງ 3 ປະທານາທິບໍດີຂອງຂົງເຂດຈະໄດ້ຕາງໜ້າໃຫ້ ECOWAS ຫລື
ກຸ່ມຮ່ວມມືດ້ານເສດຖະກິດແຫ່ງຂອງເຂດ Africa ຕາເວັນຕົກ ທີ່ໄດ້ຂູ່ວ່າຈະໃຊ້ອໍານາດ
ທາງທະຫານບັງຄັບໃຫ້ຜູ້ນໍາທີ່ບໍ່ຍອມລາອອກຂອງ Ivory Coast ລົງຈາກອໍານາດ.
