ລິ້ງ ສຳຫລັບເຂົ້າຫາ

ວັນອາທິດ, ໑໔ ເມສາ ໒໐໒໔

ປະທານາທິບໍດີ​ອິຕາ​ລີ ​ຍຸບ​ສະພາ


ປະທານາທິບໍດີອິຕາລີ ທ່ານ Giorgio Napolitano ກວດເບິ່ງເອກະສານ ຢູ່ຫ້ອງທໍາງານຂອງເພິ່ນ ທີ່ທໍານຽບ Quirinale ໃນກຸງໂຣມ, ວັນທີ 22 ທັນວາ 2012.
ປະທານາທິບໍດີອິຕາລີ ທ່ານ Giorgio Napolitano ກວດເບິ່ງເອກະສານ ຢູ່ຫ້ອງທໍາງານຂອງເພິ່ນ ທີ່ທໍານຽບ Quirinale ໃນກຸງໂຣມ, ວັນທີ 22 ທັນວາ 2012.
ທ່ານ Giorgio Napolitano ປະທານາທິບໍດີ​ອິຕາ​ລີ ​ໄດ້​ຍຸບ​ສະພາ​ເມື່ອ ວັນ​ເສົາ​ວານ​ນີ້ ​ເພື່ອ​ແຜ້ວ​ທາງ​ສໍາລັບ​ການ​ເລືອກ​ຕັ້ງທົ່ວ​ປະ​ເທດ ​ທີ່​ຄາດ​ວ່າ ​ຈະ​ມີ​ຂຶ້ນໃນ​ເດືອນ​ກຸມພາ​ປີໜ້າ​ນີ້.

ທ່ານ Mario Monti ນາຍົກລັດຖະມົນຕີ​ອິຕາ​ລີ ​ໄດ້​ລາ​ອອກ​ຈາກ​ຕໍາ​ ​ແໜ່​ງ​ເມື່ອ​ວັນ​ສຸກ​ຜ່ານ​ມາ​ນີ້ ຫຼັງຈາກ​ສະພາ​ອະນຸມັດ​ຮ່າງ​ງົບ
ປະມານ​ຂອງ ທ່ານ​ທີ່​ເປັນ​ຂໍ້​ຂັດ​ແຍ້​ງກັນ​ນັ້ນ.

ທ່ານ Monti ຈະ​ເປັນ​ຫົວໜ້າ​ລັດຖະບານ​ຮັກສາ​ການ​ຊົ່ວຄາວໄປ​ຈົນກ່ວາ ການ​ເລືອກ ຕັ້ງຜ່ານ​ພົ້ນ​ໄປ. ຄາດ​ວ່າ​ທ່ານ Monti ຈະ​ປະກາດໃຫ້​ຮູ້ໃນ​ວັນ​ອາທິດ​ມື້​ນີ້​ວ່າ ​ທ່ານຈະ​ເປັນ​ຜູ້​ນໍາພາກຸ່ມ​ປະສົມ​ນິຍົມ​ກາງ ທີ່​ອາດ​ສາມາດ​ນໍາພາ​ທ່ານ​ທ່ານ​ກັບ​ຄືນ​ສູ່ຕໍາ​ແໜ່​ງ​ໄດ້​ໃນ​ປີ​ໃໝ່ ນັ້ນ​ຫລື​ບໍ່?

ສ່ວນອະດີດ​ນາຍົກລັດຖະມົນຕີ Silvio Berlusconi ​ນັ້ນ ໄດ້​ຖອນ​ການ ສະໜັບສະ​ໜຸນ​ຂອງ​ທ່ານ​ສໍາລັບ​ທ່ານ Monti ກ່ອນ​ການລົງ​ຄະ​ແນນ​ສຽງ​ກ່ຽວ​ກັບຮ່າງ​ງົບປະມານ ​ແລະ​ກ່າວ​ວ່າ​ ທ່ານ​ຈະ​ລົງ​ສະມັກ​ເລືອກ​ຕັ້ງ.

​ເວລາ​ນີ້​ຍັ ງ​ບໍ່ໄດ້​ປະກາດ​ວັນ​ເລືອກ​ຕັ້ງ​ເທື່ອ ​ແຕ່​ປະທານາທິບໍດີ Napolitano ​ໄດ້ຊີ້​ແນະ​ວ່າ ອາດ​ຈະເປັນ​ວັນ​ທີ່ 24 ​ເດືອນ​ກຸມພາ.

ທ່ານ Monti ​ເປັນ​ນັກ​ເສດຖະສາດ ​ແລະ​ອະດີດ​ກໍາມາ​ທິການ​ອີຢູ​ ທີ່​ເຂົ້າ​ໄປບໍລິຫານ​ລັດຖະ
ບານ​ອິຕາ​ລີ​ໃນ​ເດືອນ​ກໍລະກົດ​ປີຜ່ານມາ. ທ່ານ ມອນຕີ ​ແລະ​ຄະນະ​ລັດຖະມົນຕີ​ຂອງ​ທ່ານ ​
ໄດ້​ຈັດ​ຕັ້ງ​ປະຕິບັດ​ມາດ​ຕະການ​ປະຢັດ ມັດທະຍັດ​ເສດຖະກິດ ​ໃນຮູບ​ຂອງການ​ຕັດການ​ໃຊ້
​ຈ່າຍ ​ແລະ​ຂຶ້ນອັດຕາ​ພາສີ ດ້ວຍ​ຄວາມ​ມຸ້ງ​ຫວັງ ​ເພື່ອຈະເຮັດ​ໃຫ້​ອິຕາ​ລີ ​ໄດ້​ຮັບ​ຄວາມ​ໄວ້​ເນື້ອ
​ເຊື່ອ​ໃຈຫຼາຍຂຶ້ນແລະ​ສາມາດ​ດຶງ​ດູດ​ນັກ​ລົງທຶນ​ຈາກ​ຕ່າງປະ​ເທດ​ໄດ້.
XS
SM
MD
LG