ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ການຊອກຄົ້ນຫາ ຜູ້ໂດຍສານ ໃນເຮືອທ່ອງທ່ຽວອີຕາລີ ເລີ້ມຄືນໃໝ່ອີກໃນມື້ນີ້


ມະນຸດກົບຫຼືພວກດຳນໍ້າອີຕາລີພວມລົມກັນ ກ່ອນອອກໄປປະຕິບັດງານ ທີ່ເຮືອທ່ອງທ່ຽວ Costa Concordia (19 ມັງກອນ 2012)
ມະນຸດກົບຫຼືພວກດຳນໍ້າອີຕາລີພວມລົມກັນ ກ່ອນອອກໄປປະຕິບັດງານ ທີ່ເຮືອທ່ອງທ່ຽວ Costa Concordia (19 ມັງກອນ 2012)

ໃນ​ວັນພ​ະຫັດມື້ນີ້ ພວກນັກ​ໝຸດນໍ້າອີ​ຕາ​ລີ ​ໄດ້ເລີ້ມ​ຄືນ​ໃໝ່ການ​ຊອກ​ຄົ້ນ​ຫາຜູ້ໂດຍສານຈໍາ
ນວນ 21 ຄົນທີ່ຫາຍ​ສາ​ບສູນ​ໃນ​ອຸບ​ປະຕິ​ເຫດ​ເຮືອທ່ອງ​ທ່ຽວຫລົ້ມນອກ​ແຄມຝັ່ງ​ທ​ະ​ເລ​ໃນ​
ພາກ​ຕາ​ເວນ​ຕົກສຽງ​ເໜືອຂ​ອງ​ອີຕາ​ລີ.

ເຈົ້າ​ໜ້າ​ທີ່​ກ່າວວ່າ ພວກນັກ​ໝຸດນໍ້າ ​ໄດ້ດໍາ​ເນີນ​ການ​ຊອກ​ຄົ້ນຫາຄືນ​ໃໝ່ ຫລັງ​ຈາກ​ໄດ້ໂ​ຈະ
ການ​ປະຕິບັດ​ງານ ​ໃນ​ວັນ​ພຸດວານ​ນີ້ ຍ້ອນ​ມີ​ຄວາມ​ເປັນ​ຫ່ວງວ່າ​ເຮືອ Costa Concordia
ອາດ​ຈະ​ພິກ​ຍ້າຍ​ຈາກ​ກ້​ອນຫີນ​ທີ່​ເຮືອ​ຕັ້ງ​ຄ້າງຢູ່​ນັ້ນ ຕົກ​ລົງໄປບ່ອນ​ທີ່​ມີ​ນໍ້າ​ເລິກ

ຍາດ​ຕິ​ພີ່ນ້ອງທີ່​ມີ​ຄວາ​ມກັງ​ວົນ​ພາກັນລໍຖ້າ​ດ້ວຍ​ຄວາ​ມຫວັງ​ທີ່​ມີ​ນ້ອຍ​ເຕັມທີ​ທີ່​ວ່າ​ ພວກ​ນັກ
ກູ້​ໄພຈະ​ພົບ​ເຫັນ​ຜູ້​ລອດ​ຊີວິດ​ຕື່ມ​ອີກຫລັງ​ຈາກ​ເຮືອທ່ອງ​ທ່ຽວ​ໄດ້​ຕໍາກ້ອນ​ຫີນຢູ່​ນອກ​ແຄມ
ຝັ່ງທະ​ເລ Tascan.

ໃນອຸບປະຕິ​ເຫດ​ທີ່​ເກີດ​ຂື້ນ ໃນ​ມື້​ວັນ​ສຸກສັບປະດາ​ແລ້ວນັ້ນ ​ເຮືອ​ທ່ອງທ່ຽວໄດ້​ຕໍາ​ເອົາ​ກ້ອນ​
ຫີນແລ້ວເຮັດ​ໃຫ້ທ້ອງ​ເຮືອແຕກກວ້າງ 52 ​ແມດ ຊຶ່ງ​ເປັນ​ເຫດ​ໃຫ້​ເຮືອ​ງ່ຽງ​ໄປ​ທາງ​ຂ້າງ.

ເຈົ້າ​ໜ້າ​ທີ ກ່າວວ່າ ມີຢ່າງ​ນ້ອຍ 11 ຄົນ​ໄດ້​ເສຍ​ຊີວິດ.

ພວກນັກ​ໝຸດນໍ້າ​ກ່າວ​ວ່າ ສະພາບການ​ແມ່ນຍາກ​ລໍາບາກຫລາຍ​ແລະ​ເປັນອັນຕະລາຍຢູ່ໃນ
ເຮືອທ່ອງ​ທ່ຽວຂະໜາດ 114,000 ​ໂຕນທີ​ຈົມ​ນໍ້າເປັນ​ບາງ​ສ່ວນ​ນັ້ນ ​ແລະ​ເຈົ້າ​ໜ້າ​ທີ່ອີ​ຕາ​ລີ​
ໄດ້​ກ່າວອີກວ່າ ການ​ຊອກ​ຄົ້ນ​ຫາຕື່ມອາດ​ຈະໄດ້​ຮັບ​ຜົນ​ສະທ້ອນຈາກການ​ປ່ຽນ​ແປງ​ຂອງ​
ດິນ​ຟ້າ​ອາກາດ. ນອກຈາກ​ນັ້ນ​ແລ້ວ ສະພາບດີ​ນຟ້າ​ອາກາດ ຍັງ​ກໍ່​ໃຫ້​ເກີດ​ ມີ​ຄວາມ​ວິຕົກ
ກ່ຽວ​ກັບ​ຄວາມ​ເປັນ​ໄປ​ໄດ້​ທີ່​ອາດ​ຈະ​ເກີດ​ໄພພິບັດ​ຕໍ່ສິ່ງແວດ​ລ້ອມນັ້ນ.

XS
SM
MD
LG