ໜ່ວຍຍາມຝັ່ງອີຕາລີ ໄດ້ກູ້ເອົາພວກອົບພະຍົບທາງເຮືອຫລາຍ
ກວ່າ 4,200 ຄົນ ຈາກທະເລເມດີເຕຣານຽນ ໃນວັນສຸກວານນີ້.
ໜ່ວຍຍາມຝັ່ງໄດ້ຮັບການຊ່ວຍເຫລືອຈາກກອງທັບເຮືອອີຕາລີ
ພ້ອມທັງກຳປັ່ນ ຂອງເຢຍຣະມັນ ແລະໄອຣ໌ແລນ ທີ່ພົວພັນກັບ
ການປະຕິບັດງານສາມຝ່າຍຂອງສະຫະພາບຢູໂຣບ.
ໜ່ວຍຍາມຝັ່ງກ່າວວ່າ ເຂົາເຈົ້າຍັງພົບເຫັນ 17 ສົບ. ຍັງບໍ່ເປັນ
ທີ່ແຈ້ງຂາວໃນ ທັນທີເທື່ອ ເຖິງສາເຫດຂອງການເສຍຊີວິດ ແຕ່
ບັນດາເຈົ້າໜ້າທີ່ອີຕາລີ ມັກອະ ທິບາຍວ່າ ສະພາບທີ່ຮ້າຍແຮງ
ເນື່ອງຈາກຄວາມອິດເມື່ອຍ ຫິວນ້ຳ ແລະປະເຊີນກັບຄວາມຮຸນ
ແຮງ ທີ່ມັກພົບເຫັນເລື້ອຍໆ ຢູ່່ໃນເຮືອທີ່ບໍ່ແຂງແຮງ.
ຫວ່າງມໍ່ໆມານີ້ ໄດ້ມີພວກອົບພະຍົບຫລົບໜີເພີ້ມຂື້ນ. ບັນດາຜູ້ສັງເກດການ ໄດ້ຖິ້ມໂທດ
ໃສ່ ສະພາບການທີ່ພວມຊຸດໂຊມລົງຢູ່ໃນປະເທດລີເບຍທີ່ໄຮ້ກົດໝາຍໃນເຂດອາຟຣິກາ
ເໜືອຊຶ່ງເປັນບ່ອນທີ່ພວກອົບພະຍົບຫລາຍໆຄົນພາກັນອອກເດີນທາງນັ້ນ. ພວກອົບພະ
ຍົບຫລາຍຄົນ ພາກັນມາຈາກຊີເຣຍ ໄນຈີເຣຍ ມາລີ ແລະ ເອຣິເທຣຍ ທີ່ພາກັນຫລົບໜີ
ສົງຄາມ ການປະຫັດປະຫານດ້ານການເມືອງ ແລະບັນຫາດ້ານເສດຖະກິດ.
ອີຕາລີ ໄດ້ຊອກຫາການຊ່ວຍບັນເທົາທຸກ ໃນດ້ານພັກພາອາໄສ ໃຫ້ແກ່ຊາວອົບພະຍົບ
ໂດຍຮ້ອງ ຂໍບັນດາສະມາຊິກສະຫະພາບຢູໂຣບຊ່ວຍເຫລືອ. ສະຫະພາບຢູໂຣບໄດ້ກົດ
ດັນໃຫ້ສະມາຊິກແບ່ງປັນເອົາຄວາມຮັບຜິດຊອບກ່ຽວກັບພວກອົບພະຍົບ ແຕ່ບັນດາສະ
ຊິກຈຳນວນນຶ່ງ ໄດ້ຄັດຄ້ານຕໍ່ການຮັບເອົາອົບພະຍົບ.
