ອີຕາລີ ໄດ້ສີ້ນສຸດ ການປະຕິບັດງານກູ້ໄພ ຢູ່ທະເລ Medi-
terranean ທີ່ໄດ້ຊ່ວຍຊີວິດ ພວກອົບພະຍົບ ຢ່າງໜ້ອຍ
100,000 ຄົນ ທີ່ມາຈາກອາຟຣິກາ ແລະຕາເວັນອອກກາງ.
ການປະຕິບັດງານກູ້ໄພຂອງອີີຕາລີ ທີ່ມີຊື່ວ່າ Mare Nos-
trum ໄດ້ສິ້ນສຸດລົງໃນວັນສຸກວານນີ້ ເພື່ອເປີດທາງໃຫ້ແກ່
ການປະຕິບັດງານໃໝ່ ໃນການຊອກຫາ ແລະກູ້ໄພພວກອົບ
ພະຍົບ ຂອງສະຫະພາບຢູໂຣບ ຢູ່ທະເລ Mediterranean
ການປະຕິບັດງານກູ້ໄພ Triton ຂອງສະຫະພາບຢູໂຣບ
ເລີ້ມມາຂຶ້ນໃນວັນເສົາມື້ນີ້.
ການປະຕິບັດງານຂອງອີຕາລີ ເລີ້ມມາໄດ້ປີນຶ່ງແລ້ວ ຫລັງຈາກເກີດເຮືອຫລົ້ມ ທີ່ເຮັດໃຫ້
ພວກຜູ້ຊາຍ ຜູ້ຍິງ ແລະເດັກນ້ອຍ ຫລາຍກວ່າ 350 ຄົນ ເສຍຊີວິດ ທີ່ Lampedusa
ໃກ້ກັບເກາະ Sicilian ນັ້ນ.
ອີຕາລີ ໄດ້ຈົ່ມວ່າກ່ຽວຄ່າໃຊ້ຈ່າຍ ໃນການສືບຕໍ່ກູ້ໄພ ທີ່ເຮັດໃຫ້ເກີດຄວາມເຄັ່ງ ຕຶງທາງ
ດ້ານການເງິນທີ່ມີບັນຫາຢູ່ແລ້ວນັ້ນ. ບັນດາເຈົ້າໜ້າທີ່ອີຕາລີ ກ່າວວ່າ ລັດຖະບານ ໄດ້
ໃຊ້ເງິນຫລາຍກວ່າ 142 ລ້ານໂດລາ ໃນການປະຕິບັດງານດັ່ງ ກ່າວ. ອີຕາລີໄດ້ຂໍຮ້ອງ
ມາດົນນານແລ້ວໃຫ້ສະຫະພາບຢູໂຣບດຳເນີນການເພີ້ມ ຕື່ມ ເພື່ອຊ່ວຍເຫລືອພວກ
ອົບພະຍົບ.
21 ປະເທດໃນສະຫະພາບຢູໂຣບ ແມ່ນເປັນຜູ້ປະກອບສ່ວນເຂົ້າໃນການປະ ຕິບັດງານ
ໃໝ່ Triton.
ລັດຖະມົນຕີກະຊວງພາຍໃນຂອງອີຕາລີ ທ່ານ Angelino Alfano ກ່າວໃນວັນສຸວານນີ້
ວ່າ ອີ່ຕາລີ ຍັງຈະສືບຕໍ່ໃຫ້ການຊ່ວຍເຫລືອແກ່ການຮ້ອງຂໍກູ້ໄພສຸກເສີນ ຕາມທີ່ໄດ້ກຳ
ນົດໄວ້ ຢູ່ໃນ “ກົດໝາຍທາງທະເລ” ນັ້ນ.
