ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ມີການຍິງຈະຫລວດ ໃສ່ອີສຣາແອລກັບຈໍແດນ


ຕໍາຫລວດສັງເກດເບິ່ງບ່ອນທີ່ລູກຈະຫລວດຕົກລົງໃນເມືອງ Eilat ເຂດທະເລແດງ ວັນທີ 2
ສິງຫາ
ຕໍາຫລວດສັງເກດເບິ່ງບ່ອນທີ່ລູກຈະຫລວດຕົກລົງໃນເມືອງ Eilat ເຂດທະເລແດງ ວັນທີ 2 ສິງຫາ

ບັນດາ​ເຈົ້າ​ໜ້າ​ທີ່ຈໍແດນ ກ່າວ​ວ່າ ຈະ​ຫລວດ​ລູກ​ນຶ່ງ​ໄດ້​ຕົກ
ໃສ່​ທ່າ​ກໍ່າ​ປັ່ນ Aquaba ​ໃນ​ທະ​ເລ​ແດງ ​ເຮັດ​ໃຫ້​ 1 ຄົນ
ເສຍ​ຊີວິດ​ແລະ​ບາດ​ເຈັບ 4 ຄົນ. ລູກ​ຈະ​ຫລວດ​ໄດ້​ຕົກ​ໃສ່​
ຖະໜົນສາຍ​ນຶ່ງ​ ຢູ່​ຕໍ່ໜ້າ​ໂຮງ​ແຮມ Intercontinental ​
ແລະລົດ​ຕັກ​ຊີ​ຄັນ​ນຶ່ງ​ໄດ້​ຖືກ​ທໍາລາຍ​ ແລະ​ຄົນ​ຂັບຕັກ​ຊີ​
ເສຍ​ຊີວິດ​.


ທາງ​ຝ່າຍຕໍາຫລວດ​ອີສຣາ​ແອລ ກໍກ່າວ​ວ່າ​ຈະ​ຫລວດ​ຫລາຍ​ ລູກ​ໄດ້​ຖືກ​ຍິງ​ມາ​ໃສ່ເມືອງ Eilat ໃນ​ພາກ​ໃຕ້ອິສຣາ​ແອລ ​ແຕ່​ລາຍງານ​ບໍ່​ໄດ້​ແຈ້ງ​ໃຫ້ຊາບ ​ກ່ຽວ​ກັບ​ຄວາມ​ເສຍ​ຫາຍ​ ແລະ​ຜູ້​ບາດ​ເຈັບ​ຫລື​ລົ້ມ​ຕາຍ. ສອງ​ຫົວ​ເມືອງ​ນີ້​ຕັ້ງ​ຢູ່​ຫ່າງ​ກັນ​ບໍ່​ເທົ່າໃດຫລັກ​ກິ​ໂລ​ແມັດ ​ເລາະ​ຕາມ​ຊາຍແດນລະຫວ່າງ​ອີສຣາແອລ ​ກັບ​ຈໍ​ແດນ​ນັ້ນ. ທາງ​ການ​ກຳລັງ​ທຳ​ການ​ສືບສວນ​ວ່າ​ ພວກ​ໃດ​ເປັນ​ຜູ້ຍິງ​ຈະ​ຫລວດ​ເຫລົ່ານີ້ ​ແລະ​ຍິງ​ມາ​ຈາກ​ໃສ.


ບັນດາ​ເຈົ້າ​ໜ້າ​ທີ່ຮັກສາ​ຄວາມ​ປອດ​ໄພຂອງ​ອີຈິບ ​ໄດ້​ປະຕິ​ເສດ​ຕໍ່​ການສັນນິຖານ​ທີ່ວ່າ​ລູກ​ຈະ
ຫລວດ​ເຫລົ່າ​ນີ້​ ຍິງ​ມາ​ຈາກ​ແຫລມ​ Sinai ທີ່ຕັ້ງ​ຢູ​ໃກ້ໆ​ກັນ​ນັ້ນ.


ນັບ​ວ່າ​ເປັນ​ເທື່ອ​ທີ​ສອງ​ໃນ​ປີ​ນີ້ ທີ່ເຂດ​ດັ່ງກ່າວ​ໄດ້​ຕົກ​ເປັນ​ເປົ້າຂອງ​ການ​ໂຈມ​ຕີ. ໃນ​ເດືອນ​
ເມສາ​ຜ່ານ​ມາ ​ກໍໄດ້​ມີ​ການ​ຍິງ​ຈະ​ຫລວດ​ລູກ​ນຶ່ງ​ໃສ່​ທ່າ​ເຮືອ Aquaba ແຕ່​ບໍ່​ມີ​ຜູ້​ໃດ​ໄດ້​ຮັບ
ບາດ​ເຈັບ​.

XS
SM
MD
LG