ທ່ານ Benjamin Netanyahu ນາຍົກລັດຖະມົນຕີອິສຣາ
ແອລ ກ່າວວ່າ ການເຈລະຈາທີ່ພວມດຳເນີນໄປ ລະຫວ່າງ
ສະຫະລັດ ແລະອີຣ່ານຈະ “ຮັບປະກັນ” ວ່າລັດຖະບານ
ເຕຫະຣ່ານຈະໄດ້ຮັບອາວຸດນີວເຄລຍຊຶ່ງຈະເປັນໄພຂົ່ມຂູ່
ບໍ່ພຽງແຕ່ ຕໍ່ພາກຕາເວັນອອກກາງເທົ່ານັ້ນ ແຕ່ຕໍ່ໂລກນຳ
ດ້ວຍ.
ໃນການໄປປາກົດໂຕຕໍ່ສະພາກົງແກຣສ ຂອງສະຫະລັດ ທີ່
ໄດ້ເກີດບັນຫາໂຕ້ແຍ້ງກັນຂຶ້ນມາທ່ານເນທັນຢາຮູກ່າວເນັ້ນ
ຕໍ່ພວກສະມາຊິກລັດຖະສະພາ ກ່ຽວກັບໄພອັນຕະລາຍ ທີ່
ຮ້າຍກາດວ່າ ອິຣ່ານ ທີ່ມີອາວຸດນີວເຄລຍ ຈະເປັນໄພຕໍ່ປະ
ເທດຂອງທ່ານ.
ທ່ານເນທັນຢາຮູ ກ່າວວ່າ ອິຣ່ານເປັນຜູ້ອຸບປະຖຳການກໍ່ການຮ້າຍໃນທົ່ວໂລກໂດຍກ່າວ
ຕື່ມວ່າ ອຳນາດປົກຄອງເຕຫະຣ່ານໄດ້ "ເປັນພວກຫົວຮຸນແຮງທີ່ສຸດເທົ່າທີ່ເຄີຍມີມາ”
ບໍ່ສາມາດເປັນທີ່ໄວ້ໃຈໄດ້ ແລະການດຳເນີນຄວາມພະຍາຍາມເພື່ອໃຫ້ມີຂໍ້ຕົກລົງກັນກັບ
ສະຫະລັດໃນເວລານີ້ ຈະບໍ່ກີດກັນທາງຂອງອິຣ່ານເພື່ອໃຫ້ມີລະເບີດ “ແຕ່ຈະແຜ້ວທາງ
ໃຫ້ອິຣ່ານມີລະເບີດດັ່ງກ່າວ.”
ນ.ຍ. ອິສຣາແອລ ຖະແຫຼງ ຕໍ່ສະພາ ສຫລ
ໃນແລງວັນອັງຄານວານນີ້ ປະທານາທິບໍດີ ບາຣັກ ໂອບາມາ ທີ່ກ່າວວ່າ ທ່ານບໍ່ໄດ້ເບິ່ງ
ການກ່າວຄຳປາໄສຂອງທ່ານເນທັນຢາຮູນັ້ນ ແຕ່ໄດ້ອ່ານບົດປາໄສຂອງທ່ານ ກ່າວວ່າ
“ບໍ່ມີຫຍັງໃໝ່” ໃນຖ້ອຍຖະແຫຼງ ຂອງທ່ານເນທັນຢາຮູໃນວັນອັງຄານວານນີ້ ໂດຍຢືນ
ຢັດວ່າ ຜູ້ນຳອິສຣາແອລບໍ່ໄດ້ສະເໜີໃຫ້ທາງເລືອກທີ່ດີຂຶ້ນສຳລັບການເຈລະຈາກັນນັ້ນ.
ທ່ານໂອບາມາ ທີ່ກ່າວຈາກທຳນຽບຂາວ ເວົ້າວ່າ ທ່ານເນທັນຢາຮູ “ບໍ່ໄດ້ສະເໜີທາງເລືອກທີ່ສຳຄັນໃດໆ” ແລະກ່າວຕື່ມວ່າ “ພວກເຮົາຍັງບໍ່ທັນໄດ້ບັນລຸຂໍ້ຕົກລົງກັນເທື່ອ ແຕ່ຖ້າພວກເຮົາສຳເລັດຜົນ ອັນນີ້ຈະເປັນຂໍ້ຕົກລົງທີ່ດີທີ່ສຸດທີ່ເປັນໄປໄດ້ ກັບອິຣ່ານ ເພື່ອປົກປ້ອງບໍ່ໃຫ້ອິຣ່ານມີອາວຸດນີວເຄລຍນັ້ນ.”
ທ່ານໂອບາມາ ກ່າວວ່າ ທາງເລືອກຂອງທ່ານເນທັນຢາຮູຕໍ່ການເຈລະຈາກັນນີ້ແມ່ນທໍ່ກັບ
ບໍ່ໃຫ້ມີຂໍ້ຕົກລົງກັນໃດໆເລີຍໂດຍກ່າວຕື່ມວ່າ ຈະພາໃຫ້ອິຣ່ານໃຊ້ຄວາມພະຍາຍາມຂອງ
ຕົນເພີ້ມຂຶ້ນເປັນສອງເທົ່າເພື່ອຜະລິດອາວຸດນີວເຄລຍນັ້ນ.
