ບັນດາເຈົ້າໜ້າທີ່ປາແລສໄຕນ໌ ກ່າວວ່າ ການໂຈມຕີທາງອາກາດ
ຂອງອິສຣາແອລໄດ້ສັງຫານ 2 ຄົນ ໃນຄື້ນຟອງຂອງການໂຈມຕີ
ທີ່ລວມ ທັງ ການຖິ້ມລະເບີດໃສ່ອາຄານສູງຫຼາຍຊັ້ນ 2 ແຫ່ງ.
ການໂຈມຕີທາງອາກາດ ບັ້ນນຶ່ງ ເມື່ອຕອນເຊົ້າຂອງວັນອັງຄານ
ມື້ນີ້ ໄດ້ທຳລາຍ ສ່ວນໃຫຍ່ຂອງອາຄານຫ້ອງການ 15 ຊັ້ນ ແລະ
ອາຄານ ສູງທີ່ເປັນບ່ອນຢູ່ອາໄສ ຫຼື appartment ຢູ່ໃນເຂດ
ເມືອງກາຊາ ເຮັດໃຫ້ມີຜູ້ໄດ້ຮັບບາດເຈັບ ຢ່າງນ້ອຍ 20 ຄົນ.
ອິສຣາແອລ ໄດ້ເຕືອນປະຊາຊົນໃຫ້ຍົກຍ້າຍອອກຈາກບໍລິເວນ
ດັ່ງກ່າວ ຊຶ່ງເປັນຍຸດທະວິທີ ທີ່ທາງກອງທັບໄດ້ນຳໃຊ້ຊ້ຳແລ້ວ
ຊ້ຳອີກ ກ່ອນທີ່ຈະທຳການໂຈມຕີສະຖານທີ່ຕ່າງໆ ທີ່ອິສຣາແອລກ່າວວ່າ ເປັນບ່ອນທີ່ມີ
ພວກຮຸນແຮງໄດ້ໃຊ້ ໃນການປະຕິບັດງານນັ້ນ.
ໂຄສົກກອງທັບອິສຣາແອລ ໄດ້ລາຍງານວ່າ ມີການຍິງຈະຫລວດ ຫຼາຍໆລູກເຂົ້າໃສ່
ອິສຣາແອລ ລວມທັງ ຈະຫລວດລູກນຶ່ງທີ່ຖືກ ລະບົບປ້ອງກັນລູກສອນໄຟ Iron Dome
ສະກັດກັ້ນໄວ້ໄດ້ເທິງນ່ານຟ້າຂອງນະຄອນ Tel Aviv.
ໃນຂະນະດຽວກັນ ອີຈິບ ຮຽກຮອງອີກຄັ້ງນຶ່ງ ໃຫ້ອິສຣາແອລ ແລະ ກຸ່ມຮາມັສ ປະກາດ
ຢຸດຍິງ ແລະກັບຄືນເຂົ້າຮ່ວມການເຈລະຈາ ເພື່ອຢຸດຕິການສູ້ລົບກັນ ທີ່ໄດ້ລະເບີດຂຶ້ນ
ເມື່ອວັນທີ 8 ກໍລະກົດຜ່ານມານີ້.
