ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ການໂຈມຕີທາງອາກາດຂອງອິສຣາແອລ ໃນເຂດກາຊາ ສັງຫານປະຊາຊົນຫຼາຍສິນຄົນ


ການໂຈມຕີທາງອາກາດຂອງອິສຣາແອລ ໃນເຂດກາຊາ ສັງຫານປະຊາຊົນຫຼາຍສິນຄົນ

ລັດ​ຖະ​ມົນ​ຕີ​ປ້ອງ​ກັນ​ປະ​ເທດຂອງ​ອິ​ສ​ຣາ​ແອ​ລ​ ຈະ​ມາ​ຢ້ຽມ​ຢາມນະຄອນຫຼວງ ​ວໍ​ຊິງ​ຕັນ​ໃນ​ອາ​ທິດ​ນີ້ ​ເພື່ອ​ເຈ​ລະ​ຈາ​ກ່ຽວ​ກັບ​ສົງ​ຄາມ​ທີ່​ກຳລັງດຳເນີນຢູ່ກັບກຸ່ມ ຮາມາສ ໃນ​ເຂດ ກາຊາ. ​ໃນ​ຂະນະ​ດຽວ​ກັນ ບັນດາ​ກຸ່ມ​ຊ່ວຍ​ເຫລືອ​ນາໆ​ຊາດ ​ໄດ້​ພະຍາ ຍາມ​ຊອກ​ຫາ​ຜູ້​ລອດ​ຊີວິດ​ຈາກ​ການ​ໂຈມ​ຕີ​ຂອງ​ອິສຣາ​ແອ​ລ ​ໃນ​ເມື່ອບໍ່ດົນ​ມາ​ນີ້ ​ໃນ​ດິນ ແດນທີ່ຖືກປິດລ້ອມແຫ່ງນີ້ ​ໂດຍ​ໄດ້​ກ່າວເຖິງລະດັບ​ຂອງ​ຄວາມ​ເສຍ​ຫາຍ​ວ່າ “ບໍ່​ເຄີຍ​ມີ​ມາ​ກ່ອນ.” ອາຣາຊ ອາຣາບາສຊາດີ (Arash Arabasadi) ນັກ​ຂ່າວ​ວີ​ໂອ​ເອ ມີ​ລາຍ​ງານ​ກ່ຽວ​ກັບ​ເລື້ອງນີ້.

​ໃນ​ວັນ​ອາທິດ​ວານ​ນີ້ ຢູ່ທີ່​ເມືອງ ກາຊາ, ບັນດາ​ຜູ້​ເຫັນ​ເຫດການ​ກ່າວ​ວ່າ ມີ​ຢ່າງ​ໜ້ອຍ 8 ຄົນ​ເສຍ​ຊີວິດ​ໃນ​ການ​ໂຈມ​ຕີ​ທາງ​ອາກາດ​ຂອງ​ອິສຣາ​ແອ​ລ ຢູ່​ນອກ​ສູນ​ຊ່ວຍ​ເຫລືອ​ທີ່​ດຳ ເນີນງານ​ໂດຍ​ອົງການ​ສະຫະ​ປະຊາ​ຊາດ​ສຳລັບ​ຊາວ​ອົບ​ພະຍົບປາ​ແລ​ສ​ໄຕ​ນ໌.

ນີ້, ​ເປັນ​ພຽງ​ເຫດການນຶ່ງ​ທີ່​ມີ​ຜູ້​ເສຍ​ຊີ​ວິດ​ຢ່າງ​ຫຼວງ​ຫຼາຍ​ໃນ​ຊຸມ​ມື້​ມໍ່ໆ​ມາ​ນີ້ ​ໃກ້​ກັບ​ສູນ​ຊ່ວຍ​ເຫຼືອ​ດ້ານ​ມະ​ນຸດ​ສະ​ທຳ​ໃນ​ເຂດແດນຂອງປາ​ແລັ​ສ​ໄຕນ໌​ທີ່​ຖືກ​ປິດ​ລ້ອມ. ມີ​ລາຍ​ງານ​ວ່າ ມີ​ຜູ້​ເສຍ​ຊີວິດ​ຢ່າງ​ໜ້ອຍ 25 ຄົນ​ໃນ​ເຫດການ​ລະ​ເບີດ​ ​ໃກ້​ໂຮງໝໍພາກ​ສະ​ໜາມ ຂອງ​ອົງ​ການ​ກາ​ແດງ ​ໃນ​ເມືອງ ຣາຟາ.

ຫົວ​ຫນ້າ​ຫ້ອງ​ການ​ປະ​ຈຳ​ເມືອງ ຣາ​ຟາ ຂອງຄະ​ນະ​ກໍາ​ມະການ​ກາ​ແດງສາ​ກົນ, ທ່ານ ວີລລຽມ ຊອມເບີກ (William Schomburg) ກ່າວວ່າ:

"ລະດັບຂອງຄວາມຕົກໃຈນີ້ ແມ່ນຖືວ່າບໍ່ເຄີຍເກີດຂຶ້ນມາກ່ອນ, ຢ່າງຫນ້ອຍກໍແມ່ນສໍາລັບ ພວກເຮົາ. ແລະເພື່ອໃຫ້ລາຍລະອຽດນຶ່ງທີ່ຫນ້າເສົ້າໃຈຫຼາຍ ແຕ່ເຮັດໃຫ້ເຫັນພາບໄດ້ນັ້ນ, ພວກເຮົາພົບເຫັນຊິ້ນສ່ວນຂອງຮ່າງກາຍກະແຈກກະຈາຍຢູ່ໃນພື້ນທີ່ຕ່າງໆ, ລວມທັງພາຍ ໃນບໍລິເວນດັ່ງກ່າວ, ເຊິ່ງພວກເຮົາຈະດຳເນີນການເກັບ​ມ້ຽນໃນພາຍຫລັງ.

ກອງກຳ​ລັງປ້ອງ​ກັນ​ປະ​ເທດ​ອິດ​ສ​ຣາ​ແອລ ຫຼື IDF ໄດ້​ເປີດ​ເຜີຍ​ວີ​ດີ​ໂອ​ທີ່ອ້າງ​ວ່າ​ສະ​ແດງ​ໃຫ້​ເຫັນ​ການ​ໂຈມ​ຕີ​ຕໍ່ໂຄງ​ສ້າງ​ທາງ​ທະຫານ​ຂອງ​ກຸ່ມ ຮາມາສ ຢູ່ໃນ​ເຂດ​ກາຊາ​ໃນ​ເວລາ​ດຽວ​ກັນ.

VOA ((AP)) ບໍ່​ສາ​ມາດ​ກວດ​ສອບ​ໄດ້​ຢ່າງ​ເປັນ​ອິດ​ສະ​ຫລະ​ກ່ຽວ​ກັບ​ເລື່ອງ​ນີ້ ຫຼື​ເນື້ອ​ໃນ​ອື່ນໆ​ຂອງ IDF.

ກະ​ຊວງ​ສາ​ທາ​ລະ​ນະ​ສຸກ​ໃນ​ເຂດ ກາຊາ ທີ່ບໍລິຫານງານໂດຍກຸ່ມຮາມາສ ກ່າວ​ວ່າ ຊາວ​ປາ​ແລັສໄຕນ໌​ຫຼາຍ​ກວ່າ 37 ພັນ​ຄົນເສຍ​ຊີ​ວິດ​ໃນ​ການ​ປະ​ທະ​ກັນຄັ້ງ​ນີ້, ເຊິ່ງ​ໄດ້​ເລີ່ມ​ຕົ້ນຂື້ນເມື່ອວັນ​ທີ 7 ຕຸ​ລາ​ປີ​ກາຍ​ນີ້.

ໃນຕອນ​ນັ້ນເອງທີ່​ກຸ່ມ​ ຮາມາສ ເຊິ່ງໄດ້ຖືກຝ່າຍຕາເວັນຕົກ ກຳນົດໃຫ້ເປັນກຸ່ມກໍ່ການຮ້າຍ ​ແລະ​ພວກ​ພັນທະ​ມິດ​ຂອງຕົນ ​ໄດ້​ບຸກ​ເຂົ້າ​ໄປ​ໃນ​ອິສຣາ​ແອລ ​ເຮັດ​ໃຫ້ 1,200 ​ຄົນ​ເສຍ​ຊີວິດ ​ແລະ ​ໄດ້​ລັກ​ພາ​ຕົວ​ອີກ 250 ຄົນໄປ.

ອິສຣາ​ແອ​ລ​ໄດ້​ປະຕິຍານ​ວ່າ ຈະ​ກຳຈັດ​ກຸ່ມ ຮາມາສ ໃຫ້ໝົດໄປ.

​ແຕ່​ຂອບ​ເຂດ​ຂອງການບາດເຈັບ ແລະ​ເສຍ​ຊີວິດ​ຂອງ​ພົນລະ​ເຮືອນ ​ແລະ ການ​ທຳລາຍ ລ້າງດິນແດນປາແລັສໄຕນ໌​ຢ່າງ​ກວ້າງ​ຂວາງ ​ໄດ້​ເຮັດ​ໃຫ້​ ແມ່ນແຕ່ບັນດາ​ພັນທະ​ມິດ​ທີ່ຫ້າວຫັນ​ທີ່​ສຸດ​ຂອງ ອິສຣາ​ແອລ ຕ້ອງຢຸດຈຶ້ງ​ຊົ່ວຄາວ.

​ແລະ​ໄດ້​ເຮັດ​ໃຫ້​ສະຫະລັດ ​ຢຸດ​ການ​ຂົນສົ່ງ​ອາວຸດ​ລະ​ເບີດ ເນື່ອງຈາກ​ຢ້ານ​ວ່າ​ອິສຣາ​ແອ​ລ ຈະ​ຖິ້ມລະເບີດເຫຼົ່ານີ້ໃນພື້ນທີ່​ພົນລະ​ເຮືອນ​ທີ່​ມີ​ປະຊາກອນຢູ່​ຢ່າງ​ໜາ​ແໜ້ນ.

ນາຍົກລັດຖະມົນຕີອິສຣາແອລ ທ່ານ ເບັນຈາມິນ ເນຕັນຢາຮູ ໃນອາທິດແລ້ວນີ້ ໄດ້ເຜີຍແຜ່ວີດີໂອ ທີ່ກ່າວຫາທຳນຽບຂາວ ຢ່າງເປີດເຜີຍວ່າ ຂັ​ດ​ຂວາງອາວຸດ ແລະ ລູກປືນຈາກອິສຣາແອລ.

ໃນກອງປະຊຸມຄະນະລັດຖະບານໃນທ້າຍອາທິດ, ທ່ານໄດ້ກ່າວຕໍ່ບັນດາເຈົ້າໜ້າທີ່ວ່າ "ສະພາບພື້ນຖານຂອງ​ສິ່ງ​ທີ່​ດຳ​ເນີນ​ຢູ່​ແມ່ນບໍ່ໄດ້ປ່ຽນແປງ" ກັບສະຫະລັດ, ໂດຍກ່າວຕື່ມວ່າການຂົນສົ່ງອາວຸດໄດ້ຊ້າລົງສູ່ລະດັບທີ່ຕໍ່າ.

ທຳນຽບຂາວ ກ່າວ​ວ່າ ຄຳ​ເຫັນ​ຂອງ​ທ່ານ ເນຕັນຢາຮູ ​ໄດ້​ເຮັດໃຫ້ເກີດ​ຄວາມ​ຕົກ​ໃຈ.

ໂຄ​ສົກ​ດ້ານຄວາມໝັ້ນຄົງ​ແຫ່ງ​ຊາດ​ຂອງ​ທຳ​ນຽບ​ຂາວ ທ່ານ ຈອນ ເຄີບີ ໄດ້ກ່າວໃນ​ລະຫວ່າງກອງ​ປະ​ຊຸມລາຍ​ງານຂອງ​ທຳ​ນຽບ​ຂາວວ່າ:

"ຄໍາຄິດຄໍາເຫັນເຫຼົ່ານັ້ນແມ່ນໜ້າຜິດຫວັງຢ່າງເລິກເຊິ່ງ ແລະແນ່ນອນວ່າສ້າງຄວາມວິຕົກກັງວົນໃຫ້ກັບພວກເຮົາ ເມື່ອຄຳນຶງເຖິງການສະຫນັບສະຫນູນຈຳນວນຫຼາຍທີ່ພວກເຮົາໄດ້ໃຫ້ ແລະຈະຍັງສືບຕໍ່ໃຫ້ກັບນາຍົກລັດຖະມົນຕີ ເນຕັນຢາຮູ."

ຫລັງຈາກນຶ່ງອາທິດທີ່ ທ່ານ ເນຕັນຢາຮູ ໄດ້ຍຸບຄະນະລັດຖະມົນຕີສົງຄາມຂອງຕົນ, ຊາວອິສຣາແອລ ກໍໄດ້ດຳເນີນການປະທ້ວງປະຈຳອາທິດອີກຄັ້ງ ຕໍ່ລັດຖະບານຂອງທ່ານ ເນຕັນຢາຮູ ເພື່ອຮຽກຮ້ອງໃຫ້​ປົດທ່ານອອກ ແລະ ນຳເອົາພວກຕົວປະກັນທີ່ຍັງຖືກຈັບ ໂດຍກຸ່ມ ຮາມາສ ກັບ​ຄືນ​ມາ.

​ໃນ​ຂະນະດຽວກັນ, ອິສຣາແອລ ກໍຍັງສືບ​ຕໍ່​ດຳ​ເນີນ​ການ​ເຄື່ອນ​ໄຫວ​ຢູ່​ຊາຍ​ແດນ​ ເລ​ບາ​ນອນ ໂດຍ​ແນເປົ້າ​ໃສ່​ສະມາຊິກ​ຂອງ​ກຸ່ມ​ອິິສລາມທີ່ເປັນພັນທະມິດກັບກຸ່ມຮາມາສ. ລັດຖະມົນຕີກະຊວງປ້ອງກັນປະເທດອິສຣາແອລ ທ່ານ ໂຢອາຟ ກາລລັນ (Yoav Gallant) ກ່າວວ່າ IDF ພ້ອມແລ້ວທີ່ຈະດຳເນີນການໃດໆເພີ້ມຕື່ມຢູ່ໃນເຂດກາຊາ, ເລບານອນ ແລະ ສະຖານທີ່ທີ່ບໍ່ໄດ້ລະບຸລາຍລະອຽດເພີ່​ມ​ເຕີ​ມ.

ທ່ານ ກາລລັນ (Gallant) ​ໄດ້​ເດີນທາງໃນ​ວັນ​ອາທິດ​ທີ່ຜ່ານມາ ​ເພື່ອ​ເຂົ້າ​ຮ່ວມ​ກອງ​ປະຊຸມ​ ໃນນະຄອນຫຼວງ ​ວໍ​ຊິງ​ຕັນ.

ອ່ານລາຍງານເປັນພາສາອັງກິດຂ້າງລຸ່ມນີ້:

Israel’s defense minister visits Washington this week for talks on the ongoing war with Hamas in Gaza. Meanwhile, international aid groups scramble to find survivors of recent Israeli strikes in the enclave, describing the scale of the damage as “unprecedented.” VOA’s Arash Arabasadi has the story.

Sunday in Gaza City. Witnesses say at least eight people were killed in an Israeli airstrike outside an aid center run by the U.N. agency for Palestinian refugees.

It was just one such mass-fatality event in recent days near a humanitarian aid facility in the besieged Palestinian territories. At least 25 people were reported killed in a bombing near a Red Cross field hospital in Rafah.

Head of the International Committee of the Red Cross Rafah office William Schomburg:

“The scale of this shock was quite unprecedented, at least for us. And to give you one very unfortunate but graphic detail, we literally found body parts scattered in different areas, including within the compound, which we then later collected.”

The Israel Defense Forces released video claiming to show strikes on Hamas military structures in the Gaza Strip at around the same time.

VOA ((AP)) cannot independently verify this or any other IDF content.

The Hamas-run Gaza Health Ministry says more than 37-thousand Palestinians have died in this conflict, which began October seventh of last year.

It was then that the Western-identified terror group Hamas and its allies stormed into Israel killing 12-hundred and kidnapping some 250 others.

Israel vowed the eradication of Hamas at all costs.

But the scope of civilian casualties and widespread destruction of Palestinian territories gave even Israel’s staunchest allies pause.

And led to the United States suspending a weapons shipment of bombs over fears of Israel dropping them in densely populated civilian areas.

Israeli Prime Minister Benjamin Netanyahu last week released a video publicly accusing the White House of withholding weapons and ammunition from Israel.

At a cabinet meeting over the weekend, he told officials that “the basic state of affairs did not change” with the U.S., adding that weapons shipments have slowed to a trickle.

The White House says Netanyahu’s comments came as a shock.

House national security spokesperson John Kirby at a White House briefing:

“Those comments were deeply disappointing and certainly vexing to us given the amount of the support that we have and will continue to provide Prime Minister Netanyahu.”

Following a week in which Netanyahu disbanded his war cabinet, Israelis again turned out for their weekly protests of Netanyahu’s government calling for his removal and the return of hostages still held by Hamas.

Meanwhile, Israel continues operations in bordering Lebanon targeting a member of the Hamas-allied Islamic Group. Israeli Defense Minister Yoav Gallant said the IDF is ready for any further action in Gaza, Lebanon, and unspecified “additional places.”

Gallant left Sunday for meetings in Washington.

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG