ກຸ່ມປາແລສໄຕນ໌ ທີ່ເປັນປໍລະປັກ ປະກາດ ການຕົກລົງ ປອງດອງຊາດ (ວີດີໂອ)

ກຸ່ມປາ​ແລ​ສ​ໄຕນ໌​ທີ່ສຳຄັນ 2 ກຸ່ມ ຄືກຸ່ມ Fatah ແລະກຸ່ມ Hamas ໄດ້ປະກາດກ່ຽວກັບຂໍ້ຕົກລົງສ້າງຄວາມປອງດອງຊາດ ໂດຍກ່າວ
ວ່າ ພວກເຂົາເຈົ້າຈະພະຍາຍາມສ້າງຕັ້ງລັດຖະບານສາມັກຄີ
ຊາດ ໃນໄລຍະສອງສາມອາທິດຂ້າງໜ້ານີ້.

ກຸ່ມ Hamas ແລະກຸ່ມ Fatah ໄດ້ແຍກອອກຈາກກັນແບບ
ຮຸນແຮງ ໃນປີ 2007 ແລະນັບຕັ້ງແຕ່ນັ້ນມາ ກໍໄດ້ແບ່ງປະຊາ
ຊົນຂອງພວກເຂົາເຈົ້າ ໃຫ້ຢູ່ພາຍໃຕ້ການປົກຄອງຂອງພວກ
ຜູ້ນຳ 2 ກຸ່ມ.

ຍັງບໍ່ທັນເປັນທີ່ຈະແຈ້ງເທື່ອວ່າ ແຜນການດັ່ງກ່າວນີ້ ຈະປະສົບ
ຜົນສຳເລັດຫຼືບໍ່ ຊຶ່ງຄວາມພະຍາຍາມແບບນີ້ ໄດ້ຫຼົ້ມແຫຼວມາແລ້ວໃນຄັ້ງກ່ອນໆ. ຂໍ້ຕົກລົງທີ່ວ່ານີ້ ໄດ້ເພີ່ມຄວາມສະ ລັບສັບຊ້ອນ ຕໍ່ການດຳເນີນຄວາມພະຍາຍາມຂອງ
ສະຫະລັດ ໃນການໄກ່ເກ່ຍຂໍ້ຕົກລົງສັນຕິພາບ ລະຫວ່າງ Israel ແລະ ປາ​ແລ​ສ​ໄຕນ໌.
ທັງສະຫະລັດ ແລະ Israel ຕ່າງກໍໄດ້ປະນາມ ຂໍ້ຕົກລົງສະບັບນີ້.

ທີ່ນະຄອນຫຼວງວໍຊິງຕັນ ໂຄສົກຂອງກະຊວງການຕ່າງປະເທດສະຫະລັດ ທ່ານນາງ Jen Psaki ໄດ້ກ່າວວ່າ ວໍຊິງຕັນ ຮູ້ສຶກ“ຜິດຫວັງ” ຕໍ່ການປະກາດດັ່ງກ່າວ ແລະທ່ານ
ນາງຍັງເຕືອນວ່າມັນຈະຍິ່ງຈະສ້າງຄວາມສັບສົນຕໍ່ການດຳເນີນຄວາມພະຍາຍາມເພື່ອ
ສ້າງສັນຕິພາບ.