ອິສຣາແອລ ຄາດວ່າຈະເປີດດ່ານຂ້າມຊາຍແດນສອງແຫ່ງ
ກັບເຂດ Gaza ໃນວັນອັງຄານມື້ນີ້.
ດ່ານຂ້າມຊາຍແດນ Kerem Shalom ແລະ Erez ໄດ້ອັດ
ໃນວັນອາທິດທີ່ຜ່ານມາ ຫລັງຈາກມີການຍິງລູກຈະຫລວດ
ຈາກເຂດປາແລສໄຕນ໌ ເຂົ້າໄປໃສ່ ອິສຣາແອລ ໃນວັນສຸກ
ອາທິດແລ້ວນີ້. ບໍ່ມີລາຍງານກ່ຽວກັບການເສຍຫາຍ ຫລືໄດ້
ຮັບບາດເຈັບ ຈາກການຍິງລູກຈະຫລວດໂຈມຕີດັ່ງກ່າວ.
ອົງການຂ່າວຝຣັ່ງ ໄດ້ອ້າງຄຳເວົ້າຂອງໂຄສົກທະຫານອິສຣາ
ແອລ ທີ່ກ່າວວ່າ ດ່ານຂ້າມຊາຍແດນສອງແຫ່ງ ຈະເປີດໃນວັນອັງຄານມື້ນີ້.
ການຂັດແຍ້ງລະຫວ່າງ ອິສຣາແອລກັບປາແລສໄຕນ໌:
ອິສຣາແອລກ່າວວ່າ ເຫດຮ້າຍໃນການຍິງລູກຈະຫລວດໂຈມຕີໃນວັນສຸກແລ້ວນີ້ ເປັນ
ການໂຈມຕີຄັ້ງທີສອງ ນັບແຕ່ການເຮັດສົງຄາມຂອງອິສຣາແອລເປັນເວລາ 50 ມື້ ຕ້ານ
ພວກຫົວຮຸນແຮງໃນເຂດ Gaza ເມື່ອເດືອນກໍລະກົດ ແລະສິງຫາ ສິ້ນສຸດລົງແລ້ວນັ້ນ.
ການຢຸດຍິງ ທີ່ໄດ້ຕົກລົງກັນ ລະຫວ່າ ອິສຣາແອລ ແລະບັນດາຜູ້ປົກຄອງຂອງ ກຸ່ມ
Hamas ໃນ Gaza ເລີ້ມມີຜົນບັງຄັບເມື່ອວັນທີ 26 ເດືອນສິງຫາຊຶ່ງເຮັດ ໃຫ້ການຂັດ
ແຍ້ງກັນ ທີ່ເຮັດໃຫ້ຊາວປາແລສໄຕນ໌ 2,140 ຄົນແລະຝ່າຍອິສຣາແອລ ປະມານ 70
ຄົນ ເສຍຊີວິດໄປນັ້ນ ສິ້ນສຸດລົງ.
ລາຍການ On Assignment ເລື້ອງຄວາມຫຍຸ້ງຍາກ ໃນການສ້າງສາເຂດກາຊາ ຄືນໃໝ່:
