ອິສຣາແອລ ຈະເປີດການປະຕິບັດງານດ້ານການທູດ ຢູ່ໃນອົງ
ການຈັດຕັ້ງລະຫວ່າງລັດຖະບານທີ່ນະຄອນ Abu Dhabi ຊຶ່ງ
ບັນດາເຈົ້າໜ້າທີ່ ໄດ້ປະກາດ ໃນວັນສຸກມື້ນີ້ ໃນອັນທີ່ຈະເປັນ
ການມີໜ້າເທື່ອທຳອິດຂອງທາງການອິສຣາແອລຢູ່ໃນປະເທດ
ສະຫະລັດ ອາຣັບ ອີເມີເຣັດ ຫລືUAE.
ຜູ້ຕາງໜ້າຂອງອິສຣາແອລ ຢູ່ໃນອົງການນາໆຊາດ ເພື່ອນຳໃຊ້
ພະລັງງານທາງເລືອກຫລື IRENA ຢູ່ການກະກຽມສຸດທ້າຍ ອີງ
ຕາມບັນດານັກການທູດອິສຣາແອລໂດຍໃຫ້ການຢືນຢັນຕໍ່ລາຍ
ງານໃນວັນສຸກມື້ນີ້ ຢູ່ໃນໜັງສືພິມ Haaretz ຂອງອິສຣາແອລ.
ບັນດາເຈົ້າໜ້າທີ່ UAE ຍັງບໍ່ທັນໃຫ້ຄວາມເຫັນໃດໆກ່ຽວກັບການເປີດຫ້ອງການປະຕິບັດ
ງານຂອງອິສຣາແອລ.
ບັນດາເຈົ້າໜ້າທີ່ອິສຣາແອລ ໄດ້ເນັ້ນໜັກເຖິງການແຕ່ງຕັ້ງການທູດ ຈະອຸທິດວຽກງານທັງໝົດໃຫ້ແກ່ອົງການ IRENA ແລະຈະບໍ່ແມ່ນຜູ້ ຕິດຕໍ່ລະຫວ່າງອິສຣາແອລ ແລະ UAE ທີ່
ບໍ່ມີສຳພັນທາງດ້ານການທູດຢ່າງເປັນທາງການກັບອິສຣາແອລນັ້ນ.
ອິສຣາແອລ ຍັງບໍ່ໄດ້ສ້າງຕັ້ງສາຍສຳພັນທາງດ້ານການທູດຢ່າງເປັນທາງການກັບບັນດາ
ປະເທດເພື່ອນບ້ານອາຣັບໃດໆ ຍົກເວັ້ນແຕ່ອີຈິບ ແລະຈໍແດນ ເຖິງແມ່ນວ່າ ເຈົ້າໜ້າທີ່
ການທູດຂອງຕົນໄດ້ພົບປະແລະໄດ້ເຮັດວຽກກັບບັນດາຜູ້ນຳອາຣັບເພີ້ມຂື້ນຢູ່ທາງເບື້ອງ
ຫລັງ ໃນລະຫວ່າງບໍ່ເທົ່າໃດປີທີ່ຜ່ານມານີ້.
ອິສຣາແອລ ແລະບັນດາປະເທດອາຣັບຈຳນວນໜຶ່ງຫວ່າງມໍ່ໆມານີ້ໄດ້ ພົບເຫັນວ່າມີຜົນ
ປະໂຫຍດຮ່ວມກັນ ຢູ່ໃນເວທີ່ສາກົນ ໂດຍສະເພາະ ຫລັງຈາກບັນດາປະເທດມະຫາອຳ
ນາດ ໄດ້ບັນລຸຂໍ້ຕົກລົງນິວເຄລຍກັບ ອີຣ່ານ ທີ່ໄດ້ພິຈາລະນາວ່າ ເປັນສັດຕູກັບຫລາຍໆປະເທດອາຣັບນັ້ນ.
