ການໂຈມຕີຈາກເຮືອບິນລົບ ແລະລົດຖັງ ຂອງອິສຣາແອລ ໄດ້
ເຮັດໃຫ້ມີຜູ້ເສຍຊີວິດຢ່າງໜ້ອຍ 26 ຄົນ ໃນເຂດກາຊາ ໃນຂະ
ນະທີ່ກອງທັບອິສຣາແອລເດີນໜ້າຕໍ່ໄປ ກັບການປະຕິບັດງານທີ່
ນາຍົກລັກຖະມົນຕີ Benjamin Netanyahu ເຕືອນວ່າ ອາດຈະ
ດຳເນີນຕໍ່ໄປເປັນເວລານານ.
ບັນດາເຈົ້າໜ້າທີ່ສາທາລະນະສຸກຂອງປາແລສໄຕນ໌ ກ່າວວ່າ ຈຳ
ນວນຜູ້ເສຍຊີວິດທັງໝົດຂອງເຂົາເຈົ້າ ແມ່ນຫລາຍກວ່າ 1,100
ຄົນ ໃນວັນອັງຄານມື້ນີ້ ສ່ວນໃຫຍ່ແມ່ນພົນລະເຮືອນ ຫລັງຈາກ
ຄ່ຳຄືນແຫ່ງການໂຈມຕີທີ່ແຜ່ກ້ວາງອອກຫລາຍທີ່ສຸດໂດຍກຳລັງ
ອິສຣາແອລ ນັບຕັ້ງແຕ່ການສູ້ລົບໄດ້ເລີ້ມເມື່ອສາມອາທິດກ່ອນ.
ການໂຈມຕີທາງອາກາດບັ້ນນຶ່ງໃນວັນອັງຄານມື້ນີ້ ໄດ້ຖືກສາງນຳ້ມັນທີ່ມີຢູ່ ບ່ອນດຽວໃນເຂດກາຊາ ຕ້ອງເຮັດໃຫ້ປິດລົງ. ກ່ອນການໂຈມຕີ ຄວາມເສຍຫາຍຕໍ່ລະບົບ ໄດ້ເຮັດໃຫ້ມີການໃຊ້ໄຟໄຟຟ້າແບບຈຳກັດ ພຽງແຕ່ສາມຊົ່ວໂມງຕໍ່ມື້.
ທ່ານ Netanyahu ໄດ້ກ່າວຕໍ່ປະຊາຊົນອິສຣາແອລ ທາງໂທລະພາບ ໃນວັນຈັນວານນີ້
ບອກໃຫ້ເຂົາເຈົ້າຕຽມພ້ອມ ສຳລັບ “ການປະຕິບັດການທາງທະຫານອັນຍາວນານ” ຕ້ານກຸ່ມ Hamas.
ທ່ານ Benjamin ກ່າວວ່າ : “ພວກເຮົາຮູ້ວ່າ ມີມື້ທີ່ຍາກລຳບາກຂວາງໜ້າ ພວກ
ເຮົາຢູ່ ເປັນວັນທີ່ຫຍຸ້ງຍາກແລະເຈັບປວດ. ພວກເຮົາຕ້ອງອົດທົນ ແລະ ມຸ້ງໝັ້ນ
ສູ້ທົນ ຕ້ານອົງການກໍ່ການຮ້າຍທີ່ຂ້າຄົນ ທີ່ມີຄວາມມຸ້ງມາດປາດຖະ ໜາ ຢາກ
ທຳລາຍເຮົາ.”
ທ່ານກ່າວວ່າ ການປະຕິບັດງານທາງທະຫານ ຈະບໍ່ສີ້ນສຸດລົງ ຖ້າກຳລັງຂອງ ອິສຣາແອລ
ບໍ່ໄດ້ທັບມ້າງທຳລາຍ ລະບົບອຸບໂມງຂອງກຸ່ມຫົວຮຸນແຮງ Hamas ທີ່ໃຊ້ລັກລອບເຂົ້າໄປ
ສູ່ ອິສຣາແອລນັ້ນ.
ກອງທັບອິສຣາແອລໄດ້ປະກາດ ໃນວັນອັງຄານມື້ນີ້ວ່າ ທະຫານຫ້າຄົນໄດ້ເສຍຊີວິດ ຍ້ອນ
ພວກນັກລົບຮາມັສ ທີ່ໃຊ້ນຶ່ງໃນພວກອຸບໂມງເຫລົ່ານັ້ນ ລັກລອບເຂົ້າມາໂຈມຕີ. ທະຫານ
ອິສຣາແອລ ປະມານ 53 ຄົນ ແລະພົນລະເຮືອນສາມຄົນ ໄດ້ເສຍຊີວິດ ນັບແຕ່ວັນທີ 8
ເດືອນກໍລະກົດ ເປັນຕົ້ນມາ.
