ລັດຖະມົນຕີການກະຊວງໂທລະຄົມມະນາຄົມຂອງອິສຣາແອລ ກ່າວວ່າ ການຕັດສິນໃຈປິດຫ້ອງການຂ່າວທ້ອງຖິ່ນ ອັລ ຈາຊີຣາ (Al Jazeera) ແມ່ນກຳ ລັງລໍຖ້າການອະນຸມັດຈາກລັດຖະມົນຕີປ້ອງກັນປະເທດຂອງປະເທດຢູ່.
"ບັນຫານີ້ ແມ່ນຢູ່ກັບລັດຖະມົນຕີປ້ອງກັນປະເທດແລ້ວ, ຫຼັງຈາກການອະນຸມັດ ຂອງທ່ານ, ເຊິ່ງພວກເຮົາຍັງບໍ່ທັນໄດ້ຮັບ, ຄໍາຮ້ອງຂໍຈະຖືກນໍາໄປຫາຫ້ອງວ່າ ການກະຊວງຄວາມໝັ້ນຄົງ ສຳລັບການອະນຸມັດ," ລັດຖະມົນຕີກະຊວງໂທລະຄົມມະນາຄົມ ທ່ານ ຊໂລໂມ ຄາຮີ (Shlomo Karhi) ກ່າວ, ອີງຕາມ ການລາຍງານຂອງໜັງສືພິມອອນໄລນ໌ Times of Israel.
ກ່ອນໜ້ານີ້ ທ່ານຄາຮີ (Karhi) ໄດ້ເອີ້ນຫ້ອງການຂ່າວ ອັລ ຈາຊີຣາ (Al Jazeera) ວ່າ “ເປັນກະບອກສຽງໂຄສະນາຊວນເຊື່ອ” ຂອງກຸ່ມຫົວຮຸນແຮງຮາມາສ ທີ່ໄດ້ບຸກໂຈມຕີພາກໃຕ້ຂອງອິສຣາແອລ ເມື່ອວັນທີ 7 ຕຸລາ ທີ່ຜ່ານມາ ແລະໄດ້ສັງຫານຫຼາຍກວ່າ 1,400 ຄົນ.
ທ່ານຄາຮີ (Karhi) ຍັງໄດ້ກ່າວຫາ ຫ້ອງການຂ່າວ ອັລ ຈາຊີຣາ (Al Jazeera) ວ່າໄດ້ເປີດເຜີຍທະຫານອິສຣາແອລ ຕໍ່ຄວາມເປັນໄປໄດ້ຂອງການຖືກໂຈມຕີຈາກເຂດກາຊາ ໂດຍໄດ້ບອກກັບສະຖານີວິທະຍຸກອງທັບອິສຣາແອລວ່າ “ນີ້ແມ່ນສະຖານີທີ່ປຸກລະດົມ, ນີ້ແມ່ນສະຖານີທີ່ຖ່າຍວີດີໂອກອງທະຫານ ໃນເຂດໂຮມຊຸມນຸມທີ່ຢູ່ນອກເຂດ ກາຊາ... ທີ່ປຸກລະດົມການຕໍ່ຕ້ານພົນລະ ເມືອງຂອງອິສຣາແອລ.”
