ປະຊາຊົນຫລາຍໝື່ນຄົນໄດ້ພາກັນເດີນຂະບວນໄປຕາມຖະໜົນຫົນ ທາງໃນຫົວເມືອງຕ່າງໆໃນທົ່ວປະເທດ ເພື່ອປະທ້ວງຄ່າຄອງຊີບທີ່ສູງຂຶ້ນນັບມື້ນັ້ນ.
ປະຊາຊົນຫລາຍພັນຄົນໄດ້ພາກັນໄປອັດແອແຫຍ້ກັນເດີນຂະບວນໄປຕາມຖະໜົນຫົນທາງໃນນະຄອນ Jerusalem ໃນກຸງ Tel Aviv ແລະຫົວເມືອງໃຫຍ່ອື່ນໆໃນວັນເສົາວານນີ້ ຮຽກຮ້ອງຂໍໃຫ້ລັດຖະບານ ຊ່ວຍເຫລືອໃນການຫລຸດຜ່ອນ ຄ່າເຂົ້າປາອາຫານ ຄ່ານໍ້າມັນເຊື້ອໄຟ ແລະຄ່າບ່ອນພັກພາອາໄສທີ່ແພງຂຶ້ນນັ້ນ. ຄ່າຄອງຊີບທີ່ແພງຂຶ້ນເຫລົ່ານີ້ໄດ້ເຮັດຄວາມແຕກໂຕນ ກວ້າງຂວາງອອກລະຫວ່າງພວກຄົນຮັ່ງມີແລະພວກທີ່ທຸກຈົນ.
ພວກປະທ້ວງຮຽກຮ້ອງໃຫ້ລັດຖະບານລົດຄ່າພາສີລົງ ໃຫ້ການຊ່ອຍເຫລືອເກື້ອກູນດ້ານບ່ອນ
ພັກເຊົາແລະໃຫ້ປັບລາຄາສິນຄ້າລົງ. ນາຍົກລັດຖະມົນຕີ Netanyahu ໄດ້ຕອບສະໜອງ
ໂດຍປະກາດທໍາການປະຕິຮູບຫລາຍໆຢ່າງ ທີ່ພວກປະທ້ວງເຫັນວ່າບໍ່ພຽງພໍ.
ການສໍາຫລວດຫາງສຽງປະຊາຊົນສະແດງໃຫ້ເຫັນວ່າ ຄະແນນນິຍົມທ່ານເນທັນຢາຮູນັ້ນ
ຫລຸດລົງຢ່າງຫລວງຫລາຍ ແລະປະຊາຊົນສະໜັບສະໜຸນພວກປະທ້ວງຢ່າງແຂງແຮງ.
