ທ່ານ Benjamin Netanyahu ນາຍົກລັດຖະມົນຕີອີສຣາແອລ ກ່າວວ່າ ອີສຣາແອລ ຕຽມການທີ່ຈະຂະຫຍາຍການປະຕິບັດການຢ່າງສໍາຄັນຂອງຕົນໃຫ້ກວ້າງອອກໄປ ເພື່ອຕໍ່ຕ້ານກຸ່ມຫົວຮຸນແຮງຢູ່ໃນເຂດກາຊາ.
ການໃຫ້ເຫັນດັ່ງກ່າວຂອງທ່ານ Netanyahu ມີຂຶ້ນເມື່ອວັນອາທິດມື້ນີ້ໃນ ຂະນະທີ່ທະ ຫານອີສຣາແອລຫຼາຍພັນຄົນໄດ້ເຕົ້າໂຮມກຳລັງກັນຢູ່ເຂດຊາຍແດນ ໃນຂະນະທີ່ບັນຫາ ພິພາດກັບກຸ່ມຫົວຮຸນແຮງປາແລສໄຕໃນເຂດກາຊາ ຍືດເຍື້ອມາເປັນມື້ທີ່ຫ້າແລ້ວນັ້ນ.
ອີສຣາແອລໄດ້ຖະຫຼົ່ມເປົ້າໝາຍຫຼາຍແຫ່ງໃນເຂດກາຊາໃນວັນອາທິດມື້ນີ້ ດ້ວຍການໂຈມຕີທັງທາງອາກາດແລະທາງກອງທັບເຮືອ ໃນການຕອບໂຕ້ ຕໍ່ການຍິງຈະຫຼວດຂອງກຸ່ມປາແລສໄຕໃສ່ອີສຣາແອລຢ່າງບໍ່ລົດລະນັ້ນ.
ກອງທັບອີສຣາແອລ ໄດ້ຂະຫຍາຍເປົ້າໝາຍການໂຈມຕີກວ້າງອອກໄປ ອີກໃນຕອນເຊົ້າ ວັນອາທິດມື້ນີ້ ທີ່ໂຮມທັງຕຶກອາຄານຕ່າງໆທີ່ໃຊ້ໂດຍແຫຼ່ງ ສື່ມວນຊົນຕ່າງປະເທດ. ເຈົ້າ ໜ້າທີ່ກ່າວວ່າ ມີນັກຂ່າວຢ່າງໜ້ອຍສາມຄົນໄດ້ຮັບບາດເຈັບໃນການໂຈມຕີດັ່ງກ່າວ ນອກນີ້ອີສຣາແອລ ຍັງຖະຫຼົ່ມເປົ້າໝາຍຫຼາຍແຫ່ງຂອງກຸ່ມຮາມາສນັ້ນນໍາ. ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ໄດ້ເດີນທາງ ອອກຈາກປາຣີ ໃນວັນອາທິດມື້ນີ້ ໄປຍັງນະຄອນ Jerusalem ເພື່ອສະເໜີໃຫ້ການຊ່ວຍເຫຼືອຂອງຝຣັ່ງ ໃຫ້ມີ ການບັນລຸສັນຍາຢຸດຍິງ.
ທາງການປາແລສໄຕ ກ່າວວ່າ ປະຊາຊນໃນເຂດກາຊາເສຍຊີວິດໄປແລ້ວ ຢ່າງໜ້ອຍ 48 ຄົນ ນັບຕັ້ງແຕ່ເຫດການຄວາມຮຸນແຮງໄດ້ລະເບີດຂຶ້ນເມື່ອວັນພຸດຜ່ານມາ. ຝ່າຍອີສຣາແອລກໍກ່າວວ່າ ຊາວອີສຣາແອລເສຍຊີວິດໄປ 3 ຄົນ.
ການໃຫ້ເຫັນດັ່ງກ່າວຂອງທ່ານ Netanyahu ມີຂຶ້ນເມື່ອວັນອາທິດມື້ນີ້ໃນ ຂະນະທີ່ທະ ຫານອີສຣາແອລຫຼາຍພັນຄົນໄດ້ເຕົ້າໂຮມກຳລັງກັນຢູ່ເຂດຊາຍແດນ ໃນຂະນະທີ່ບັນຫາ ພິພາດກັບກຸ່ມຫົວຮຸນແຮງປາແລສໄຕໃນເຂດກາຊາ ຍືດເຍື້ອມາເປັນມື້ທີ່ຫ້າແລ້ວນັ້ນ.
ອີສຣາແອລໄດ້ຖະຫຼົ່ມເປົ້າໝາຍຫຼາຍແຫ່ງໃນເຂດກາຊາໃນວັນອາທິດມື້ນີ້ ດ້ວຍການໂຈມຕີທັງທາງອາກາດແລະທາງກອງທັບເຮືອ ໃນການຕອບໂຕ້ ຕໍ່ການຍິງຈະຫຼວດຂອງກຸ່ມປາແລສໄຕໃສ່ອີສຣາແອລຢ່າງບໍ່ລົດລະນັ້ນ.
ກອງທັບອີສຣາແອລ ໄດ້ຂະຫຍາຍເປົ້າໝາຍການໂຈມຕີກວ້າງອອກໄປ ອີກໃນຕອນເຊົ້າ ວັນອາທິດມື້ນີ້ ທີ່ໂຮມທັງຕຶກອາຄານຕ່າງໆທີ່ໃຊ້ໂດຍແຫຼ່ງ ສື່ມວນຊົນຕ່າງປະເທດ. ເຈົ້າ ໜ້າທີ່ກ່າວວ່າ ມີນັກຂ່າວຢ່າງໜ້ອຍສາມຄົນໄດ້ຮັບບາດເຈັບໃນການໂຈມຕີດັ່ງກ່າວ ນອກນີ້ອີສຣາແອລ ຍັງຖະຫຼົ່ມເປົ້າໝາຍຫຼາຍແຫ່ງຂອງກຸ່ມຮາມາສນັ້ນນໍາ. ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ໄດ້ເດີນທາງ ອອກຈາກປາຣີ ໃນວັນອາທິດມື້ນີ້ ໄປຍັງນະຄອນ Jerusalem ເພື່ອສະເໜີໃຫ້ການຊ່ວຍເຫຼືອຂອງຝຣັ່ງ ໃຫ້ມີ ການບັນລຸສັນຍາຢຸດຍິງ.
ທາງການປາແລສໄຕ ກ່າວວ່າ ປະຊາຊນໃນເຂດກາຊາເສຍຊີວິດໄປແລ້ວ ຢ່າງໜ້ອຍ 48 ຄົນ ນັບຕັ້ງແຕ່ເຫດການຄວາມຮຸນແຮງໄດ້ລະເບີດຂຶ້ນເມື່ອວັນພຸດຜ່ານມາ. ຝ່າຍອີສຣາແອລກໍກ່າວວ່າ ຊາວອີສຣາແອລເສຍຊີວິດໄປ 3 ຄົນ.
