ຕໍາຫລວດປາເເລສໄຕນ໌ກ່າວວ່າ ກໍາລັງທະຫານອີສຣາແອລ ໄດ້ຈັບກຸມພວກສະມາຊິກ
ກຸ່ມຮາມັສຈໍານວນຫລາຍສິບຄົນ ໃນວັນອາທິດມື້ນີ້ ໃນພາກໃຕ້ຂອງເຂດ ເເວສແບງຄ໌
ພຽງບໍ່ເທົ່າໃດຊົ່ວໂມງ ຫລັງຈາກພວກຮາມັສໃນເຂດກາຊາ ໄດ້ລະດົມຍິງຈະຫລວດໃສ່ ອີສຣາແອລ.
ອີສຣາແອລກ່າວວ່າ ພວກຫົວຮຸນແຮງໃນເຂດກາຊາ ທີ່ປົກຄອງໂດຍກຸ່ມຮາມັສນັ້ນ ໄດ້ຍິງ
ຈະຫລວດຫລາຍກວ່າ 100 ລູກ ໃສ່ເຂດພາກໃຕ້ຂອງອີສຣາແອລ ໃນໄລຍະສອງສາມມື້ ຜ່ານມານີ້.
ໂຄສົກທະຫານອີສຣາແອລ ນາຍພົນຈັດຕະວາ Yoav Mordechai ກ່າວວວ່າ ອີສຣາແອລ
ຈະບໍ່ລັງເລໃຈເລີຍ ທີ່ຈະຂະຫຍາຍການປະຕິບັດການທາງທະຫານຂອງຕົນກວ້າງອອກໄປ
ອີກ ຖ້າຈໍາເປັນ.
ກຸ່ມຮາມັສກ່າວວ່າ ຕົນກໍາລັງຍຸຕິການສະຫງົບເສິກກັບອີສຣາແອລ ເພື່ອກເປັນານຕອບໂຕ້
ຕໍ່ການໂຈມຕີທາງອາກາດຫລາຍໆບັ້ນຂອງອີສຣາແອລ ທີ່ແນໃສ່ພວກຫົວຮຸນແຮງໃນເຂດ
ກາຊາ ນັບຕັ້ງແຕ່ວັນພະຫັດຜ່ານມາ ທີ່ໄດ້ເຮັດໃຫ້ຊາວປາເເລສໄຕນ໌ເສຍຊີວິດຢ່າງໜ້ອຍ
14 ຄົນ ສ່ວນໃຫຍ່ ແມ່ນພວກຫົວຮຸນແຮງ. ຊາຍອີສຣາແອລຄົນນຶ່ງໄດ້ເສຍຊີວິດຍ້ອນຈະ
ຫລວດຈາກຝ່າຍຮາມັສ. ຕໍາຫລວດອີຈິບອີກຫ້າຄົນ ກໍຖືກຂ້າຕາຍ ໃນການປະທະກັນຢູ່
ຕາມເຂດຊາຍແດນ ອີສຣາແອລ-ອີຈິບນັ້ນ.
ທ່ານ Ehud Barak ລັດຖະມົນຕີປ້ອງ
ກັນປະເທດອີສຣາແອລ ໄດ້ຂໍໂທດກ່ຽວ
ກັບການເສຍຊີວິດຂອງພວກຕໍາຫລວດ
ອີຈິບນັ້ນ ແລະກ່າວວ່າ ອີສຣາແອລຈະ
ທໍາການສືບສວນສອບສວນກ່ຽວກັບ
ເຫດການທີ່ເກີດຂຶ້ນນັ້ນ ຮ່ວມກັນກັບ
ກອງທັບອີຈິບ. ແຕ່ລັດຖະບານອີຈິບ
ກ່າວວ່າ ການຂໍໂທດນັ້ນຍັງບໍ່ພຽງພໍ.
