ລັດຖະມົນຕີການຕ່າງປະເທດສະຫະລັດ ທ່ານນາງຮິນລາຣີ
ຄລິນຕັນ ກ່າວວ່າ ສະຫະລັດຈະບໍ່ເປັນຜູ້ປະກອບສ່ວນທີ່
ເຊື້ອຟັງອີກແລ້ວໃນການເຈລະຈາສັນຕິພາບໃນພາກຕາເວັນ
ກາງນັ້ນ ແຕ່ຈະທໍາການຊຸກຍູ້ໃຫ້ທັງສອງຝ່າຍຕໍ່ລອງກັນໃນ
ເລື່ອງທີ່ສໍາຄັນໆ ໂດຍບໍ່ໃຫ້ມີການຊັກຊ້າ.
ທ່ານນາງຄລິນຕັນໄດ້ພົບປະກັບທ່ານ Saeb Erakat ຫົວ
ໜ້າເຈລະຈາຝ່າຍປາເລສໄຕນ໌ ແລະທ່ານ Ehud Barak
ລັດຖະມົນຕີປ້ອງກັນປະເທດອິສຣາແອນໃນວັນສຸກວານນີ້.
ທ່ານນາງຄລິນຕັນ ກ່າວວ່າທູດພິເສດຂອງສະຫະລັດ ທ່ານ
George Mitchell ຈະກັບຄືນໄປຍັງຂົງເຂດໃນສັບປະດາໜ້າ ແລະກ່າວຕື່ມວ່າ ການເຈລະຈາກັນຈະເພ່ງເລັງໃສ່ເລື່ອງຕ່າງໆ ເຊ່ນ ເລື່ອງຊາຍແດນແລະຄວາມປອດໄພການຈັດຕັ້ງຖິ່ນຖານ ນໍ້າ ອົບພະຍົບແລະເລື່ອງນະຄອນ Jelusalem ດັ່ງນີ້ເປັນຕົ້ນຊຶ່ງທາງອິສຣາແອນ ກ່າວວ່າເປັນນະຄອນຫລວງຂອງຕົນ ແຕ່ເປັນບ່ອນທີ່ຝ່າຍປາເລສໄຕນ໌ຫວັງວ່າ
ຈະໃຊ້ເປັນນະຄອນຫລວງປະເທດໃໝ່ຂອງຕົນ.
ທ່ານນາງຄລິນຕັນ ກ່າວຖ້ອຍຖະແຫລງເຫລົ່ານີ້ໃນການກ່າວປາໄສເລື່ອງນະໂຍບາຍໃນ
ພາກຕາເວັນອອກກາງຄັ້ງທໍາອິດຂອງທ່ານນາງ ນັບແຕ່ສະຫະລັດໄດ້ປະຖິ້ມຄວາມພະ
ຍາຍາມເພື່ອຊັກຊວນໃຫ້ອິສຣາແອນ ຢຸດທໍາການກໍ່ສ້າງບ້ານເຮືອນໃໝ່ຕໍ່ໄປນັ້ນ.