ອິສຣາແອລທໍາການໂຈມຕີທາງອາກາດ ໃນເຂດກາຊາ ຕໍ່ຕ້ານພວກຫົວຮຸນແຮງ ຂະນະທີ່
ພວກເຂົາກໍາລັງກຽມ ເພື່ອຈະຍິງຈະຫລວດເຂົ້າໃສ່ອິສຣາແອລ.
ແຫລ່ງຂ່າວທາງການແພດກ່າວວ່າ ສະມາຊິກຄົນນຶ່ງຂອງກຸ່ມມຸສລິມ Jihad ຫົວຮຸນແຮງ
ເສຍຊີວິດແລະອີກ 3 ຄົນໄດ້ຮັບບາດເຈັບໃນການໂຈມຕີຄືນວັນເສົາຜ່ານມານີ້ທີ່ແນເປົ້າ
ໝາຍໃສ່ເມືອງ Khan Yunis ໃນພາກໃຕ້ຂອງເຂດກາຊານັ້ນ. ບໍ່ມີຖ້ອຍຖະແຫລງໃດໆ
ແຈ້ງໃຫ້ຊາບໃນທັນທີກ່ຽວກັບອາການຂອງຜູ້ບາດເຈັບນັ້ນ.
ໂຄສົກກອງທັບອິສຣາແອລໄດ້ຢືນຢັນວ່າເຮືອບິນລໍານຶ່ງຂອງຕົນໄດ້ລະດົມຍິງໃສ່ພວກປາ
ແລສໄຕນ໌ຫົວຮຸນແຮງ.
ກຸ່ມຫົວຮຸນແຮງດັ່ງກ່າວໄດ້ຍິງຈະຫລວດປະມານ 20 ລູກເຂົ້າໃສ່ອິສຣາແອລໃນສັບປະດາ
ກ່ອນໜ້ານີ້ ໂດຍໄດ້ສັງຫານພົນລະເຮືອນອິສ
ຣາແອລຄົນນຶ່ງແລະໄດ້ຮັບບບາດເຈັບອີກຫລາຍຄົນ ການຍິງຈະຫລວດໂຈມຕີດັ່ງກ່າວນັ້ນ
ໄດ້ພາໃຫ້ອິສຣາແອລທໍາການໂຈມຕີໃນເຂດ
ກາຊາທີ່ໄດ້ສັງຫານພວກສະມາຊິກຂອງກຸ່ມມຸສລິມ Jihad 9 ຄົນ.
