ອິສຣາແອລ ໄວ້ອາໄລ ນຳທ່ານ Ariel Sharon (ວີດີໂອ)

ທາງ​ການອິສຣາ​ແອ​ລກ່າວ​ວ່າ ສົບ​ຂອງ​ອະດີດນາຍົກລັດຖະມົນ
ຕີ Ariel Sharon ຈະ​ຖືກ​ນໍາ​ໄປ​ດອຍ​ໄວ້ ​ເປັນ​ເວລາ​ຫລາຍ​ຊົ່ວ
​ໂມງ​ໃນ​ວັນ​ອາທິດ​ມື້​ນີ້ ​ຢູ່​ຕຶກ Knesset ກໍ​ຄື​ສະພາ​ແຫ່ງ​ຊາດ ​
ໃນ​ນະຄອນ​ເຈຣູຊາ​ແລມ ເພື່ອ​ໃຫ້ບັນດາ​ຜູ້​ໄວ້ອາ​ໄລ​ໄດ້​ເຂົ້າ​ໄປ
​ເຄົາລົບ​ສົບ.

ທ່ານ Sharon ເຖິງແກ່ອະສັນຍະກໍາ​ໄປ ​ໃນ​ວັນ​ເສົາ​ວານ​ນີ້
ລວມອາຍຸ​ໄດ້ 85 ປີ ຍ້ອນ​ອາການ​ແຊກ​ຊ້ອນຈາ​ກການ​ເປັນ
​ລົມ​ສາລະ​ບາດ​ຂັ້ນ​ຮ້າຍ​ແຮງເມື່ອ 8 ປີ​ກ່ອນ ຊຶ່ງ​ເຮັດ​ໃຫ້​ທ່ານ​
ຕົກ​ຢູ່​ໃນ​ສະພາບ​ໂຄ່​ມາ ​ ​ບໍ່​ຮູ້​ສຶ​ກ​ໂຕນັບ​ຕັ້ງ​ແຕ່​ນັ້ນ​ມາ.

ຜູ້ອໍານວຍການທ່ານ​ນຶ່ງ ທີ່ສູນກາງການແພດ Sheba ​ໃກ້​ນະຄອນ ຫລວງ Tel Aviv ທ່ານ
Shlomo Noy ເວົ້າວ່າທ່ານ Sharon ສິ້ນຊີວິດໄປ "ດ້ວຍຄວາມສະຫງົບ" ໂດຍມີຄອບຄົວ
ຂອງທ່ານ ຢູ່ຄຽງ ຂ້າງ. ທ່ານ Noy ກ່າວ​ວ່າ ທ່ານ Sharon ບໍ່ເຄີຍຮູ້ສຶກໂຕຢ່າງເຕັມທີ່ເລີຍ
ນັບ​ຕັ້ງ​ແຕ່​ທ່ານ​ໄດ້​ຕົກ​ຢູ່​ໃນ​ສະພາບ​ເປັນໂຄ​ມ່າ ​ໃນ​ປີ 2006 ​ເປັນ​ຕົ້ນ​ມາແລະວ່າອະໄວຍະ
ວະທີ່ສໍາຄັນໆ ຂອງທ່ານໄດ້ເລີ້ມລົ້ມແຫລວລົງ ​ເມື່ອນຶ່ງອາທິດ​ຜ່ານ​ມາ.

ນາຍົກລັດຖະມົນຕີຄົນປັດຈຸບັນຂອງອິສຣາແອລ ທ່ານ Benjamin Netanyahu ກ່າວວ່າ "ມີຄວາມຮູ້ສຶກເສົ້າເສຍໃຈຢ່າງເລິກລໍ້າ" ຢູ່ໃນປະເທດຂອງຊາວຍິວ ກໍຄືອິສຣາແອລ ກ່ຽວກັບ
ການຈາກໄປຂອງທ່ານ Sharon ນັ້ນ. ທ່ານ Netanyahu ກ່າວຕໍ່ໄປວ່າ ອະດີດຜູ້ນໍາທ່ານນີ້ ຈະຢູ່ໃນຫົວໃຈຂອງປະເທດຊາດຕະຫລອດໄປ.