ປະທານາທິບໍດີ Shimon Peres ແຫ່ງອິສຣາແອລ ກ່າວວ່າ ປະຊາຄົມນາໆຊາດ
ໃກ້ຈະເລືອກເອົາການເຄື່ອນໄຫວທາງທະຫານ ເພື່ອຮັບມືກັບໂຄງການນີວເຄລຍ
ຂອງອີຣ່ານ ແທນທີ່ຈະຊອກຫາທາງແກ້ໄຂທາງການທູດຕໍ່ການຂົ່ມຂູ່ຂອງອິຣ່ານ.
ທ່ານ Peres ກ່າວເຊ່ນນີ້ຕໍ່ຕາໜ່າງໂທລະພາບຊ່ອງ 2 ຂອງອິສຣາແອລໃນວັນ
ສຸກວານນີ້ວ່າ ພວກຜູ້ນໍາຂອງໂລກຕ້ອງປະຕິບັດຕາມຄໍາໝັ້ນສັນຍາຂອງຕົນເພື່ອຢຸດ
ອີຣ່ານໃນການຂົ່ມຂູ່ນີ້.
ໃນວັນພະຫັດມື້ກ່ອນນີ້ ປະທານາທິບໍດີບາຣັກໂອບາມາແຫ່ງສະຫະລັດກ່າວວ່າ
ໂຄງການນີວເຄລຍຂອງອີຣ່ານສືບຕໍ່ເປັນໄພຂົ່ມຂູ່ຢູ່ຕໍ່ໄປ ແລະຮຽກຮ້ອງໃຫ້ນາໆ
ຊາດທໍາຄວາມກົດດັນຕໍ່ອີຣ່ານທີ່ບໍ່ເຄີມມີມາກ່ອນຕໍ່ລັດຖະບານກຸງເຕຫະຣ່ານເພື່ອ
ໃຫ້ປະຕິບັດຕາມພັນທະນີວເຄລຍຂອງຕົນ.
ອົງການກວດກາພະລັງປະລະມະນູສາກົນ ຫລື IAEA ກໍານົດຈະເປີດເຜີຍລາຍງານ
ຂອງຕົນສະບັບນຶ່ງກ່ຽວກັບໂຄງການນີວເຄລຍຂອງອີຣ່ານໃນສັບປະດາໜ້າ.
ພວກປະເທດມະຫາອໍານາດໃນພາກຕາເວັນຕົກສົງໄສວ່າກຸງເຕຫະຣ່ານພວມພັດທະ
ນາອາວຸດນີວເຄລຍແລະໄດ້ປະກາດລົງໂທດໃນຄວາມພະຍາຍາມເພື່ອສະກັດກັ້ນໂຄງ
ການນີວເຄລຍຂອງອີຣ່ານນີ້.
ອີຣ່ານຊຶ່ງຄັດຄ້ານຕໍ່ການມີປະເທດອິສຣາແອລໃນໂລກນັ້ນ ກ່າວວ່າ ຕົນຫລອມທາດ
ຢູເຣນຽມ ແມ່ນເພື່ອໃຊ້ໃນເຕົາແຍດນີວເຄລຍເພື່ອປັ່ນກະແສໄຟຟ້າເທົ່ານັ້ນ.
