ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ອິສຣາແອລ ແລະ ກຸ່ມຫົວ​ຮຸນ​ແຮງ ຮາມັສ ຕົກລົງ ຢຸດຍິງກັນ ໃນເຂດກາຊາ (ສະ​ໄລ​ດ໌/ວີດີໂອ)


ທ້າວ Samih,ຂ້າງຊ້າຍ ແລະນາງ Shaima Hossen ພາກັນເບິ່ງຄວາມເສຍຫາຍ ຂອງເຮືອນເຂົາເຈົ້າ ຫຼັງຈາກ
ການຍິງລູກສອນໄຟ ໂຈມຕີ ຂອງພວກອິສຣາແອລ ໃນເຂດກາຊາ ວັນທີ 17 ກໍລະກົດ 2014.
ທ້າວ Samih,ຂ້າງຊ້າຍ ແລະນາງ Shaima Hossen ພາກັນເບິ່ງຄວາມເສຍຫາຍ ຂອງເຮືອນເຂົາເຈົ້າ ຫຼັງຈາກ ການຍິງລູກສອນໄຟ ໂຈມຕີ ຂອງພວກອິສຣາແອລ ໃນເຂດກາຊາ ວັນທີ 17 ກໍລະກົດ 2014.

ເຈົ້າໜ້າທີ່ອິສຣາແອລຄົນນຶ່ງກ່າວວ່າ ອິສຣາແອລແລະກຸ່ມຫົວ
ຮຸນແຮງ ຮາມັສໄດ້ບັນລຸການຕົກລົງຢຸດຍິງ ໃນຂອບເຂດທີ່ກວ້າງ
ຂວາງ ເລີ້ມໃນວັນສຸກມື້ອື່ນນີ້.

ເຈົ້າໜ້າທີ່ ທີ່ຂໍສະຫງວນຊື່ ກ່າວວ່າ ການຢຸດຍິງຈະເລີ້ມແຕ່ເວ
ລາ 6 ໂມງເຊົ້າຕາມເວລາທ້ອງຖິ່ນ.

ໃນເວລານີ້ ຍັງບໍ່ທັນມີຄວາມເຫັນໃດໆຈາກກຸ່ມຮາມັສເທື່ອ.

ກ່ອນໜ້ານີ້ທັງສອງຝ່າຍໄດ້ຕົກລົງຢຸດຍິງດ້ານມະນຸດສະທຳເປັນເວລາ 5 ຊົ່ວໂມງ ຊຶ່ງ
ເລີ້ມມີຜົນບັງຄັບໃນວັນພະຫັດມື້ນີ້.

ອິສຣາ​ແອ​ລ ກ່າວ​ວ່າ ພວກ​ຫົວ​ຮຸນ​ແຮງຣາມັສ ​ໃນ​ເຂດ​ກາຊາ ​ໄດ້​ຍິງ ປືນ​ຄົກ 3 ລູກ ຫຼັງ​ຈາກ​ການ​ຢຸດ​ຍິງເລີ້ມມີ​ຜົນ​ບັງຄັບ​ໃຊ້​ ໃນ​ວັນ​ພະຫັດ​ມື້​ນີ້.

ກອງທັບ​ອິສຣາ​ແອ​ລ ກ່າວ​ວ່າ ລູກປືນ​ຄົກ​ໄດ້​ຕົກລົງ​ໃສ່​ເມືອງ Eshkol ​ໃນ​ພາກ​ໃຕ້​ຂອງ​ອິສຣາ​ແອ​ລ.

ອິສຣາ​ແອ​ລ ​ໄດ້​ເຕືອນ​ໄວ້​ກ່ອນ ວ່າ​ຕົນ​ຈະ​ຕອບ​ໂຕ້​ດ້ວຍ​ກຳລັງ ຖ້າ​ຫາກ​ກຸ່ມ​ຮາ​ມັສລະ
​ເມີດ​ການ​ຢຸດ​ຍິງ ​ແຕ່​ເວລາ​ນີ້ ຍັງ​ບໍ່​ທັນ​ມີ​ລາຍ​ງານ ແຈ້ງ​ໃຫ້​ຊາບ​ກ່ຽວ​ກັບ​ການ​ຕອບ​ໂຕ້​ໃດໆເທື່ອ.

​ໃນ​ເຊົ້າ​ວັນ​ພະຫັດ​ມື້​ນີ້ ກ່ອນ​ການ​ຢຸດ​ຍິງ ການ​ໂຈມ​ຕີ​ທາງ​ອາກາດ​ຂອງ​ອິສຣາ​ແອ​ລ ​ໄດ້
​ຖືກ​ເປົ້າ​ໝາຍ 37 ​ແຫ່ງ​ໃນ​ເຂດ​ກາຊາ.

ທະຫານ​ອິສຣາ​ແອ​ລ ຍັງ​ກ່າວ​ເຊັ່ນ​ກັນ​ວ່າ ຕົນ​ໄດ້​ຢຸດ​ການ​ພະຍາຍາມ​ໂຈມ​ຕີ​ ຂອງ​ພວກ​
ມື​ປືນ​ຮາ​ມັສ 13 ຄົນ ທີ່​ລັກລອບເຂົ້າ​ໄປໃນ​ພາກ​ໃຕ້​ຂອງ​ອິສຣາ​ແອ​ລ ​ໂດຍ​ຜ່ານ​ທາງ​ອຸ​
ໂມງ​ແຫ່ງ​ນຶ່ງ​.

ບັນດາ​ເຈົ້າ​ໜ້າ​ທີ່​ການແພດປາ​ແລ​ສ​ໄຕ​ນ໌ກ່າວ​ວ່າ ປະຊາຊົນ 227 ຄົນ​ ໄດ້​ເສຍ​ຊີວິດ ນັບ​ແຕ່​ອິສຣາ​ແອ​ລ​ໄດ້​ເລີ້ມ​ການ​ປະຕິບັດ​ງານຂອງ​ຕົນ​ເປັນ​ຕົ້ນ​ມາທີ່​ມີ​ວັດຖຸ​ປະສົງ​ເພື່ອ​ຢຸດ
​ການ​ໂຈມ​ຕີ​ດ້ວຍ​ຈະ​ຫຼວດຂອງ​ພວກ​ ຫົວ​ຮຸນ​ແຮງ ທີ່​ເລີ້ມ​ຂຶ້ນ​ໃນ​ສັບປະດາ​ແລ້ວ​ນີ້​. ຄົນ​ອິສຣາ​ແອ​ລຄົນ​ນຶ່ງ ​ໄດ້​ເສຍ​ຊີວິດ​ໃນ​ການ​ສູ້​ລົບ​ກັນ.

israelpalestinians17july14
please wait

No media source currently available

0:00 0:01:49 0:00

XS
SM
MD
LG