ອິສຣາແອລ ກຳລັງບຸກໂຈມຕີ ຕໍ່ພວກຫົວຮຸນແຮງໃນເຂດກາຊາ
ເປັນມື້ທີສາມລຽນຕິດ ໂດຍທຳການໂຈມຕີທາງອາກາດຢ່າງຮ້າຍ
ແຮງ ທີ່ມີວັດຖຸປະສົງເພື່ອຢຸດການຍິງຈະຫຼວດໂຈມຕີມາຈາກເຂດ
ກາຊານັ້ນ.
ການໂຈມຕີທາງອາກາດໄດ້ຖືກເປົ້າໝາຍຫຼາຍແຫ່ງໃນວັນພະຫັດ
ມື້ນີ້ ຮວມທັງການສັງຫານຜູ້ຄົນ 3 ຄົນໃນລົດຄັນນຶ່ງທີ່ເມືອງ Ga-
za ແລະອີກ 8 ຄົນໃນອາຄານຫຼັງນຶ່ງ ໃນເມືອງ Khan Younis.
ກອງທັບອິສຣາແອລ ກ່າວວ່າ ການໂຈມຕີຂອງຕົນ ໄດ້ຖືກເປົ້າ
ໝາຍຫຼາຍກວ່າ 300 ແຫ່ງໃນຄືນຜ່ານມາ ແລະມາຮອດປັດຈຸບັນ ໄດ້ຖືກເປົ້າໝາຍ 750 ແຫ່ງແລ້ວ ນັບແຕ່ວັນອັງຄານແລ້ວນີ້ ເປັນຕົ້ນມາ.ການໂຈມຕີທາງອາກາດເຫຼົ່ານີ້ ໄດ້ສັງ ຫານຊາວປາແລສໄຕນ໌ ຢ່າງໜ້ອຍ 72 ຄົນ.
ພວກຈະຫຼວດທີ່ຍິງມາຈາກເຂດກາຊາ ໄດ້ຕົກຖືກຫຼາຍໆເຂດໃນພາກກາງແລະພາກໃຕ້
ຂອງອິສຣາແອລໂດຍສ້າງຄວາມຫຍຸ້ງຍາກໃຫ້ແກ່ປະຊາຊົນໃນຂົງເຂດ ແຕ່ມາຮອດປັດ
ຈຸບັນນີ້ຍັງບໍ່ມີຜູ້ໃດບາດເຈັບແລະລົ້ມຕາຍເທື່ອ.
ກອງທັບກ່າວວ່າ ລະບົບປ້ອງກັນລູກສອນໄຟ Iron Dome ຂອງອິສຣາແອລ ສະກັດກັ້ນຢ່າງໜ້ອຍຈະຫຼວດລູກນຶ່ງໄວ້ໄດ້ໃນວັນພະຫັດມື້ນີ້ ທີ່ຍິງມາໃສ່ນະຄອນ Tel Aviv ຊຶ່ງ
ເປັນນຶ່ງໃນບັນດາຫົວເມືອງໃຫຍ່ທີ່ສຸດຂອງອິສຣາແອລ ທີ່ຕັ້ງຢູ່ຫ່າງຈາກເຂດກາຊາໄປທາງທິດເໜືອປະມານ 60 ຫຼັກກິໂລແມັດນັ້ນ. ນອກນັ້ນ ລະບົບປ້ອງກັນດັ່ງກ່າວ ຍັງສະ
ກັດກັ້ນລູກຈະຫຼວດອີກລູກນຶ່ງ ໃນພາກຕາເວັນອອກຂອງດິນແດນຂອງປາແລສໄຕນ໌
ນັ້ນ.
ທ່ານພັນກີມູນ ເລຂາທິການໃຫຍ່ສະຫະປະຊາຊາດ ຈະກ່າວເລື້ອງສະ ຖານະການດັ່ງ
ກ່າວ ຕໍ່ກອງປະຊຸມສຸກເສີນຂອງສະພາຄວາມໝັ້ນຄົງໃນວັນພະຫັດມື້ນີ້.