ພວກຫົວຮຸນແຮງໃນເຂດກາຊາໄດ້ຍິງຈະຫຼວດໄປໃສ່ອິສຣາແອລ ຫຼັງຈາກເຮືອບິນລົບຂອງ
ອິສຣາແອລໂຈມຕີເຂດກາຊາເພື່ອເປັນການຕອບໂຕ້ຕໍ່ການໂຈມຕີຫຼາຍໆຄັ້ງ ໃສ່ພາກໃຕ້
ອິສຣາແອລ ທີ່ເຮັດໃຫ້ມີຜູ້ເສຍຊີວິດ 8 ຄົນນັ້ນ.
ເຈົ້າໜ້າທີ່ອິສຣາແອລກ່າວວ່າ ພວກຫົວຮຸນແຮງໄດ້ຍິງຈະຫຼວດຢ່າງນ້ອຍ 10 ລູກໄປໃສ່ອິສ
ຣາແອລ ໃນວັນສຸກມື້ນີ້ ຊຶ່ງໄດ້ສ້າງຄວາມເສຍຫາຍ ໃຫ້ແກ່ໂຮງຮຽນວັດຂອງສາສະໜາຢິວ
ແຫ່ງນຶ່ງທີ່ເມືອງ Ashdod ໃນພາກໃຕ້ຂອງອິສຣາແອລ ທີ່ເຮັດໃຫ້ມີຜູ້ໄດ້ຮັບບາດເຈັບຈຳ
ນວນນຶ່ງ.
ການຍິງຈະຫຼວດໂຈມຕີມີຂຶ້ນລຸນຫຼັງການໂຈມຕີທາງອາກາດໃນຕອນກາງຄືນຕໍ່ເຂດກາຊາ ທີ່ໄດ້ສັງຫານເດັກຊາຍຄົນນຶ່ງ. ອິສຣາແອລ ໄດ້ທຳການໂຈມຕີທາງອາກາດ ຫຼັງຈາກໄດ້ມີ
ການບຸກໂຈມຕີ ໃນວັນພະຫັດວານນີ ້ຕາມບໍລິເວນຊາຍແດນອິສຣາແອລ ທີ່ຕິດກັບອີຈິບ. ກອງທັບອິສຣາແອລກ່າວວ່າພວກມືປືນໄດ້ເຂົ້າໄປໃນອິສຣາແອລຈາກເຂດກາຊາໂດຍຜ່ານ ທາງແຫຼມໄຊນາຍຂອງອີຈິບ.
ກຳລັງອິສຣາແອລໄດ້ສັງຫານພວກໂຈມຕີຢ່າງນ້ອຍ 5 ຄົນຢູ່ຕາມບໍລິເວນຊາຍແດນແລະຕໍ່ ມາກໍໄດ້ສັງຫານສະມາຊິກອີກ 4 ຄົນຂອງກຳລັງປະກອບອາວຸດ ປາແລສໄຕນ໌ທີ່ມີຊື່ວ່າຄະ ນະກຳມະການຕໍ່ຕ້ານຂອງມະຫາຊົນຫຼັງຈາກໄດ້ມີການຖິ້ມໂທດໃສ່ກຸ່ມດັ່ງກ່າວວ່າເປັນຜູ້ຮັບ
ຜິດຊອບໃນການໂຈມຕີແລະກຸ່ມກໍ່ການຮ້າຍຈຸນີ້ກໍປະກາດວ່າຈະທຳການແກ້ແຄ້ນຕໍ່ການສັງ
ຫານໃນຄັ້ງນີ້ຊຶ່ງມີລາຍງານວ່າ ພວກທີ່ເສຍຊີວິດແມ່ນຮວມທັງຜູ້ນຳຂອງກຸ່ມນຳດ້ວຍ.
ຂະນະດຽວກັນ ກຸ່ມຫົວຮຸນແຮງຮາມັສ ຊຶ່ງເປັນຜູ້ຄວບຄຸມເຂດກາຊານັ້ນ ໄດ້ປະຕິເສດວ່າ
ຕົນບໍ່ມີສ່ວນພົວພັນໃດໆໃນການໂຈມຕີຕໍ່ຊາວອິສຣາແອລ.
