ການປະຕິບັດງານທາງພາກພື້ນດິນຂອງອິສຣາແອລ ໃນ
ແຫລມກາຊາ ໄດ້ດຳເນີນໄປ ເປັນມື້ທີສາມ ໃນວັນເສົາມື້ນີ້.
ອິສຣາແອລ ກ່າວວ່າ ການໂຈມຕີທາງພາກພື້ນດິນ ແມ່ນແນ
ໃສ່ ເພື່ອທຳລາຍບັນດາອຸໂມງ ທີ່ໃຊ້ໂດຍພວກນັກລົບ ຂອງ
ກຸ່ມຫົວຮຸນແຮງ Hamas.
ກອງທັບອິສຣາແອລ ກ່າວວ່າ ຕົນໄດ້ໂຈມຕີເປົ້າໝາຍ ຂອງ
ພວກກໍ່ການຮ້າຍ 200 ແຫ່ງນັບແຕ່ການປະຕິບັດງານໄດ້ເລີ້ມ
ຂື້ນໃນຕອນແລງຂອງວັນພະຫັດ ຮວມທັງອຸໂມງອີກ 20ກວ່າ
ແຫ່ງ ທີ່ໃຊ້ໃນການແຊກຊຶມ ລັກລອບອາວຸດແລະດິນລະເບີດ
ເຂົ້າໄປໃນ ອິສຣາແອລ ແລະທາງກອງທັບ ກ່າວວ່າ ພວກຫົວຮຸນແຮງຫລາຍກວ່າ 20
ຄົນໄດ້ຖືກສັງຫານ ໃນກາບຸກໂຈມຕີດັ່ງກ່າວ.
ໃນລະຫວ່າງທີ່ມີການບຸກໂຈມຕີນັ້ນ ພວກຫົວຮຸນແຮງປາແລສໄຕນ໌ ຍັງສືບຕໍ່ຍິງລູກຈະ
ຫລວດ ເຂົ້າໃສ່ອິສຣາແອລ. ລູກຈະຫລວດຫຼາຍລູກ ໄດ້ຖືກຍິງຕົກໂດຍ ລະບົບຕໍ່ຕ້ານ
ລູກສອນໄຟ Iron Dome ຂອງອິສຣາແອລ.
ອິສຣາແອລ ບຸກ ເຂດກາຊາ
ໃນຕອນແລງວັນສຸກວານນີ້ ສະພາຄວາມໝັ້ນຄົງ ສະຫະປະຊາຊາດ ໄດ້ເປີດ ປະຊຸມສຸກ
ເສີນ ເພື່ອປຶກສາຫາລື ກ່ຽວກັບວິກິດການ ໃນເຂດກາຊາ.
ທູດພິເສດປາແລສໄຕນ໌ ທ່ານ Riyad Mansour ກ່າວວ່າ ອິສຣາແອລ ກຳ ລັງກໍ່ອາດຊະ
ຍາກຳສົງຄາມ ແລະລ່ວງລະເມີດສິດທິມະນຸດຂອງປະຊາຊົນປາແລສໄຕນ໌. ເອກອັກຄະ
ລັດຖະທູດອິສຣາແອລ ປະຈຳສະຫະປະຊາຊາດ ທ່ານ Ron Prosor ກ່າວວ່າ ອິສຣາແອລ
ແມ່ນບໍ່ມີທາງເລືອກ ນອກເໜືອໄປຈາກ ບຸກໂຈມຕີເຂົ້າໄປໃນເຂດກາຊາ ໂດຍກ່າວວ່າ ຈຸດ
ໝາຍກໍເພື່ອຫຼຸດຜ່ອນຄວາມ ສາມາດໃນການກໍ່ການຮ້າຍຂອງກຸ່ມ Hamas ລົງ. ທ່ານເວົ້າ
ວ່າ ກຸ່ມ Hamas ໄດ້ “ປະຕິເສດຕໍ່ການນຳສະເໜີທຸກໆຢ່າງ ທີ່ຈະຟື້ນຟູຄວາມສະຫງົບ.”
ທ່ານ Jeff Felman ເຈົ້າໜ້າທີ່ສະຫະປະຊາຊາດ ກ່າວວ່າ ເລຂາທິການໃຫຍ່ ທ່ານ Ban
Ki-moon ຈະເດີນທາງໄປຍັງພາກຕາເວັນອອກກາງ ໃນວັນເສົາມື້ນີ້ ເພື່ອຊ່ວຍໄກ່ເກ່ຍບັນ
ຫາຂັດແຍ້ງ ລະຫວ່າງອິສຣາແອລ ແລະກຸ່່ມ Hamas ທີ່ຄວບຄຸມແຫລມກາຊາ. ເຈົ້າໜ້າ
ທີ່ຄົນນີ້ບໍ່ໄດ້ກ່າວຢ່າງເຈາະຈົງວ່າ ທ່ານ Ban ຈະເດີນທາງໄປໃສແທ້.
